رعشة الطنابير الأمامية مع الفرملة brake disks vibration

[Ziad_fawzi]

المشاركة الأصلية كتبت بواسطة Felefel Ahmed طمنى عملت أيه

يا باشا ربنا يخليك و متشكر جدا علي نصايحك
ان شاء الله الاسبوع الجاي هاعملها و اقولك عملت ايه

بس في حاجه عاوز اعرفها ازاي الرعشه بتروح مع الطنابير الجديدة.. ممكن بتاخد وقت عشان تاخد نفس عوجة الصرة

و ايه رأيك لو فيهم العيب اغيرهم احسن بجديد واللا اروح للسمكري؟؟
والف شكر مرة ثانية

[Felefel Ahmed]

المشاركة الأصلية كتبت بواسطة Ziad_fawzi يا باشا ربنا يخليك و متشكر جدا علي نصايحك ان شاء الله الاسبوع الجاي هاعملها و اقولك عملت ايه بس في حاجه عاوز اعرفها ازاي الرعشه بتروح مع الطنابير الجديدة.. ممكن بتاخد وقت عشان تاخد نفس عوجة الصرة و ايه رأيك لو فيهم العيب اغيرهم احسن بجديد واللا اروح للسمكري؟؟ والف شكر مرة ثانية

السلام عليكم
أنا أسف الويك أند كنت مفرم مشاوير للبيت
الطنبور مش بيتعوج أصلا ده بينقل الحركه المعوجه ألي جيه من الصره
شفت فرن الميكروويف فى البيت؟ فيه طبق رجاجى هنعتبره الطنبور
تحت منه فيه حديده مدوره بثلاث عجلات (هنعتبرهم الصره) جرب حط تحت عجله منهم ورقه حتلاقي العوجه أنتقلت الي الطبق من فير متعوجه
ملاحظه أنه لو طولت كده هتعوج الطنبور ليه؟ علشان الفعل ورد الفعل
الفعل = عوجه الصره
ينتفل الي الطنبور
ينتقل الى الكاوتش
رد الفعل من الأسفلت على الكاوتش = حيتاكل و يعوج الطنبور

[Ziad_fawzi]

المشاركة الأصلية كتبت بواسطة Felefel Ahmed السلام عليكم أنا أسف الويك أند كنت مفرم مشاوير للبيت الطنبور مش بيتعوج أصلا ده بينقل الحركه المعوجه ألي جيه من الصره شفت فرن الميكروويف فى البيت؟ فيه طبق رجاجى هنعتبره الطنبور تحت منه فيه حديده مدوره بثلاث عجلات (هنعتبرهم الصره) جرب حط تحت عجله منهم ورقه حتلاقي العوجه أنتقلت الي الطبق من فير متعوجه ملاحظه أنه لو طولت كده هتعوج الطنبور ليه؟ علشان الفعل ورد الفعل الفعل = عوجه الصره ينتفل الي الطنبور ينتقل الى الكاوتش رد الفعل من الأسفلت على الكاوتش = حيتاكل و يعوج الطنبور

يا باشا ولا يهمك و ربنا يكرمك
انا لسه هاروح اصلحها على اخرالاسبوع
على فكرة الطنابير اللي راكبه حاليا هاغيرها لاني كنت خرطها مرتين و فيها عوجه دلوقتي

طب انت شايف ايه أغير الصرة بجديد واللا استعمال واللا ايه عشان يبقى كله جديد
او قولي ايه رأيك يا باشا لحسن انا بقالي سنتين محتاس في المشكلة دي و جبت اخري و غيرت في السنتين دول حوالي 5 اطقم طنابير

[اسامه نور الدين]

بصراحه انا حصلت معايا نفس المشكله بتاعه الرعشه و رجرجه البدال مع الفرمله و روحت عملت مس للطنابير فلاقيتها بعد شويه رجعت الرعشه تاني وبعدين روحت مغير مكان العجل جبت الي وراء قدام و الي قدام وراء طلعت المشكله من جنط كان فيه رفه عامل كل القلق ده و دلوقتي مافيش رعشه

[almas200066]

الحل هوفى رجل حضرتك اخر ط الطنابير وبلش التحميل الزئد علالفرامل وحظر التبريد المفاجا المياة