|
|||||||
| ميكانيكا السيارة يحتوى على المعلومات الفنية عن المحركات و أجزاءها و ناقل الحركة (الفتيس) و القابض (الدبرياج) و تجارب الصيانة الميكانيكية |
 |
|
|
أدوات الموضوع |
|
|||||||
| ميكانيكا السيارة يحتوى على المعلومات الفنية عن المحركات و أجزاءها و ناقل الحركة (الفتيس) و القابض (الدبرياج) و تجارب الصيانة الميكانيكية |
|
|
|
أدوات الموضوع |
|
#1
18-09-2010, 02:48 AM
|
|||
|
|||
أستفسار عن حساس الكام والموبينة للنوبيرا
بسم الله الرحمن الرحيم
طلب من أهل الخبرة عن السيارة دايو نوبيرا اوتوماتيك موديل 1999 مواصفات اوروبى -ما هو دور حساس الكام لأنة عطلان فى سيارتى ومش لاقية فى السوق جديد -ما دور الموبينة فى السيارة لأنى كشفت على السيارة بالكمبيوتر و المهندس قال لى ان الموبينة لازم تتغير وفى ورشة اخرى الميكانيكى قال لى لا تغير الموبينة - ما السبب الذى يجعل سحب العربية سىء -ما السبب الذى يجعل العربية بتقطع منى احيانا رغم انى غيرت فلتر البنزين نرجوا الرد والاهتمام وجزاكم الله خيرا 
|
|
#2
18-09-2010, 05:02 AM
|
||||
|
||||
رد: أستفسار عن حساس الكام والموبينة للنوبيرا
اولا حساس الكامة :
الكومبيوتر بتاع العربية لازم يعرف وضع البساتم علشان يقدر يظبط توقيت عمل البوجيهات و الرشاشات فبيبقى فى لاقط مغناطيسى (حساس الكامة) راكب قريب من سنان ترس بيبقى راكب على عامود الكامة و الترس ده بيبقى فيه سنة عريضة شوية عن السنان التانية او بتبقى سنان مميزة عن الباقى ( بعدد السيلندرات ) صورة لحساس الكامة (مش عارف بتاع النوبيرا شكله زيه و لا لا)   و احتمال ده بتاع النوبيرا   صورة لمكانه على الماتور( تقريبا)   المهم لما السنة الى على الترس تيجى قصاد الحساس ( او السنان المميزة لكل سيلندر) بتولد قوة دافعة كهربائية مختلفة عن بقية السنون فالكومبيوتر بيعرف من كده وضع عامود الكامة بالتالى وضع البساتم و الصمامات بالتالى يعطى القرار المظبوط لتوقيت عمل الرشاشات و البوجيهات ( طبعا قراره معتمد على حاجات تانية كتير بس ده مدخل اساسى ) طبعا مما سبق لو في مشكله فى الحساس العربية مش حتبقى مظبوطة و طبيعى تظهر المشاكل دى عندك ثانيا الموبينة :   و ده ملف الاشعال الى بياخد كهربة البطارية و بيرفع الفولت لقيمة عالية لتوليد الشرارة للبوجيه و بياخد اوامره من الكومبيوتر ( ايه يشتغل امتى ) فطالما كشف الكوميوتر بين ان فيه مشكلة فلازم تعمل حسابك انه حيتغير بالاخص الاعراض الى عندك و ممكن تبدى بالارخص ( حساس الكامة لو ارخص) لو المشاكل راحت يبقى تمام لو لسة في مشاكل يبقى تغير الموبينة بس حتى لو غيرت حساس الكامة بس و العربية اتظبطت فبرضه اعمل حسابك ان الموبينة قربت تعطل نهائى ( طالما كشف الكومبيوتر ادى خطأ فيها) اهم حاجة لو غيرت الموبينة (الكويل) لازم تعرف سبب تلف الاصلى و علاجة علشان الجديدة متبوظش هيا كمان
__________________
سبحانك لا علم لنا الا ما علمتنا التعديل الأخير تم بواسطة احمد على 1999 ; 18-09-2010 الساعة 05:23 AM
|
|
#4
18-09-2010, 05:27 AM
|
||||
|
||||
|
رد: أستفسار عن حساس الكام والموبينة للنوبيرا
بجد مش عارف
ادينى فرصة اسأل بكره الصبح ان شاء الله و ارد على حضرتك
__________________
سبحانك لا علم لنا الا ما علمتنا
|
|
#5
18-09-2010, 04:14 PM
|
||||
|
||||
|
رد: أستفسار عن حساس الكام والموبينة للنوبيرا
انا سألت بتاع قطع الغيار الى اعرفه (فلفل فى شارع ابو قير الاسكندرية) للأسف معندوش و لما سألته طب بكام قالى الصراحة عمرى ما جبته
فشكلها كده زى ما قال الميكانيكى وبرضه جرب اسأل عليه جديد تانى يمكن تلاقيه ان شاء الله
__________________
سبحانك لا علم لنا الا ما علمتنا
|
|
|
|
