ايه حل سخونة لادا 2105

[محمد التهامى]

العربيه انهارده الظهر كنت ماشى فى مكان زحمه المهم لقيت مؤشر الحراره ارتفع اكتر من النصف
طيب لما ندخل شويه فى الصيف هعمل ايه؟
ماهو الحل لعدم سخونتة العربيه وايه اللى ممكن يحصل لو العربيه سخنت هى بطلت منى مرتين فى الزحمه قلت اكيد من السخونه الكلام ده مظبوط ولا ايه؟
ولو المؤشر فى النصف او بعد المنتصف لازم اقف ولا عادى؟
افيدوني وجزاكم الله خيرا

[mekawy2000]

بص يا غالى مؤشر الحراره فى النص تبقى درجه الحراره 90 وده غير مقلق بالمره اما لوزاد الى اكتر من 120عند بدايه الشجره الخضراء فى مؤشر الحراره فهى كده بدايه الخطوره لازم تقف وتبص على المياه ومروحه التبريد وخلى بالك ونت بتفتح غطاء الريداتير لان المياه فى حاله غليان وضغط المياه عالى
طيب فى حاله لو مروحه السياره كهرباء مراجعه ترمستاد الريداتير
لو السياره مروحه على الموتور مراجعه دوره المياه
استعداد للصيف تنظيف دوره التبريد بالكامل
ولو عندك ريداتير حديد او الومنيوم حاول تغيره بواحد نحاس 3ماسوره تراز5 لانه مواسيره اوسع وكميه المياه كتيره فيه
لو المروحه كهرباء راجع كفاءه المروحه وتركيب ترمستاد جديد90-80 وتركيب كتاوت للمروحه
وربا الموفق لان الشتاء السنه دى كان برد قارس فاممكن الصيف يكون درجه الحراره عاليه برده

[ايمن عبدالحميد]

الريداتير وطرمبة المياة هما متنفس هذة السيارة الوحيد ، ويجب مراجعتهما معاً : بالنسبة للراديتير لازم يكون نحاس 3 ماسورة أصلى أو يتعمل عمولة من ريداتير استيراد يابانى او المانى كبير بيتقطع على قد العربية وتركب علية العلب بتاعة ريداتير العربية وبلاش تجيب جديد مصرى :
أما بالنسبة لطرمبة المياة فيمكنك التعرف على صلاحيتها من خلال مسكها باليد وهزها اذا كانت بتلق(مبوشة ) لازم تغيرها وتجيب واحدة روسى أصلى أو المانى (موجودة المانى ب 100 ج)
وقبل أى مصروف لازم تراجع التاكيهات لأنها لو مزنوقة يعنى مقفولة تولع العربية وتأكلها بنزين
ومقاس ضبطها بفللر 25 سواء الصيف او الشتا.......يبقى الخلاصة
1- ضبط التاكيهات
2- مراجعة الريداتير وطرمبة المياة وضبط كهرباء الاسبراتير لأن الكهربا لو كتير بتسخن بردة
يبقى مشوار للميكانيكى وبعدة مشوار لصنايعى الريداتير، وضرورى تطمنى

[kimo10]

المشاركة الأصلية كتبت بواسطة محمد التهامى العربيه انهارده الظهر كنت ماشى فى مكان زحمه المهم لقيت مؤشر الحراره ارتفع اكتر من النصف طيب لما ندخل شويه فى الصيف هعمل ايه؟ ماهو الحل لعدم سخونتة العربيه وايه اللى ممكن يحصل لو العربيه سخنت هى بطلت منى مرتين فى الزحمه قلت اكيد من السخونه الكلام ده مظبوط ولا ايه؟ ولو المؤشر فى النصف او بعد المنتصف لازم اقف ولا عادى؟ افيدوني وجزاكم الله خيرا

الاجابة عن خبرة 6 سنوات فى الادا
اولا تنظيف الريداتير واصلاح اى تسريب بيه ثانيا عند فنى اصلاح الريداتير خليه يحط كمرة كوتش جديدة فى وصلة المياة
كانك تعمل طبة ليها اى متخصص ريداتير حيعرف يعمل اللى باولك عليه ده السبب فى سخونة الادا 2105
لان المروحة بيها تعمل ديركت مع المتور وليست اتوماتيكيا
وباذن الله مشكلة السخونة تنتهى

[محمد التهامى]

المشاركة الأصلية كتبت بواسطة ايمن عبدالحميد الريداتير وطرمبة المياة هما متنفس هذة السيارة الوحيد ، ويجب مراجعتهما معاً : بالنسبة للراديتير لازم يكون نحاس 3 ماسورة أصلى أو يتعمل عمولة من ريداتير استيراد يابانى او المانى كبير بيتقطع على قد العربية وتركب علية العلب بتاعة ريداتير العربية وبلاش تجيب جديد مصرى : أما بالنسبة لطرمبة المياة فيمكنك التعرف على صلاحيتها من خلال مسكها باليد وهزها اذا كانت بتلق(مبوشة ) لازم تغيرها وتجيب واحدة روسى أصلى أو المانى (موجودة المانى ب 100 ج) وقبل أى مصروف لازم تراجع التاكيهات لأنها لو مزنوقة يعنى مقفولة تولع العربية وتأكلها بنزين ومقاس ضبطها بفللر 25 سواء الصيف او الشتا.......يبقى الخلاصة 1- ضبط التاكيهات 2- مراجعة الريداتير وطرمبة المياة وضبط كهرباء الاسبراتير لأن الكهربا لو كتير بتسخن بردة يبقى مشوار للميكانيكى وبعدة مشوار لصنايعى الريداتير، وضرورى تطمنى

اشكرك جدا استاذ ايمن على الاجابه الممتازه وجزاك الله خيرا