داخل على سمكرة ودوكو ومحتاج نصيحة

[Vanditta]

السلام عليكم ورحمة الله وبركاتة

انا ناوى بأذن الله ارش العربية كلها فرن بسبب الجنب دة اللى بيجيبلى احباط كل ما اشوفة وبحس ان العربية عندها تينيا
وكدة كدة برضو لون العربية بقى بهتان شوية فقولت اما ارشها كلها نضافة بالمرة خصوصا انى داخل على فحص

انا شارى العربية على كدة ومالكها القديم هو اللى خبطها فى حجر رصيف من اللى الناس بتحطة عشان الركنات دى والكلام دة كان قبل البيع بيومين
وطبعا راح للسمكرى ولمها اى كلام عشان يبيع وانا مانزلتش فى السعر المتفق علية واعتبرتها قضاء وقدر

المهم الجنب دة عايز يتعاد علية سمكرة
والعتبة الفبر اللى متعلم عليها دى بحالتها المزرية دى كدة انا مصلحها عند بتاع فيبر وجاهزة للرش
عشان اتكسرت قبل كدة اما العربية وقعت من على الكوريك

المهم عندى كام سؤال كدة عشان مايضحكش عليا
1- التكلفة تقريبا المفروض تبقى فى حدود كام ؟! (البوية ميتالك والعربية هاتش باك)
2- المفروض انا اللى بشتريلة البوية ولا هو اللى بيشتريها
3-هاعرف منين انة جايب نفس درجة لون العربية اللى مكتوبة فى حوض الموتور
وهاعرف منين البوية اللى جايبها نضيفة ولا اى كلام ؟!
4- عندى فى الجراج اللى بركن فية الكلاب احيانا بتنام على السقف ودة بيخلية يطبق لجوة كدة
وسألت سمكرى قالى انت عندك السقف طويل عشان كدة بيلب مع الحمل علية وقالى احنا هانحل فرش السقف ونلحم خوصتين حديد تقوية للسقف ونركب تانى
المهم اناماقتنعتش باللى قالة وخوفت ل يكون كدة هيلعب فى اساسيات العربية وقولت اسأل اهل الخبرة هنا الاول

[trytob]

المشاركة الأصلية كتبت بواسطة Vanditta السلام عليكم ورحمة الله وبركاتة انا ناوى بأذن الله ارش العربية كلها فرن بسبب الجنب دة اللى بيجيبلى احباط كل ما اشوفة وبحس ان العربية عندها تينيا وكدة كدة برضو لون العربية بقى بهتان شوية فقولت اما ارشها كلها نضافة بالمرة خصوصا انى داخل على فحص انا شارى العربية على كدة ومالكها القديم هو اللى خبطها فى حجر رصيف من اللى الناس بتحطة عشان الركنات دى والكلام دة كان قبل البيع بيومين وطبعا راح للسمكرى ولمها اى كلام عشان يبيع وانا مانزلتش فى السعر المتفق علية واعتبرتها قضاء وقدر المهم الجنب دة عايز يتعاد علية سمكرة والعتبة الفبر اللى متعلم عليها دى بحالتها المزرية دى كدة انا مصلحها عند بتاع فيبر وجاهزة للرش عشان اتكسرت قبل كدة اما العربية وقعت من على الكوريك المهم عندى كام سؤال كدة عشان مايضحكش عليا 1- التكلفة تقريبا المفروض تبقى فى حدود كام ؟! (البوية ميتالك والعربية هاتش باك) بص يا باشا اولا التكلفة انشاء الله لو للجنب بس مش هتعدى الالف جنيه 2- المفروض انا اللى بشتريلة البوية ولا هو اللى بيشتريها انا عن نفسى و اعوذ بالله من كلمة انا افضل انك تشترى البوية بنفسك و تلف على كذا واحد بتاع بوية و تسال عن الانواع و الخامات و الفرق بين كل نوع منهم و هتلاقى نفسك بتطلع بمعلومات كتير اوى قبل ما تروح للبوهيجى و فى الحالة دى كمان هتفهم ان كان البوهيجى نضيف و لا لا من كلامه معاك على البوية 3-هاعرف منين انة جايب نفس درجة لون العربية اللى مكتوبة فى حوض الموتور رقم البوية هتلاقيه على عتبة الباب من جوه ناحية باب السواق و بتاع البوية بيبقى عنده البوية ارقام او بيضربها كمبيوتر و تقريبا تكلفة الكيلو مش هتعدى ال 500 جنيه و العربية انشاء الله مش هتاخد كيلو وهاعرف منين البوية اللى جايبها نضيفة ولا اى كلام ؟! 4- عندى فى الجراج اللى بركن فية الكلاب احيانا بتنام على السقف ودة بيخلية يطبق لجوة كدة وسألت سمكرى قالى انت عندك السقف طويل عشان كدة بيلب مع الحمل علية وقالى احنا هانحل فرش السقف ونلحم خوصتين حديد تقوية للسقف ونركب تانى المهم اناماقتنعتش باللى قالة وخوفت ل يكون كدة هيلعب فى اساسيات العربية وقولت اسأل اهل الخبرة هنا الاول

انا افضل انك ما تعملش حاجة فى السقف و ممكن كمان تسال عن العتب ده كله على بعضه جديد بكام و ممكن يكون اوفرلك من شغل السمكرى فيه و ربنا يباركلك و يكفيك شرها

[محمد صالح - المحامى]

نصيحة
=========
اشترى انت البوية او روح معاه وهو بيشتريها . واختار نوع كويس
ومتسترخصش علشان هتتبهلدل بعد كدا
----------------------
بتهيئلى الخوصة بتاعه تقوية السقف هى الحل الوحيد

[محمدصلاح القاضى]

اولا التكلفه

السمكره مش اكتر من 150 جنيه

البويا

عندك اختيارات عديده فى انواع البويا
عندك اوميجا المصرى الكيلو ب 120 جنيه
او اسكينز طبعا دا غالى جدااا
انا بفضل الاوميجا وخصوصا ان شعب مصر ايده بتاكله ولازم يجرح اى حاجه نضيفه بمسمار
العربيه هتاخد كيلو وربع بويا او كيلو ونص بزياده وكيلو ورنيش
هترش البويا الاول ولازم تكون مش اقل من ثلاث اوشاش
وبعدين الورنيش وشين او تلاته
طبعا اللون انت عاوزه فبريكه هتروح عند بتاع البويا هتفتح له الحوض وتوريه الرقم وهو هجيبه طبعا ممكن يكون غامق سنه وسهل انك تنوره شويه بسيطه عشان العربيه تنور وهى ماشيه ويبقى شكلها حلو
وبعدين متحطش على البويا وانت بتفتح اللون ابيض عشان بيخلى البويا كالحه لا يفتح بفضى بس
والواد بتاع الفرن ترزعه ال 20 جنيه عشان يظبط الاداء

وبعدين حكاية السقف فعلا هو دا الحل
لكن للازم يعمل خوصتين تمام ويلزق تحتهم فوم وبعدين سيلكون عشان ميعملوش صوت والعربيه ماشيه وكمان الخوصه متعلمش فى السقف لو كلب نام عليه

[Vanditta]

المشاركة الأصلية كتبت بواسطة محمدصلاح القاضى اولا التكلفه السمكره مش اكتر من 150 جنيه البويا عندك اختيارات عديده فى انواع البويا عندك اوميجا المصرى الكيلو ب 120 جنيه او اسكينز طبعا دا غالى جدااا انا بفضل الاوميجا وخصوصا ان شعب مصر ايده بتاكله ولازم يجرح اى حاجه نضيفه بمسمار العربيه هتاخد كيلو وربع بويا او كيلو ونص بزياده وكيلو ورنيش هترش البويا الاول ولازم تكون مش اقل من ثلاث اوشاش وبعدين الورنيش وشين او تلاته طبعا اللون انت عاوزه فبريكه هتروح عند بتاع البويا هتفتح له الحوض وتوريه الرقم وهو هجيبه طبعا ممكن يكون غامق سنه وسهل انك تنوره شويه بسيطه عشان العربيه تنور وهى ماشيه ويبقى شكلها حلو وبعدين متحطش على البويا وانت بتفتح اللون ابيض عشان بيخلى البويا كالحه لا يفتح بفضى بس والواد بتاع الفرن ترزعه ال 20 جنيه عشان يظبط الاداء وبعدين حكاية السقف فعلا هو دا الحل لكن للازم يعمل خوصتين تمام ويلزق تحتهم فوم وبعدين سيلكون عشان ميعملوش صوت والعربيه ماشيه وكمان الخوصه متعلمش فى السقف لو كلب نام عليه

الكيلو ب 120 جنية !!
يعنى باقى الفلوس كلها مصنعية
اصل انا سألت واحد قالى 1400 جنية بالبوية بالفرن بكلة من غير سمكرة طبعا
كدة كويس ولا اية !

وبالنسبة للسقف هل هو فبريكتة كدة انة يطقطق لو حطيت علية حمل عشان طويل شوية بحكم ان العربية مالهاش شنطة ؟
عشان لو هو فبريكة كدة مش هاعمل فية حاجة واستحمل ام الكلاب دى على ما ربنا يسهل