سؤال بخصوص التاكسى ياريت المساعده

[العمده المليجى]

اولا ارجو ان تكونو فى تمام الصحه والعافيه واشكركم على الردود حيث انها اول مشاركه ليا فى هذا المنتدى وبصراحه اعجبنى قسم البى واى دى هدخل فى الموضوع
انا كنت ارغب فى شراء تاكسى وكان معايا عربيه 132 فيات فى حدود 18 الف جنيه وكنت شغال بيها ملاكى كانها تاكسى بس للاسف كان ليها مواسم يعنى ذى شهر رمضان او مناطق محدده تشتغل فيها ذى السلام والعتبه وكده وكنت بروح مليان وبرجع فاضى المهم كنت عايز اشترى تاكسى بلتقسيط لفيت على شركات كتير وبصراحه حسيت انو فيه نصب كتير او على الاقل ياخدو منك 25000 الف جنيه ولو مفيش نصب يقولولك معلش اصل مجلناش موافقه من الشركه او اى حوار والكلام ده بعد 3 شهور من دفع الفلوس يكونو شغلوها طبعا واستفادو منى ومن غيرى المهم سافرت للسعوديه قولت اقعد سنتين هناك مش مشكله بس هيبقى عندى التاكس كاش وعلهوش اقساط ولا وجع قلب ولا الجنيه بجنيه ولا الكلام ده كلو وتبقى الفايده كلها ليا ولعيالى مع العلم انى شغله التاكسى ديه عارفه كويس والحمد لله بجانب صنعتى معلش طولت عليكم انا بستفسر عن حاجه من اهل الخبره اول حاجه انا عايز اجيب تاكس اتوماتك ومريح وعربيه عشره على عشره لانى انا الى هركبها وانا الى هرعيها وتريحنى وكنت محتار مابين حاجتين الصنى الجديد او البى واى دى وانا متابع القسم من زمان بس مش لاقى معلومات من اساتذ عماد من شركه الامل عن الانواع الى فعلا فى مصر وامكانيتها كل الى معروض من شركه بى واى دى بس متعرفش هنا فى مصر ولا الصين موجوده المهم ياريت حد يقولنا شركه الامل المحترمين عندهم انواع ايه من البى واى دى كامله وبكام سعرها ولو مفيش انواع معينه تبقى امتى تانى حاجه النمر بتاعه التاكس اجرات تخليصها ايه ابتداء من شراها من صاحبها لغايه ما تتعلق بمسمارين على الاكصدامات وهل الغاز افضل اول ما اخد العربيه من الامل ولو هم ركبهولى يكون احسن ولا اروح بره عند اى شركه وانا سمعت انى افضلهم كار جاز وهل فعلا شركه الامل ممكن تسلمك العربيه بغازها مع اضافه السعر واخرا وليس اخير كل اصحاب التاكس ياريت يعملو مشاركه عن المشاكل الى عندهم فى العربيات ويكتبو متوسط دخل التاكس معاهم قد ايه ومشاكل الزباين ايه والمناطق الى متدخلش ايه لانى فيه ناس كتير بتسئل على الموضوع ده بس ميعرفوش يعملو مشاركات وكده هما بيدخلو المنتديات يقرو وبس ورجاء من شركه الامل هل هما يقدرو يجيبو النمر ملحظه نمر القاهره ويركبوها وكده او ايه اكتر حاجه ممكن يساعدو بيها فى تجهيز العربيه التاكس مع اضافه السعر معلش انا اسف فعلا على الاطاله وجزاكم الله خير والسلام عليكم ورحمه الله وبركاته

[العمده المليجى]

ايه ياجماعه 80 مشاهده ومفيش رد من اصحاب التجارب

[emad habib700]

رجاء التواصل على الخاص او الاتصال تليفونيا

[العمده المليجى]

المشاركة الأصلية كتبت بواسطة emad habib700 رجاء التواصل على الخاص او الاتصال تليفونيا

مرحبا بك استاذ عماد حبيب ونشكركم على تقديركم لنا واهتمامكم من معجبين البى واى دى ياريت من فضلك فضلا وليس امرا توضيح مدى مساعدتكم لى فى موضوعى ونشكركم شكرا جزيلا (عماد محمد)

[العمده المليجى]

المشاركة الأصلية كتبت بواسطة emad habib700 رجاء التواصل على الخاص او الاتصال تليفونيا

الاستاذ عماد حبيب اشكرك على ردك واهتمامك هل شركه الامل عندها التاكسى الابيض جاهز بلنمر مع العلم انى اريدها f3اتوماتيك جاهزه واسعار الكاش ايه والتقسيط ايه او لاى مدىتقوم شركه الامل بتجهيز السياره بمعنى انها تجهزها بدون نمر ولا تستطيع تعليق النمر ايضا نرجو الافاده ونقدر اهتمامكم وكل ام وانتم بخير