إغلاق المصانع المخالفة للمواصفات هل الفيرنا منهم ؟؟
 

السلام عليكم

يا جماعة انا مش عارف ابارك ولا أعزي ...

الحكومة قررت إغلاق مصانع السيارات المخالفة للمواصفات

المشكلة ان الحكومة لم تعلن عن أسماء هذه المصانع... حتديهم فرصة لمدة 6 شهور لتوفيق الاوضاع
وإلا سيتم إغلاقها...

المشكلة اني ان شاء الله ناوي اشتري سيارة فيرنا 2010 ولما قرأت الخبر ده خفت لتكون الفيرنا منهم
لأن ده لو كان صحيح حتبقى مصيبة لأن إيقاف إنتاجها او حتى عمل تعديلات للإنتاج الجديد منها سوف يتسبب في إنخفاض قيمة الموديلات التي تم إنتاجها قبل التعديل... يعني العربية اللي حدفع فيها تحويشة العمر وحستلف علشان اكمل تمنها ممكن ينزل تمنها فجأة 20000 جنيه لو حبيت أبيعها كسر زيرو لأي ظروف طارئة .. لأن اللي حيشتريها حيقول لي دي غير مطابقة للمواصفات ودي عربية خطر و... و.... إلخ علشان يقلل من تمنها...

انا بصراحة مش عارف اشتري دلوقتي ولا أستنى 6 شهور لما يعلنوا اسامي المصانع دي ؟؟

إيه رأيكوا أعمل إيه ؟؟؟

وهل تعتقدوا ان الفيرنا منهم خصوصا اننا بنسمع دايما إنها عربية خفيفة وغير ثابتة على الطريق ... ؟؟

والمشكلة اني متأكد ان بعد مرور ال 6 شهور ستقوم الحكومة بمد فترة توفيق الاوضاع مدة أخرى قد تصل لسنة

وانا بصراحة محتاج العربية بسرعة

أعمل إيه ؟؟؟ قولولي رأيكوا ... أشتري ولا أأجل ؟؟؟ ولحد إمتى انا زهقت..

رد: إغلاق المصانع المخالفة للمواصفات هل الفيرنا منهم ؟؟
 

السلام عليكم ورحمة الله وبركاته
كدة كدة أخر سنة لانتاج الفيرنا هيا سنة 2010 المفروض إن خط إنتاج الفيرنا كان هيتوقف فى 2009 بس غبور مدها سنة ومش هينفع يمدها تانى يعنى بالعربي كدة كدة دى أخر سنة فيرنا

رد: إغلاق المصانع المخالفة للمواصفات هل الفيرنا منهم ؟؟
 

يا نهار ابيض !!!

يادي المصيبة ... طب انا اعمل ايه دلوقتي ؟؟
اشتريها ولا لأ ؟؟؟


انا بإذن الله كنت حروح بكرة اشتري .........و اااااااااااااااااء ptmnlo123per144

رد: إغلاق المصانع المخالفة للمواصفات هل الفيرنا منهم ؟؟
 

يا جماعه متخفوش كدا الحوار ده معمول اساسا علشان مصايب الصيني اللي كترت اليومين دول وعيوب التقفيل المنتشرة لكن الفيرنا يا جماعة عربية محترمة وثابتة وجودها من 10 سنين وعربية جميلة جدا

رد: إغلاق المصانع المخالفة للمواصفات هل الفيرنا منهم ؟؟
 

معتقدشي برده

و لا غبور التوكيل اللي يتقفله مصنع بسهولة

و كمان غبور بيحلف الموديل لحد اخر نفس

ده الاكسنت القديمة فضل يجمعها لحد 2007