أستفسار عن حساس الكام والموبينة للنوبيرا
 

بسم الله الرحمن الرحيم
طلب من أهل الخبرة
عن السيارة دايو نوبيرا اوتوماتيك موديل 1999 مواصفات اوروبى
-ما هو دور حساس الكام لأنة عطلان فى سيارتى ومش لاقية فى السوق جديد
-ما دور الموبينة فى السيارة لأنى كشفت على السيارة بالكمبيوتر و المهندس قال لى
ان الموبينة لازم تتغير وفى ورشة اخرى الميكانيكى قال لى لا تغير الموبينة
- ما السبب الذى يجعل سحب العربية سىء
-ما السبب الذى يجعل العربية بتقطع منى احيانا رغم انى غيرت فلتر البنزين

نرجوا الرد والاهتمام وجزاكم الله خيرا

رد: أستفسار عن حساس الكام والموبينة للنوبيرا
 

اولا حساس الكامة :
الكومبيوتر بتاع العربية لازم يعرف وضع البساتم علشان يقدر يظبط توقيت عمل البوجيهات و الرشاشات
فبيبقى فى لاقط مغناطيسى (حساس الكامة) راكب قريب من سنان ترس بيبقى راكب على عامود الكامة و الترس ده بيبقى فيه سنة عريضة شوية عن السنان التانية او بتبقى سنان مميزة عن الباقى ( بعدد السيلندرات )

صورة لحساس الكامة (مش عارف بتاع النوبيرا شكله زيه و لا لا)
http://www.google.com/imgres?imgurl=...1t:429,r:1,s:0http://members.roadfly.org/ar67duett...rM44pic356.jpg
و احتمال ده بتاع النوبيرا
http://www.google.com/imgres?imgurl=...iw=922&bih=478http://www.1aauto.com/img/ucart/imag...00010/main.JPG
صورة لمكانه على الماتور( تقريبا)
http://www.google.com/imgres?imgurl=...iw=922&bih=478http://www.auto-repair-help.com/imag...ion_sensor.jpg

المهم لما السنة الى على الترس تيجى قصاد الحساس ( او السنان المميزة لكل سيلندر) بتولد قوة دافعة كهربائية مختلفة عن بقية السنون فالكومبيوتر بيعرف من كده وضع عامود الكامة بالتالى وضع البساتم و الصمامات بالتالى يعطى القرار المظبوط لتوقيت عمل الرشاشات و البوجيهات ( طبعا قراره معتمد على حاجات تانية كتير بس ده مدخل اساسى )
طبعا مما سبق لو في مشكله فى الحساس العربية مش حتبقى مظبوطة و طبيعى تظهر المشاكل دى عندك

ثانيا الموبينة :
http://www.google.com/imgres?imgurl=...1t:429,r:0,s:0http://images.gasgoo.com/MiMgIzI3NTI...ition-coil.jpg
و ده ملف الاشعال الى بياخد كهربة البطارية و بيرفع الفولت لقيمة عالية لتوليد الشرارة للبوجيه
و بياخد اوامره من الكومبيوتر ( ايه يشتغل امتى )
فطالما كشف الكوميوتر بين ان فيه مشكلة فلازم تعمل حسابك انه حيتغير بالاخص الاعراض الى عندك

و ممكن تبدى بالارخص ( حساس الكامة لو ارخص) لو المشاكل راحت يبقى تمام لو لسة في مشاكل يبقى تغير الموبينة
بس حتى لو غيرت حساس الكامة بس و العربية اتظبطت فبرضه اعمل حسابك ان الموبينة قربت تعطل نهائى ( طالما كشف الكومبيوتر ادى خطأ فيها)

اهم حاجة لو غيرت الموبينة (الكويل) لازم تعرف سبب تلف الاصلى و علاجة علشان الجديدة متبوظش هيا كمان

رد: أستفسار عن حساس الكام والموبينة للنوبيرا
 

ألف شكر للأستاذ أحمد على

هل حساس الكامة موجود منة جديد أم لازم يكون استعمال
لأن الميكانيكى الحساس مش موجود

شكرا

رد: أستفسار عن حساس الكام والموبينة للنوبيرا
 

بجد مش عارف
ادينى فرصة اسأل بكره الصبح ان شاء الله و ارد على حضرتك

رد: أستفسار عن حساس الكام والموبينة للنوبيرا
 

انا سألت بتاع قطع الغيار الى اعرفه (فلفل فى شارع ابو قير الاسكندرية) للأسف معندوش و لما سألته طب بكام قالى الصراحة عمرى ما جبته
فشكلها كده زى ما قال الميكانيكى وبرضه جرب اسأل عليه جديد تانى يمكن تلاقيه ان شاء الله