|
ساعدونى قدامى سيارة هوندا سيفيك موديل 1984
قدامى سيارة هوندا سيفيك موديل 1984 صاحبها كاتب فى الاعلان ايه .....مجددة دوكو وسمكرة وفتيس جديد واتصلت قالى عربية حالتها كويسة بس راشة دواخل وخوارج قالى عشان البارومة وكدا وقالى سعرها 18 الف فعايز اخد رايكوا فيها مع العلم انه قالى باردو عايزلها حاجة ف العفشة كدا بس قال بسيطة عادى فا مش عارف اعمل ايه دالوقتى ومحتاااااااار بجد وخصوصا انه شكلها حلو تشبه الشاهين كدا ولونها دهبى وعجبتنى وموتور 1500 سى سى فا أرجوكم ادونى ارائكو وتنصحوا بأيه
|
رد: شباااااااااااب ضرورى ساعدونى
؟؟؟؟؟؟؟؟؟؟؟؟؟؟؟؟؟؟؟
|
رد: شباااااااااااب ضرورى ساعدونى
بص هى اى حاجة راشة دواخل تخوف والمفروض تكشف عليها عند سمكرى كمان مش ميكانيكى بس علشان يفيدك عن حالة الدواخل وخد بالك لما تيجى تبيع برضو هتقابلك نفس المشكلة واللى هيجى يشترى هيبقى خايف منها علشان راشة دواخل فاحسبها كويس واذا توكلت على الله وقررت تجيبها لازم تكشف عليها زى ما قولتلك وتعرف محتاجة مصاريف قد ايه وتبقى عامل حسابك متشتريهاش بكل الفلوس اللى معاك ويبقى معاك فلوس لاى مصاريف تحتاجها والا هتزهق منها ومن حياتك كلها لو فتحت بقها وممعاكش فلوس تصلحها ومش عارف تبيعها
|
رد: شباااااااااااب ضرورى ساعدونى
اقتباس:
من خبرتى فى اللف والدوران على عربية مستعملة اقدر اقولك ان الهوندا سيفك الموديلات القديمة صعبة فى البيع وقطع غيارها كتير وغالية شواية واهم حاجة عرفتها ان العربية اللى رشة خوارج مش مشكلة قوى زى اللى رشة دواخل دى بقى بتقلق وبتكون صعبة فى اعادة البيع وعرفت ان فية عربيات مستعملة بتكون سهلة فى اعادة البيع زى 128 وخصوصا 1300 وكمان 131 و 132 لوحالتها كويسة والشاهين بس الشاهين النظيف بيكون اعلى من 30000 وعندك هيونداى اكسنت وسوزوكى سويفت وعلى فكرة انا شفت فى السوق سوفت موديل 93 واتباعت37500 ولو تقدر تروح السوق اكتر من مرة روح واتفرج وشوف الناس معظمها بيشترى اية مع ملاحظة ان اسعار المستعمل فى الطالع وربنا يوفقك وتلاقى عربية كويسة |
رد: شباااااااااااب ضرورى ساعدونى
تحياتى ,,,,,,,,, معاكوا حق وانا اقتنعت بجد بده وناس كتير قالتلى سيبك منها واحد صاحبى قالى اى موديل تحت التسعينات سيبك منه بتبقى مهلوكة وطالع عينيها كمان دى راشة دواخل وده يقلق فا قولت لا بلاها ام دى عربية
|
| الساعة الآن 04:53 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017