مقارنة بين أقرب 6سيارات للمطحونين من المصريين

[_alraieedavid]

بصوا يا جماعة عايزين نقارن بين 6 سيارات وهم
هيونداى فيرنا
شيفورليه لانوس
إسبرانزا m 11
إسبرانزا a 516
رينو لوجان
بروتون ساجا
برجاء الإهتمام

انا هتكلم عن الهيونداي فيرنا بس لانها معايا وتقريبا كدا عرفت كل حاجه عنها

هيه اسمها عربية الشعب لان اغلب سكان مصر معاهم الفيرنا توكيلها مشهور جدا مراكز صيانتها مفيش اكتر منها قطع غيرها متوفرة جدا جدا سعر اعادة البيع ممتاز اقتصادية في البنزين ماتورها جبار عفشتها نعمة جدا عزلها للصوت الخارجي اديله 8/10 السحب بتاعها جميل جدا يعبها ضعف الفرامل والكاوتش المصري والجنوط المصري وبتتحل بانك ياما تغيرها بجنوط وكاوتش جديد ياما تظبطلها زويا عند حد كويس جدا تثق فيه زي درش بتاع الزوايا وكمان تملي الكاوتش نيتروجين وهتحس بفرق تاني خالص وكل سنة وانتم طيبين

[Bendary]

لانوس :
لما حبيت اشترى كنت بامشى اعد العربيات فى الاشارات لقيت لانوس اكثر السيارات انتشارا ثم الهيونداى اكسنت ( ماكنتش الفيرنا لسه منتشرة اوى زى انهارده )
عموما دلوقتى الانوس والفيرنا همه اكثر سيارتين منتشرتين فى مصر والدليل على كده دخولهم لمشروع التاكسى (بدون مقارنه مع اسبرانزا 516 ) وهذا يعطى ميزة سعر اعادة البيع لكثرة الطلب عليهما .

سأتكلم عن اللانوس من واقع تجربتى الفعليه حتى اليوم :
سيارة عائليه حقيقية حيث ان صالونها واسع يشيل 5 افراد مرتاحين ( لاحظ احجام مصرية عادية والتخينه يعنى بتوع المحشى والمكرونة - مفيش مشاكل )
- شنطه امتعه جيده جدا تسمح بتحميل لاغراض السفر
- عفشة جيده تتماشى مع الطرق المصرية ( يمكن مش ناعمة اوى لكن مقبولة )
مع ارتفاع متوسط عن الارض ويراعى عبور المطبات بهدوء خاصة مع التحميل الكامل للسيارة
- سحب العربيه زى الفل ( يقل قليلا عند تشغيل التكييف )
- صوت الموتور عالى شوية لكن بدون ضوضاء (واحد فى التوكيل قالى ان ده من فرن الشكمان وده عيب التقفيل المصرى ) ولكن هذا لا يؤثر على نسبه العزل .
- خامات التابلوة والصالون جيده جدا بالنظر لانها تقفيل محلى
- بعض الناس بيقولوا ان فراملها ضعيفه شويه (حتى الان معايا مفيش مشاكل وزى الفل وجربتها فى السفر )
- التوكيل والصيانه : وكيل كويس (منصور ) ومراكز معتمده منتشرة فى جميع الانحاء منها ابو غالى العبور & واوتوماستر مدينه نصر .
- استهلاك البنزين : موفر جدا (داخل القاهرة والزحمة الجميلة 1لتر/10كم-11كم فى المتوسط )
- قطع الغيار : مرميه فى كل حته لان اللانوس موجوده فى مصر اكترمن 12 سنه - يعنى بعد فترة الضمان صيانتها غير مكلفة عند اى مركز او ميكانيكى على اول الشارع .
- لكن من العيوب الملحوظة : عدم جودة التقفيل المحلى فى بعض الاجزاء واحيانا بعض الخامات
وكذلك الصاج الخارجى خفيف شويه وهذا فى كل السيارات الحديثة وليس لانوس فقط .

ارجو ان يكون هذه الشرح وافى ، واتقبل جميع الاراء
وفى انتظار شرح لكل سيارة من مالكها .

[damdam41]

الانوس و الفيرنا اخوات و عمليين اوى لكن برضه ال A516 مغرية جدا لما ركبتها تاكسى حسيت انى راكب حاجة فخمة اوى اوى بخلاف الانوس و الفيرنا لانهم عاديين جدا و الصراحة الاوبشنات فيها بالهبل تحس ان الصينين بيردموها اوبشنات عشان تغطى على العيوب التانية المتمثلة فى قصر عمر العربية
انا ركبت التلاتة تاكسيات و الفيرنا احسنهم فى رايى مع عدم النظر لفخامة الصينى بس فى ميزة للانوس عن الفيرنا حسيت بيها و هى المطبات الفيرنا اوطى و اطول و بتحك فعلا عكس الانوس اعلى اصل موضوع المطبات فى اكتوبر هنا كانه زى الكهرباء و المياه اساسىىىىىىىى

[m_o_sakr]

حضرتك ممكن تشوف المقارنه دى بين البروتون ساجا و رينو لوجان
http://www.masrmotors.com/vb/showthread.php?t=16912