|
#1
02-03-2012, 04:17 PM
|
||||
|
||||
قوارب البطاطس المحشيه باللحمه المفرومه و الخضار اهداء لاحمد ممدوح (كورسي)ر
رياض باشا المنفلوطى موصينى اجيبلك الاكله دى
لانه عارف انك بتحبها ووزارة الداخليه و مجلس الامن و القلل المتحده بتهنيك على الاكلة دى يا كورسير  المقادير بالنظر: بطاطس صغيرة ولو كبيرة نقسمها نصين زي ماهتشوفوا الصور لحمة مفرومة متعصجة بصل جزر بسلة صلصة او معجون طماطم هنجيب البطاطس نقورها ومنخلهاش تخينة اوي وبعدين نشوحها في الزيت  ونكون قطعنا الجزر مكعبات وجهزنا البسلة سواء فروزن او فريش انا استعملت الفروزن ونجيب بصلة متوسطة نشوحها في الزبدة او الزيت ونضيف عليها الجزر والبسلة ونقلب شوية وبعدين نضيف شوية ماية صغيرة ونسيب الخضار يستوي نص سوا كدة  وبعدين نكون دوبنا معجون الطماطم في شوية ماية صغيرة ونضيفها عالخضار مع اللحمة المتعصجة ونسيبها تتسبك شوية ونظبط الحدق الملح والفلفل والحبهان البودرة وبضيف قرفة عاللحمة وانا بعصجها بتديها نكهة رووعة  ونجيب البطاطس نحشيها بالحشوة الرووعة دي وهنا عندنا اختيارين الاول انكوا ترصوها في صينية مع بصلة متشوحة وصلصة وتدخلوهاا الفرن او لو مستعجلين زيي نرصها في حلة مع نفس الصلصة بس علي البوتاجاز من فوق وممكن نقطع البصلة علي طول من غير مانشوحها  ناخد بالنا واحنا بنقور البطاطس نعملها قاعدة من تحت عشان نعرف نريحها في الصيينية ورجلها متتعبهاش مالوقفة   ودة شكلها بعد ماستوت بفضل الله طعمها في منتهي الجمال ماشاءالله   عملت جنبه ارز اتبقي عندي شوية من الحشوة ضفتها عليه ادته طعم مميز  منقول 
|
|
#2
22-07-2012, 09:37 PM
|
||||
|
||||
رد: قوارب البطاطس المحشيه باللحمه المفرومه و الخضار اهداء لاحمد ممدوح (كورسي)ر
جزر + بسلة قيمة غذائية عالية للغاية تسلم يا فندم
صحي و لذيذ 
|
|
#3
24-07-2012, 04:01 AM
|
||||
|
||||
رد: قوارب البطاطس المحشيه باللحمه المفرومه و الخضار اهداء لاحمد ممدوح (كورسي)ر
 : 010104~171::0 10104~171:
|
 |
|
|
