رعشة فى العربية اثناء الفرامل

[thejoker]

ياجماعة انا عندى مشكلة بقلها فترة وهى انى لما ادوس فرامل والعربية هتقف خالص بلاقى فى رعشة فى العربية مع انى لسة مالى التيل ومغيرلها طنبورة علما بان عربيتى شيروكى 1992 ياترى المشكلة فى اية

[حسام البورسعيدى]

ملئ التيل حل فاشل وغالبا المشكله منه ..

روح لميكانيكى كويس وخليه يكشف على الطنابير كلها وغير التيل بواحد اصلى ..

وباذن الله هتتحل ... وابقى طمئنا يا باشا ...

تحياتى ...

[thejoker]

انا متشكر اوى ياباشا على اهتمام حضرتك

بس انا كان عندى سؤالين اية الفرق بين التيل الاصلى ولما املى التيل مهو فى الاخر الاتنين تيل فرامل

السؤال التانى هو ممكن الترصيص وضبط الزوايا يكون لية دخل خاصة ان انا لما غيرت الكاوتشات معملتش ترصيص ولا ضبط زوايا
وبكرر شكرى ياباشا

[mr_astra]

المشاركة الأصلية كتبت بواسطة thejoker انا متشكر اوى ياباشا على اهتمام حضرتك بس انا كان عندى سؤالين اية الفرق بين التيل الاصلى ولما املى التيل مهو فى الاخر الاتنين تيل فرامل السؤال التانى هو ممكن الترصيص وضبط الزوايا يكون لية دخل خاصة ان انا لما غيرت الكاوتشات معملتش ترصيص ولا ضبط زوايا وبكرر شكرى ياباشا

الاصلى اصلى ام اللى بيتملى هو اما صينى او تركى ثانيا اما بتملى التيل مش بتستفاد من تخانة التيل بالكامل لانة بيتعمل ببرشام مش لصق زى الاصلى نصيحة ملى التيل بياثر على الطنابير تاثير سلبى لانة معامل احتكاكه اكتر من الاصلى عشان حضرتك تحس ان الفرامل بقت على الشعرة
اما الترصيص وظبط الزوايا ملهاش علاقة بالمشكلة الترصيص بيمنع اهتزاز الطارة فى ايدك وانت ماشي بسرعة قد تختلف من ستين وانت طالع اما ظبط الزوايا لو مش معمول بتلاقى العربية بتحدف يمين او شمال طالما انك غيرت كاوتش كان مفروض تظبط زوايا والافضل جهاز الموتسكل وليس الثابت......... باعتقادى ان مشكلتك هتروح مع مرور الايام لما التيل الجديد يطبع على الطنبورة مش انت اللى مليتة تستاهل بقى