ساعدونى قدامى سيارة هوندا سيفيك موديل 1984

[mahmoudelmasry2016]

المشاركة الأصلية كتبت بواسطة AbOnOrA بص هى اى حاجة راشة دواخل تخوف والمفروض تكشف عليها عند سمكرى كمان مش ميكانيكى بس علشان يفيدك عن حالة الدواخل وخد بالك لما تيجى تبيع برضو هتقابلك نفس المشكلة واللى هيجى يشترى هيبقى خايف منها علشان راشة دواخل فاحسبها كويس واذا توكلت على الله وقررت تجيبها لازم تكشف عليها زى ما قولتلك وتعرف محتاجة مصاريف قد ايه وتبقى عامل حسابك متشتريهاش بكل الفلوس اللى معاك ويبقى معاك فلوس لاى مصاريف تحتاجها والا هتزهق منها ومن حياتك كلها لو فتحت بقها وممعاكش فلوس تصلحها ومش عارف تبيعها

معاك حق يا ابو نورا بجد مشكوووووووووووور دايما متابع وبعمل بنصايحك

[mahmoudelmasry2016]

المشاركة الأصلية كتبت بواسطة more13 من خبرتى فى اللف والدوران على عربية مستعملة اقدر اقولك ان الهوندا سيفك الموديلات القديمة صعبة فى البيع وقطع غيارها كتير وغالية شواية واهم حاجة عرفتها ان العربية اللى رشة خوارج مش مشكلة قوى زى اللى رشة دواخل دى بقى بتقلق وبتكون صعبة فى اعادة البيع وعرفت ان فية عربيات مستعملة بتكون سهلة فى اعادة البيع زى 128 وخصوصا 1300 وكمان 131 و 132 لوحالتها كويسة والشاهين بس الشاهين النظيف بيكون اعلى من 30000 وعندك هيونداى اكسنت وسوزوكى سويفت وعلى فكرة انا شفت فى السوق سوفت موديل 93 واتباعت37500 ولو تقدر تروح السوق اكتر من مرة روح واتفرج وشوف الناس معظمها بيشترى اية مع ملاحظة ان اسعار المستعمل فى الطالع وربنا يوفقك وتلاقى عربية كويسة

بص يا باشا معاك حق فعلا بس السوزوكى سويفت اخر مرة شوفتها على دوبيزل من كام يوم ب 26 الف وموديل 96 واستخدام سيدة وبتقول حالتها جيدة جدا ما فيهاش الهوا فا مش عارف صراحة انا احترت اجيب ايه ........ والمشكة اللى معايا اصلا حاليا فى حدود 20 الف وبفكر لو اجيب حاجة كويسة ب 30 مثلا ادفع دول واقسط الباقى على 3 شهور كدا والدى ييجى من سفره ويدفعهم فا مش عارف صراحة وبتمنى اعرف رأيكوا فى ده ولو حد قدامه حاجة كويسة ياريت يقولى

[AbOnOrA]

معلش شراء المستعمل عايز صبر على الاخر واوعى تتسرع علشان تركب فتجيب اى عربيه اعمل زى ما بيقولو (شراء غناوة ) وان شاء الله ربنا يوفقك بعربية كويسة ومن ناحية تانية فلوسك معاك مش هتقل يمكن تزيد كمان ان شاء الله المهم متجيش جمبهم