|
Accent Verna RB اكسنت فيرنا Hyundai Accent - Verna - RB جميع اجيال اكسنت وفيرنا Hyundai Accent - فيرنا الجيل 2 Hyundai Accent - اكسنت الجيل 1 Hyundai Accent - نيواكسنت الجيل 3 Hyundai Accent - اكسنت ار بى RB الجيل 4 |
|
أدوات الموضوع |
#1
|
|||
|
|||
مساعدة فى مشكلة فى كهرباء الفيرنا
السلام عليكم
انا من يومين نزلت اشغل العربية مدرتش والبطارية فضيت بالرغم انى منستش حاجه خاص شغاله الموقف ده تانى مرة يحصل فى اسبوع روحت للكهرباء وخلته يشحن العربيه اكتر من 4 ساعات واخدتها منه بليل وجربت اشتغلت تمام جت تانى يوم الظهر اشغل العربيه لقيت البطارية نامت والعربيه مدرتش المهم دورت العربيه وعديت على الكهربائي وسألته قالي لا دي مشكلة بطارية قلتله يمكن فيه حاجه بتسرب كهرباء فى العربيه قالي لا صعب من غير مايكشف ، المهم خرجت مشوار محترم تقريبا 150 كلم على الطريق السريع ورجعت طبعا كانت البطارية شحنت كويس ركنت وفصلت الطرف الموجب بتاع العربيه وقلت اجرب الصبح ، وفعلا جربت الصبح البطاريه اشتغلت كويس جد قلت اقيس بالأفوميتر الأمبير اللى بيعدي فى الطرف الموجب والعربية مبطله طلع تقربا واحد امبير او اقل 800 مم امبير فانا محتار الكهرباء اللى قراها الأفو دي مشكلة حاجة بتسرب ولا ده امبير خاص بدايرة الأنذار لأنى بصراحة كنت نازل اشتري بطاريه وبعدين قلت استنى عشان مااجبهاش على الفاضي مستنى مساعدتكم وارائكم |
#2
|
||||
|
||||
رد: مساعدة فى مشكلة فى كهرباء الفيرنا
هى غالبا بطاريه بس متجيبهاش دلوقتى الا ما تتاكد الاول
انا بطاريتى يوم 28 يناير 2011 جابت ربع وشوفته بعينى عند بتاع البطاريات ومكنش معايا فلوس كانوا يومين ثوره عبال عندك المهم شحنت البطاريه عند بتاع البطاريات واشتغلت وتانى يوم برضوا عملتها معايا برضوا المهم ان بتاع البطاريات قالى هشحنهالك واغيرلك ميتها وعمل كده فعلا وفضلت شغاله معايا اسبوع كويس وبعد الاسبوع بدات تعمل كده تانى تفسيرى الشخصى ان المشوار ابو 150 كيلو فوقها شوى ولكن مش هيدوم كتير روح عند بتاع بطاريات وخليه يكشف عليها وهو هيقولك اذا كان فيها ربع ولا لا خد بالك ان العمر الافتراضى دلوقتى لاتخن بطاريه فى السوق هو من سنه لسنه ونص ومش زى زمان البطاريه كانت بتعد سنتين وتلاته
__________________
أعتذر عن خطأ غير مقصود منى فى حق محمد تونسى |
#3
|
||||
|
||||
رد: مساعدة فى مشكلة فى كهرباء الفيرنا
البطارية عمرها قد ايه ؟
__________________
سبحانك لا علم لنا الا ما علمتنا |
#4
|
|||
|
|||
رد: مساعدة فى مشكلة فى كهرباء الفيرنا
مش بطارية
واوعى تسمع كلام الكهربائى البطارية مظلومة الدينامو بايظ يا باشا ريح نفسك والعملية دى ليها أسس علمية واجهزة معينة بتتعرف بيها وما ينفعشى تعرفها بالفهلوة او بحيل كهربائى السيارات المتحذلق او تاخدها بالخبرة لازم تختبر الدينامو وتفحصه عمليا وتختير البطارية وتفحصها عمليا وبعدين تختبر وصلة الدينامو بالبطارية واخيرا تعرف هل البطارية خدت الوقت الكافى للشحن على الدينامو بعد الفحص قصة يعنى ولاحظت ان اغلب الناس بيختلط عليهم الامر ويظنوا انها البطارية لانى مريت بالمشكلة دى ولما رجعت للاسس العلمية للدينامو والبطارية واقتنيت اجهزة تيستر وامبير وشوية معدات وتونجر قدرت فعلا احدد المشكلة وطلعت الدينامو موت البطارية وفعلا البطارية ماتت
__________________
بسم الله الرحمن الرحيم {يُرِيدُونَ أَن يُطْفِؤُواْ نُورَ اللّهِ بِأَفْوَاهِهِمْ وَيَأْبَى اللّهُ إِلاَّ أَن يُتِمَّ نُورَهُ وَلَوْ كَرِهَ الْكَافِرُونَ }التوبة32 صدق الله العظيم |
|
|