#1
|
|||
|
|||
عايز رأيكم في M11 2013 .. خلاص رسيت عليها
بسم الله الرحمن الرحيم
بعد حيرة كبيرة و سهر و قرف و تفكير مهلك ربنا هداني للـ M11 2013 ، و كنت بقارن بينها و بين أفيو Automatic 2013 ، بس لقيت الناس كلها بتلعن فيها و في مشاكلها و عيوبها و بعدين مفيهاش اي حاجة تخليها عربية تستاهل 87,000 جنيه بصراحة خالص يعني دي حتي مفيهاش ريموت سنتولوك! عكس M11 من أول سنة نزلت فيها و عاجبني شكلها جداً و كمان ما شاء الله تقيلة و شديدة و موتور و ثبات و ABS, EBD و ناس كتير راكبينها و معظمهم بيشكر فيها و هبقي وفرت 16 الف جنيه كمان ! بس الحقيقة إني برضه متردد شوية و محتاج آرائكم السديدة إن شاء الله خصوصاً الناس اللي معاهم M11 ، إيه رآيكم في العربية و إيه مشاكلها بصدق و أمانة شديدة ينوبكم فيا ثواب ؟؟ و هل أتوكل علي الله و أشتريها ولا بلاش ؟ انا عن نفسي زي ما ذكرت قبل كده طالب جامعي و بطولي و لسه قدامي 5 ، 6 سنين لوحدي و علي قد مشاوير داخلية جوة البلد بس و بطلع علي الطريق نادر جداً ، و حنين علي العربية في السواقة و إن شاء الله ههتم بيها .. تفتكروا ممكن تشيلني 5 ، 6 سنين ؟ انا اسف علي الإطالة بس دي أول عربية أجيبها شخصية و فعلاً موضوع محير جداً اتمني تساعدوني بأه أو لأ و ربنا يكرمكم بس رجاء خاص محدش يعرض عليا أسامي عربيات انواع تانية لأني هرست كله و شفته و كله مش عاجبني ، و بداية النضيف بالنسبالي فوق 110,000 و ظروفي حالياً متسمحش .. مرة تانية آسف علي الإطالة و منتظر ردودكم الكريمة تحياتي لكل الإسبرنزاوية |
#2
|
||||
|
||||
رد: عايز رأيكم في M11 2013 .. خلاص رسيت عليها
على العموم ....... مبرووووك مقدما
بس عاوزك تفكر فى برلياني frv اتوماتيك كامله 88000 جنيه نفس المواصفات
__________________
اللهم احفظ بناتنا ونسائنا فى كل مكان من شياطين الانس |
#3
|
|||
|
|||
رد: عايز رأيكم في M11 2013 .. خلاص رسيت عليها
من الاخر عربية شديدة معايا موديل 2012 بقالها سبع شهور معايا بجد عربية جامدة ع السعر دا بقت ب 72 الف حاجة غريبة وانا متوقع سنتين وسعرها مش هيبقى كدا تماما انا ركبت عربيات كتير بس مش سواقة الصراحة كنت لسه ركاب مع زميلى من يومين كرولا 2005 وبجد اما ركبت عربيتى امبارح حسيت بفخامة اكتر ف القاعدة والصالون والاضاءة الداخلية والكاسيت ماشاء الله ربنا يبارك فيها ولو رجع بيا الوقت عمرى ما هجيب غيرها دا غير شكلها الخارجى اللى مش محتاج كلام هوا واصف نفسة وجنوط اسبور 16
ان شاء الله مش هتندم لو جبتها نسيت اقولك مرة وانا ماشى باخد دوران سرحت والعربية حكت جامد ف التلتوار وانا سمعت الحكة من جوا ززعلت اوى ووقفت العربية ومتوقع اما انزل هلاقى مصيبة تخيل ملقتش ولا خدش الجنوط كلة اخد الحكة هوا والكوتش وعشان العربية عالية الحكة مجتش فيها انا عارف انى طولت عليك بس انا كنت واقع ف نفس حيرتك دى بالظبط من سبع شهور عشان كدا بحكيلك بالتفصيل اتمنى اكون افدتك |
#4
|
|||
|
|||
رد: عايز رأيكم في M11 2013 .. خلاص رسيت عليها
ا / خالد .. بحييك علي كرمك و مرورك و ردك ، بس انا للاسف محدود بين m11 و افيو اوتوماتيك 2013
|
#5
|
|||
|
|||
رد: عايز رأيكم في M11 2013 .. خلاص رسيت عليها
ا / اشرف بشكرك جزيل الشكر و ربنا يباركلك فيها و يكفيك شرها و متندمش ابدا انك جبتها إن شاء الله ، و ربنا يقدم اللي فيه الخير
|
|
|