حشــترى شيفروليه لانوس 2013 ومحتاج حريفه :D

[Opera]

سلام عليكم

بعد معاناه فى العربيات القديمه والتنطيط من عربيه لعربيه ومعاناه عند الميكانيكيا

قررت اشترى لانوس شيفروليه عشان مع واحد صاحبى ومريحاه

ده اول توبيك ليا هنا فى المنتدى احب اعرفكم بنفسى الاول اخوكم محمد 23 سنه

شبرا- مصر انا حشترى العربيه من معرض اسمه الابيض تقسيط وكده بس حدفع مقدم حلو عشان متعبش فى التقسيط المهم دلوقتى العبد لله معندهوش خبره وعايز حد يوعينى ويجاوب على الاسئله الاتيه :

1- هل ممكن المعرض يلبسنى العمه ويدينى حاجه مش نضيفه ؟
2- انا حشترى العربيه كامله .. ايه الحجات اللى المفروض تبقى فيها وممكن المعرض ميحطهاش
3- انا متاكد تماما ان هيبقى فيه فرق كبير بينها وبين التوكتوك بتاعى (128) بس هل العربيه دى حلوه فعلا زى مسمعت من ناس كتير وقالولى مفيش فرق بين شيفروليه ودايو ؟
4- بعد مستلم العربيه محتاجه تليين ؟ ولا ادور وامشى اروح الشغل ولا حعملها سرفيس ولا ايه النظام

وشكرا لحسن تعاونكم

[sherifabden]

- هل ممكن المعرض يلبسنى العمه ويدينى حاجه مش نضيفه ؟
ازاي يعني ؟؟
هوا المعرض هيجيب العربية من التوكيل ولازم انتا قبل ما تستلم العربية تفحصها وتتاكد انه مفيهاش خدش واحد ولو فيها اي حاجة متشتريهاش
2- انا حشترى العربيه كامله .. ايه الحجات اللى المفروض تبقى فيها وممكن المعرض ميحطهاش
لازم مع العربية تستلم الاستبن والكاتالوج وورق العربية وفي حاجات تانية بس للاسف مش عارفها
3- انا متاكد تماما ان هيبقى فيه فرق كبير بينها وبين التوكتوك بتاعى (128) بس هل العربيه دى حلوه فعلا زى مسمعت من ناس كتير وقالولى مفيش فرق بين شيفروليه ودايو ؟
لا طبعا العربية دي لما بقت شيفروليه بقت نص نص انما الدايو كانت نضيفة جدا
4- بعد مستلم العربيه محتاجه تليين ؟ ولا ادور وامشى اروح الشغل ولا حعملها سرفيس ولا ايه النظام
طبعا محتاجة تليين اول 5 الاف كيلو ومتزودش السرعة ومتشغلش التكييف في الوقت دا وطبعا تعملها صيانة كل 5 الاف كيلو في التوكيل
ومبروك مقدما

[Opera]

المشاركة الأصلية كتبت بواسطة sherifabden - هل ممكن المعرض يلبسنى العمه ويدينى حاجه مش نضيفه ؟ ازاي يعني ؟؟ هوا المعرض هيجيب العربية من التوكيل ولازم انتا قبل ما تستلم العربية تفحصها وتتاكد انه مفيهاش خدش واحد ولو فيها اي حاجة متشتريهاش 2- انا حشترى العربيه كامله .. ايه الحجات اللى المفروض تبقى فيها وممكن المعرض ميحطهاش لازم مع العربية تستلم الاستبن والكاتالوج وورق العربية وفي حاجات تانية بس للاسف مش عارفها 3- انا متاكد تماما ان هيبقى فيه فرق كبير بينها وبين التوكتوك بتاعى (128) بس هل العربيه دى حلوه فعلا زى مسمعت من ناس كتير وقالولى مفيش فرق بين شيفروليه ودايو ؟ لا طبعا العربية دي لما بقت شيفروليه بقت نص نص انما الدايو كانت نضيفة جدا 4- بعد مستلم العربيه محتاجه تليين ؟ ولا ادور وامشى اروح الشغل ولا حعملها سرفيس ولا ايه النظام طبعا محتاجة تليين اول 5 الاف كيلو ومتزودش السرعة ومتشغلش التكييف في الوقت دا وطبعا تعملها صيانة كل 5 الاف كيلو في التوكيل ومبروك مقدما

شكــــــــــــــــــرا يا كبيـــــــــر

[هانى عيسى حسان]

انا عم نفسى لما قررت اشترى فضلت القديم الدايو يعنى لان الشيفروليه بصراحه مع ناسى اصحابى كتير حاسس انها بقيت عشه مع انى معايا جوليت 2004 بس بالنسبه للشيفروليه حاجه تانيه خالص عموما انا حابب اقول ان الدايو افضل بكتير من الشيفروليه وطبعا الراى الاول والاخير ليك انت والف مبروك مقدما

[بلاشانت]

مفيش فرق بين الدايو والشفروليه انا ركبت الاثنين كتيييييييييييييييير والشيفروليه عربيه ممتازه والى معترض على كلامى يثبتلى الفرق بس ميكنش مجرد كلام وخلاص