|
|||||||
 |
|
|
أدوات الموضوع |
|
|||||||
|
|
|
أدوات الموضوع |
|
#1
08-09-2012, 11:29 PM
|
||||
|
||||
تجربتى مع هيونداى اكسيل هاتش باك 1300 سى سى واللى عملته معاها من اول ما جبتها ومميزتها وعيوبها
السلام عليكم ورحمة الله وبركاته
طبعا الكل عارف انى اول عربيه اتعاملت معاها كانت ال 128 عليها من الله ما تستحق ههههههههههههههههههههههههه المهم انا جت بصراحه فى سكتى الاكسيل ديه عن طريق الصدفة انا كنت ناوى على 132 موديل 80 2000 سى سى تكيف وباور و ازاز كهربا وخلاص رايحين بكره نخلص فيها راح خالى يحلق شعره فبيقول للحلاق على ال 132 فالحلاق قالة طيب ما تجيب اكسيل وهتبقى قريبه من المبلغ اللى هتجيب بيه ال 132 اللى بتقول عليها راح خالى مكلمنى وانا روحت مكلم اخويا الكبير استاذ محمد حمدى mhamdy فقالى الاكسيل افضل من 132 بمراحل وفعلا انا خلاصت المكالمة مع استاذ محمد وركبنا وروحنا نشوف العربيه كنظرة مبدئية منى ولو لقيت انها كويسه نجيب بقى ميكانيكى تبعنا ويشوفها المهم روحنا ومن النظرة المبدئية السيرة كويسه من جوه ومش راشة دواخل نهائى بس الخارج هو المرشوش الاخضر المعتاد بتاع الاكسيل ولسه مرشوش من فتره قريبه وان العربيه كويسه من كل شىء بس الصالون والتابلوه متبهدل شوية يعنى مثالا عاوزه طقم فرش ابواب والتابلوه فيه بعض الشروخ كحال كل الكورى بسبب استعمال البلاستيك الردىء اللى بيشقق من الشمس ولكن يمكن اننا ندارى شقوق التابلوه باننا نحط فرش عليه وخلاص المهم تانى يوم جه معانا الميكانيكى اللى تبعى و شافها وركبناها وكل حاجه وبصراحه الراجل شكر فى العربيه واكد كلامى ان العربيه كويسه المهم خدت العربيه من هنا وجينا خرجنا مشوار لقينا المراوح مش شغالة و العدادات كلها فى الضياع والزجاج الكهربا الامامى مش بتاعها فبريكه بس صاحبها القديم مركبه وللاسف طلع انه مستخدم مكن يبانى مع انه كان ممكن يستخدم مكنها الاصلى وكان هيبقى ارخص من اليبانى وكان مش هيحصل منه مشاكل نهائيا المهم طلعت عاوزه تتظبط كهربا وتكيف طبعا روحت على صديقى الكهربائى (بيشتغل فى الكهربا والتكيف بامتياز) راح طلع اللى كان بايظ ومخلى المراوح متشتغلش هى الكتاوت الخاص بيها و المارش كان بيفوت قمت جبت ترس مرش جديد كورى و عداد الحرارة جبتله صباع حرارة علشان المؤشر يشتغل عادى وجينا نشحن التكيف كان للاسف مفيش فريون 12 فشحناه 134 وكان فيه تسريب واتعالج وكان ترموثتات التكيف بايظ روحت جبت واحد جديد والحكاية اتكلفت كالاتى ترس مارشى 50 جنية اتنين كتاوت مروحة (مروحة الردايتير ومروحة التكيف) 40 جنية ثرموثتات تكيف 85 جنية صباع حرارة علشان المؤشر 15 جنية سير تكيف 10 جنية تكلفة شحن تكيف بمعالجة التسريبات البسيطه 150 جنية تكلفة مصنعية كهرباء 70 جنية وظبطنا كهربتها من اولها لاخرها الحمد لله قمت رايح على الميكانيكى بتاعى وجبت الاتى سير كاتينة ايسوران (أيطالى )اصلى 45 جنية سير دينموا كورى 25 جنية طقم بوجيهات بوش ثلاثة شمعة اصلى 50 جنية مصنعية تركيب كل الحاجات ديه بتنظيف الكربراتير وظبطه 70 جنية و بعدين روحت بنزينة شل جبت من عندها زيت شل الاحمر 3000 فلتر زيت كورى 20 جنية وخدمة تغير10جنية (ملحوظة :الزيوت لازم تشتريها من البنزينه الخاصة بيها لان اغلب الزيوت اللى بتتباع فى المحلات بتبقى مغشوشة وعن تجربة) وكده فاضل الاتى فقط ان شاء الله ملىء تيل فرامل خلفى مع خرط الطنابير و ظبط زوايا وتربيط عفشة و تغير فلتر بنزين والحمد لله على كده نيجى بقى لمميزات وعيوب الاكسيل اولا :المميزات 1:العربيه ما دام من غير التكيف بتجرى جرى على الطريق جامد جدا وبتخلى راسك براس اى عربيه تانية بخلاف ال 128 الله يرحم ايامها ولا يرجعها الى لو كانت بتمشى من غير اعطال على الطريق بتحمد ربنا وتبوس ايدك وش وظهر هههههههههههههههه 2:العربيه اسعار قطع غيارها مفيش فرق بينها وبين ال 128 نهائيا وعلى اد ما ان اسعار قطع غيارها زيها زى ال 128 بس عمرها الافتراضى طويل جدا بخلاف ال 128 اللى كانت قطعة الغيار لازم تغيرها كل شهر 3:العربيه واسعه الى حد ما من جوه ومريحه اكثر بكتير من ال 128 غير كدا الكراسى ممكن تطلع لادام وورا و تعمل الكرسى سرير براحتك غير ال 128 لو انت قاعد على الكرسى يبقى تحمد ربنا انك قاعد احسن ما تقعد على الارض ههههههههههههههههه 4:العربيه ممكن تشتغل باى نوع بنزين لانها كربراتير ويمكن ظبط الاسبراتير على بنزين ال 80 بس طبعا لازم تتحول لطريقة سواقة ال80 لان ليه طريقة سواقة خاصة 5:العربيه اى حد بيعرف يشتغل فيها بسهولة زيها زى ال 128 محدش بيغلب فيها ثانيا :العيوب 1:تكيف العربيه متوسط الاداء مش ضايع زى تكيف اللادا ومش حلو زى اللانوس او الفيرنا 2:للاسف العربيه فتيسها 4 غيار امامى فقط مع انى كنت ارى انها لازم يكون ليها غيار خامس لانك وانت مش مشغل التكيف العربيه بتجيب السرعة اللى انت محتاجها بسرعة وبتجميع سريع وتحس انك كنت محتاج غيار خامس علشان تريح الماتور اكثر 3:العربيه لما بتشغل التكيف للاسف بتتحول لبطه بلدى بس بالنسبه ليا بطه بلدى بطه بلدى لانى للاسف متعود على طول على التكيف ومش بقدر ابعد عنه لان انا عدوى الحرارة وبحب الساقعه جدااااا وعموما يفضل تغير التكيف كلها لتكيف كورى او يبانى حديث لان تكيفها مشاكله كتير كحال التكيفات قديمة التصميم عموما. 4:العربيه فيها عيب خنيق وهو التشريخ (العيب اللى كرهنى فى ال128 )والشرخ ده فى مكان واحد بس فى العربيه ديه وهو نحية المساعد اللى امام الراكب اللى جنب السواق فيه حته كده هى ديه لاسف نقدر نقول عيب تصميم يؤدى الى ذلك علشان كدا لازم الكشف الدورى على المساعدين باستمرار ولو بايظ فى المنطقة ديه يبقى لازم يتلحم اول باول على طول مع تغير المساعد لانها مش هتشرخ الا لو المساعد بايظ زى ما قولنا 5:ان المكونات الداخلية مصنعة من البلاستيك الردىء كحال الكورى عموما و فى الاخر نقدر نقول ان العربيه تاخد تقيم 8.5/10 و السلام عليكم ورحمة الله وبركاته
__________________
|
|
#2
09-09-2012, 01:16 AM
|
|||
|
|||
رد: تجربتى مع هيونداى اكسيل هاتش باك 1300 سى سى واللى عملته معاها من اول ما جبتها ومميزتها وعيوبها
موضوع ممتاز من شخص أكثر من ممتاز
__________________
أيها الناقد أعمال الورى .. هل أريت الناس ماذا تفعل
لا تقل عن عمل ذا ناقص .. جئ بأوفى ثم قل ذا أكمل إن يغب عن ليل سار قمر .. فــــــ حرام أن يُلام المشعل
|
|
#3
09-09-2012, 01:53 AM
|
||||
|
||||
|
رد: تجربتى مع هيونداى اكسيل هاتش باك 1300 سى سى واللى عملته معاها من اول ما جبتها ومميزتها وعيوبها
الف شكر يا باشا على الموضوع المتميز
وبصراحه الموضوع متكامل ومسيبتش حاجه ناقصه  : THUMBS~220:
|
|
#4
09-09-2012, 02:08 AM
|
||||
|
||||
رد: تجربتى مع هيونداى اكسيل هاتش باك 1300 سى سى واللى عملته معاها من اول ما جبتها ومميزتها وعيوبها
تحياتى لك 
__________________
|
|
#5
09-09-2012, 02:09 AM
|
||||
|
||||
رد: تجربتى مع هيونداى اكسيل هاتش باك 1300 سى سى واللى عملته معاها من اول ما جبتها ومميزتها وعيوبها
الله يخليك يا يحيى يا جميل
وشد حيلك الدراسة على الابواب وانت فى ثانوى ربنا معاك ياااااااااااااارب
__________________
|
|
|
|
