هو أنا لازم ألبس نظارة ليلية عشان أسوق في اسكندرية؟؟؟؟؟؟؟؟؟؟

[نبيل عبدالرحمن]

طيب فيه سؤال يا أستاذ borio1704 هل هناك تأثير للكلام اللى قلته حضرتك فى حالة تغيير اللمبات وتقوية الإضاءة بالكتاوت ؟
وأشكر حضرتك للمعلومات اللى واضح جداً خبرتك فيها ، جزاك الله خيراً

[borio1704]

المشاركة الأصلية كتبت بواسطة نبيل عبدالرحمن طيب فيه سؤال يا أستاذ borio1704 هل هناك تأثير للكلام اللى قلته حضرتك فى حالة تغيير اللمبات وتقوية الإضاءة بالكتاوت ؟ وأشكر حضرتك للمعلومات اللى واضح جداً خبرتك فيها ، جزاك الله خيراً

المفروض... لأ، ما يأثرش.... الكتاوت بيسمح إننا نركب لمبة أعلى بنفس استهلاك الكهربا تقريبا، بس لو هي مظبوطة يبقى ما فيش حاجة، وعموما أنا مش بانصح بتركيب لمبة أعلى من 100 وات للنور الوسط، أكتر من كده بتبقى فعلا مبهرة وتضايق

بس المهم نتأكد من كذا حاجة مهمة

أولا: إن اللمبة مقاسها مناسب والفتيل بتاعها موجود في البؤرة الصحيحة اللي الفانوس متصمم عليه، يعني نجيب نفس مقاس اللمبة الأصلية، لا أطول ولا أقصر

ثانيا: اللمبة متركبة في مكانها صح ، برضو عشان موضوع البؤرة

ثالثا: الفانوس نفسه متركب في مكانه مضبوط

رابعا: نتأكد من إن اتجاهات الفانوس مظبوطة، لإن الفانوس في مسمارين للرجلاج... واحد للحركة الرأسية والتاني للحركة الأفقية

خامسا: العربيات اللي فيها إمكانية ظبط ارتفاع نور الفوانيس من التابلوه (أوتوماتيك) لازم يبقى ارتفاع
النور متناسق مع كمية الحمولة اللي في العربية، خصوصا الحمولة الخلفية، يعني كل ما العربية كانت محملة لازم ننزل الفوانيس لتحت

طب إزاي نظبط النور؟؟؟؟؟

خليك معايا:
1- اختار مكان يكون الأرضية فيه مستوية (جراج عمارة مثلا) وقرب وش العربية من الحيطة قوي
2- لما تنور النور حيكون فيه بقعتين نور على الحيطة، علم علامة + عند أكتر منطقة مضيئة في كل بقعة
3- ابعد بالعربية لورا مساقة 7م تقريبا، المفروض تلاقي نقطة بداية المثلث في نص علامة +

زي كدة:
Car Main Light Alignment.gif

وعموما، لازم برضوا تتأكد بنفسك، المفروض إن النور ما يعلاش عن مستوى اكصدام العربيات اللي ماشية قدامك بمسافة حوالي 10 م

[نبيل عبدالرحمن]

تسلم ايدك يا borio حضرتك اديتنا معلومات مفيدة بالفعل