إغلاق المصانع المخالفة للمواصفات هل الفيرنا منهم ؟؟

يا جماعه اللي بيقول الفيرنا اخر انتاج ليها السنادي يقول جاب الخبر ده منين اساسا لان عمر ما توكيل ولا اي منتج هيقول ان العربية الفولانيه اخرها كذا الا قبلها بكام اسبوع بس زي الدايو فياريت نبطل اشاعات ملهاش لازمة

[Ahmed_lol2007]

المشاركة الأصلية كتبت بواسطة مظهر صفوت ptmnlo123per118ptmnlo123p er118 انا الحقيقة مش عارف اقول ايه؟؟؟ 25%من السيارات على الطرق المصرية هيونداى لازمته ايه اتفه من امر الوكيل؟؟ مش ده نجاح؟؟ طيب حد ضربنا على ايدينا وقلنا اشتروا؟؟؟ وبرضه مش عارف الثقة فى كلامك من ان مفيش انتاج للفيرنا تانى دى جبتها منييييييييين؟؟ اذا كنت متضايق من الفيرنا فبلاااش سعادتك تسد نفس اصحابها والنصيحة تكون فى اطار الرد العملى مش العاطفى ؟؟؟ وربنا يسدد خطاك ويوفقك

أنا مش بتفه من الوكيل وسؤال بقا لو سمحت مين اللى عمل اسم للوكيل مش المستهلكين؟
وحضرتك أنا مش بكره صحابها فيها ولا متضايق منها أنا كنت هجيب واحدة بس أنا متضايق من حالنا
أنا شوفت خط إنتاج الفيرنا لانى كنت تدريب سنتين من 2005 الى 2007( فى المصنع الخاص بإتناج الفيرنا والاكسنت والسوناتا)التجميع مش كله كان عك بس كان فى ناس بتشتغل بعك
وبعدين موضوع إنتهاء انتاج الفيرنا دة أناعندى خلفيه عنو من 2006 أنو اخر الفيرنا 2009 بس لانى زى ما قولت أنى كنت تدريـــــــــــــــــــــ ـــــــــــــب وبعدين انا ليه أصحابى شغالين فى الشركة دلوقتى وقاللولى من 2008 إن الفيرنا هتتمد فى الانتاج كمان سنة وفعلا أهى اتمدت وإمبارح أنا كنت معاهم وقالولى إن الكلام دة بقا شبه مؤكد وهما دلوقتى شغالين فى الفيرنا الغاز وكانت الشركة جابت عربية فيرنا ستار وبيحاولو يعملو التعديلات دى فى المصنع
يعنى أنا مش بخترع كلام ولا غيره وعموما الايام بيننا وأخر السنة دى مش بعيد

[Ahmed_lol2007]

المشاركة الأصلية كتبت بواسطة corsair يا جماعه اللي بيقول الفيرنا اخر انتاج ليها السنادي يقول جاب الخبر ده منين اساسا لان عمر ما توكيل ولا اي منتج هيقول ان العربية الفولانيه اخرها كذا الا قبلها بكام اسبوع بس زي الدايو فياريت نبطل اشاعات ملهاش لازمة

لو حضرتك عندك اى دليل يقول أن الفيرنا هتكمل بعد السنة دى قولنا عليه
أنا زى ما قولت إن أنا كنت تدريب وكنت سامع ان اخرها 2009 وفعلا اتجدد لها كمان سنة بس الشركة الام ماريضيتش تجدد أكتر من سنة وعلى فكرة غبور كان بيحاول يعمل صفقة أنو يجمع عربية تانية بعد اما الفيرنا تتوقف ولسة فى مفاوضات

[Ahmed_lol2007]

وعموما يا جماعة أعتبرو الكلام كانه لم يكن وياريت الاستاذ أحمد كار (أحمد أبو زيد)
يمسح كل مشاركاتى فى الموضوع دة) ودة طلب شخصى لانى بحترم جدا كل أعضاء مصر موتورز ومش هينفع أخلى حد يزعل منى بسبب الكلام دة ومرة تانية لأعتبرو الكلام دة لم يكن

مفيش زعل ولا حاجه ده نقاش فقط لاغير ودليلي علي ان الفيرنا مش هيتوقف انتاجها انها اكتر عربية في الوقت الحالي بقيت تاكسي وعليها طلب من موضوع التكهين فمعتقدش ابدا انهم يوقفوها دلوقتي مش اقل من 3 سنين كمان علي ما يوقفوا انتاجها