|
منتدى الصيانة العام أى مشكلة فنية تواجهك ضعها هنا |
|
أدوات الموضوع |
#1
|
|||
|
|||
رعشة الطنابير الأمامية مع الفرملة brake disks vibration
رجاء الافادة من الساده الخبراء في موضوع الطنابير لانها فعلا بتعملي مشكله في جودة الفرامل خصوصا على السرعات العالية الرعشة بتكون جامده
نوع السيارة اوبل فكترا A مو 1995 200000 كم السيارة بحالة الفابركة عموما حتى العفشة ما عدا الطناير ... انا جربت الخراطة بس برده النتيجة بتكون كويسه في اول 2000 كم بس و نفس النتيجة لو غيرتهم بصراحة انا محتاس في الموضوع ده من بعد ما غيرت بتوع الفابريكة و صرفت كتير جدا. المشكلة اعتقد انها بتكون في جودة الخامة و معدل التبريد خصوصا طبعا مع السفر الكتير و السرعات العالية انا جربت انواع الماني و انواع تانية كويسة زي بريمبو و ريمسا (ده بيركبوه في توكيل مقار) و دول اسعارهم في حدود 400- 500 جنيه بس برده نفس النتيجة و بصراحة فكرت في حلين الاول: اني اجيب طنابير رياضية لان معدل التبريد بيبقى عالي بس انا معرفش انواعها ولا بتتباع فين الثاني: اني اجيب الطنابير و التيل GM أصلي الماني من التوكيل وادفع فيهم 1500 جنيه بس انا خايف بعد ماركبهم الاقي نفس المشكلة ارجو الافادة و لكم جزيل الشكر |
#2
|
||||
|
||||
رد: رعشة الطنابير الأمامية مع الفرملة brake disks vibration
بلاش تدوس فرامل جامد وانت سحاب 160 وكدة
وخلى بالك من الطنابير سخنة متجبش عليها مية خلى رجلك حنينة على الفرامل
__________________
لا حول ولا قوة الا بالله |
#3
|
||||
|
||||
رد: رعشة الطنابير الأمامية مع الفرملة brake disks vibration
هات طنابير استعمال نظيفة من الحرفين مفيش زيهم جديد ولا حتي ال GM بس ركبهم هناك عشان تجربهم علي طول ولو في حاجة تغيرهم وأنت واقف فية هناك الشيخ احمد وفيق بتاع الاوبل في ممر ارضي كدة عندة استعمال وجديد راجل محترم جدا وحاجتة مضمونة وبيغير لو فيها عيب
__________________
[SIGPIC][/SIGPIC] |
#4
|
||||
|
||||
رد: رعشة الطنابير الأمامية مع الفرملة brake disks vibration
الثاني: اني اجيب الطنابير و التيل GM أصلي الماني من التوكيل وادفع فيهم 1500 جنيه بس انا خايف بعد ماركبهم الاقي نفس المشكلة
لأسف انا جبتهم وعندي نفس المشكلة في الكورسا ,,,,انصحك متجبهمش ولا تصرف كتير انت هات اي نوع الماني محترم وغيرهم كل لما يعملو الحركة دي انا عملت كدة لما غلب حماري متهيألي موضوع المية دة له عامل كبير اوي لأن انا لاحظت ان اللي بيعاني من المشكلة دي اللي مركب جنوط عشان المية بتدخلك بسرعة وانت هنا في بلدك الناس بتحب تمشي تطرطش حتى لو انت داخل في المية براحة عشان خايف يجي واحد غبى من وراك بسرعته ويدخل في المية ويحميلك العربية |
#5
|
|||
|
|||
رد: رعشة الطنابير الأمامية مع الفرملة brake disks vibration
ألف شكر يا جماعة على النصايح الجامده دي
بس يا ريت لو في حد عنده اراء تانيه يفيدنا جزاكم الله خيرا |
|
|