مقارنة بين أقرب 6سيارات للمطحونين من المصريين

[skoda1996]

انا معايا اسكودا و ما ركبتش غير الفيرنا و اللانوس
الفيرنا دي توك توك اصلا و بعد 20000 كيلو هتبقي شخليله بالرغم من ان موتورها قوي جدا بس عفشه ضايعه
اللانوس محترمه و بجد ماسكه نفسها و تستاهل سعرها بس لما بقت شيفروليه ما جربتهاش لسهاللوجان قطع غيارها في السما
لو بختار
اولا اللوجان لانها فرنسي
ثانيا اللانوس
البروتون بالنسبة ليا مجهولة يعني ممكن تكون افضل منهم بس انا بقول من تجربتي

[ابوشروق]

ptmnlo123per111من فات قديمه تاه مالو الفيات ببلاش الاربع فى كل حاجه

[lol64]

المشاركة الأصلية كتبت بواسطة 3RAFAWY السلام عليكم ورحمه الله وبركاته اولا نصيحه وانت رايح تشتري عربيه لازم تعرف اية متطلباتك في العربية ومنها ممكن تختار العربية الي تتنماشي معاك يعني في ناس عايزة التوفير في البنزين وقطع الغيار وفي ناس مش بيهمها اهم حاجة العربية تكون كويسة انت والي انت عاوزة المهم 1 الفيرنا كا قدرات موتور عاليه جدا موفر في البنزين (بالنسبة للعربيات التانية -مش الاكسنت طبعا ) عفشة كويسة جدا( هي ناشفة شوية بس هي دية العفشة بتاعت السرعات ) مشكلة الفرامل ممكن تتحل بغسيل الكوتش الامامي كويس جدا كل يومين او تلاته بالكتير بضغط ميه كويس ودائما تدوس فرامل من غير ما تفصل دبرياج وخصوصا علي السراعات الصالون من جوة لو مش كاملة هيبقي شكلوا وحش شوية ( بالنسبة للعربيات التانية ) بس شغال يعني الكراسي سبور (بتبقي برضوا ناشفة شوية ) قطع غيار ومراكز خدمه وتوكيل كويسين جدا جدا جدا والاسعار كويسة (بالنسبة للعربيات التانية ) 2 الانوس قدرات موتور متوسطة استجابة العربية بطيئة شويتين بس لو في اللذيذ بتمشي بس فيها مشكلة في الثبات انك مهما عدلت الدركسيون ومسكتوا كويس برضوا العربية بتروح يمين وشمال العفشة طرية اوي فكويسة داخل المدينة اما علي الطريق فشوية مراجيح الصالون كويس جدا شكلوا حلو والكراسي برضوا طرية ومريحة فرامل مش اد كدا برضوا قطع الغيار غالية شوية مقارنةًََ بالهيونداي ومشاكلها ممكن توقفك خالص (زي طرومبة البنزين والحساسات الي تحت الطابلوة لما تشغل التكييف بيعمل ميه تنزل علي الحساس تبوظوا ) بصراحه الاسبرانزا m11 انا مجربتهاش ومركبتهاش بس من تجربتي لل a 516 ماتأمنش للصيني خالص هي اوبشنز كويسة وعفشة رشيقة حبتين وموتور بيجري كويس بس مش بتسارع كويس يعني متنتظرش انك تتسارع بسرعه( وبيقال ان المشكلة دية اتحلت في m11 ) والي اعرفوا انك لما تشتري اسبرانزا يبقي انت وحظك بقي يعني كان في اتنين اصحابي معاهم اسبرانزا واحد بتاعتوا ضربت اويل سيلات المكنة كلها وسير الكاتينة اتقطع وعمرت وحصل فيها مشاكل كتير والتاني معندوش اي مشكلة هو الزيت والبنزين والتيل وبس (مع العلم الاتنين زيرو a 516 ) اما الرينو برضوا مجربتهاش بس الفرنساوي معروف انوا في الصيف والدنيا حر مش بيبقي حلو خالص لان درجة الحرارة في اوروبا مش زي هنا في مصر خالص فالعربية بتسخن وبتبقي مش كويسة (مش شرط امبير الحرارة يرفع بس انت بتحس بالعربيه تحت رجلك انها مش فاهمه حاجة خالص ههههههههههههه ) اما البروتون فكفاية اوي انها عربية ماليزي متقفلة في مصر( يعني مفيش اوحش من كدا ههههههههههههههههه ) ارجوا انا اكون افدتكم

بامانه مافيش اصح من كده كلام انت جبت من الاخر

تحياتى

[Devill Blood]

هو ده الشعب المصرى لازم طالما الحاجة الفلانية معاه تبقى هى الأحسن

المشاركة الأصلية كتبت بواسطة _alraieedavid بصوا يا جماعة عايزين نقارن بين 6 سيارات وهم هيونداى فيرنا شيفورليه لانوس إسبرانزا m 11 إسبرانزا a 516 رينو لوجان بروتون ساجا برجاء الإهتمام

أنا مع فيرنا أكيد معشوقة تهامي باشا ووديع ptmnlo123per122