جيلى إميجراند و غبور

[ahmedchina]

اتوقع صدور العربية إميجراند المجمعة فى مصر فى مصانع غبور قريبا فى السوق و الدليل
فى العيد شوفت عربية إميجراند هتشباك فى المقطم عليها نمر جمرك
يوم الخميس 13 سبتمبر 2012 و انا فى طريقى الى الاسكندرية قبل بوابات القاهرة كان فى عربية إميجراند سيدان عليها لوحات مرور ملاكى فى الاتجاه المعاكس من أبو رواش الى القاهرة
وصلت الاسكندرية فى منطقة سموحة على الكورنيش فى يافطة إعلان كبيرة عليها أسم غبور و الخلفية اول و اخر العربية هو اللى ظاهر فقط إميجراند سيدان و بيقول فى الاعلان لاول مرة فى مصر إنتظروا المفاجأة . بس يارب السعر يكون منافس و فى المعقول .
العربية دى غبور هياكول بيها سوق الاسبرانزا و البى واى دى من وجهة نظر شخصية .

[mms]

انا بصراحه منتظر السياره دى من زمان بعد ما خاب املى اللى كان كبير جدا فى الجاك . لان من طبعى بصراحه انى مش على استعداد اجيب سياره وافضل ادور على قطع غيارها او اوفق دى مكان دى وكده .......او انى اجيب سياره والناس تسال ايه دى ؟ وفى النهايه يقولك ؟ آه صينى ...مجرد صينى . انما لو صينى والعلامه بتاعتها اثبتت وجودها يبقى مش مشكله ....عيب جدا ان السياره تكون مش منتشره او مش معروفه ...الامل كبير جدا فى امجراند لانها صنعت سمعه جيده جدا فى اوربا واعتقد ان غبور وكيل قوى فلو اهتم بيها يبقى هتكسر الدنيا .

[mhamdy75]

جي بي أوتو توقع اتفاقية لتجميع سيارة جيلي الصينية في مصر

أعلنت شركة جي بي أوتو للسيارات توقيع إتفاقية تعاون مع شركة جيلي الصينية لصناعة السيارات لتجميع وطرح السيارات الملاكي ماركة “جيلي” في السوق المصرية وعدد من الأسواق في شمال أفريقيا والشرق الاوسط. لمتابعة الخبر من المصدر : جي بي أوتو توقع اتفاقية لتجميع سيارة جيلي الصينية في مصر

[JILANCO]

السيارة في الأردن سعرها تسع الاف دولار اي انها اغلي من الأنجلون التي قيمتها 7500 دولار وانا اشتريت الأنجلون لتفوقها علا هذة السيارة من ناحية الغرفة الداخلية والتشطيب ونوعية البلاستيك المستخدم حيث انك تشعر انة بلاستك العاب اطفال اما من ناحية الميكانيك فهي مثل الأنجلون بلضبط و الأبشن في الأنجلون يتفوق عليها

[asmaaa]

اهم حاجة تنزل بسعر رخيص وقطع غيار رخيصة وتوكيل على مستوى الجمهورية