بولنيز ولا ماذدا 323 لمده 4 شهور فقط

[sayed2077]

السلام عليكم ورحمة الله وبركاته

جمعة مباركة على الجميع ان شاء الله


دلوقت عاوز اسئلكم على حاجه

معايا ميزانية فى حدود 21 الف حاليا

ومحتار بين بولنيز او ماذدا323

وانا ميهمنيش الشكل نهايا

اللى يهمنى انها تقضى معايا 4 شهور بالطول والعرض وبعدين ابيعها علشان اجيب اللانوس ان شاء الله

فانتم ايه رايكم

بولنيز ولا ماذدا 323

منتظركم

[Hisham.Elgazzar]

العربيات دى اللى موجود منها سليم قليل اوى دلوقتى
وبعدين تشترى قديم وتصرف عليه وترجع تبيع وتخسر

ال 21 يجيبوا شاهين حالتها كويسة
انما المازدا عفشتها ورا ضعيفة جدا

انا شوفت عجلة خلفى طرقعت وهى ماشية خلعت المقص بالطنبورة والعربية مانفعتش تمشى

والبولونيز كل اللى موجود منها اصحابها سابوها لما ماتت وصاجها عفن
واللى عامل فيها شغل هيقولك 19 الف وهى عربية زى الحجر فى بيعها
بالعافية هتبيعها ب 10 الف ولا حاجة ، مع انك جايبها ب 19

ال21 ممكن يبقوا 22 ويجيبوا شاهين سليمة
لكن دور كويس وماتستعجلش

[كومندا]

سيد فيات
لازم يفضل راكب فيات
متفكر فى معبودة الجماهير
131
او مرسيدس الفيات
132

[islam sabry]

بص ابعد تماماً عن البلونيز ممكن مازدا هي حلوه وكله ...بس طالمه فتره مؤقته ممكن تجيب 128 اوائل تسعينات هتتباع هو وان شاء الله ش هتخسر فيها ونفس متانه المازدا لان المازدا ضعيفه نسبيا ..بس المازدا ناعمه وركوبه الصراحه ...وربنا الموفق

[sayed2077]

المشاركة الأصلية كتبت بواسطة Hisham.Elgazzar العربيات دى اللى موجود منها سليم قليل اوى دلوقتى وبعدين تشترى قديم وتصرف عليه وترجع تبيع وتخسر ال 21 يجيبوا شاهين حالتها كويسة انما المازدا عفشتها ورا ضعيفة جدا انا شوفت عجلة خلفى طرقعت وهى ماشية خلعت المقص بالطنبورة والعربية مانفعتش تمشى والبولونيز كل اللى موجود منها اصحابها سابوها لما ماتت وصاجها عفن واللى عامل فيها شغل هيقولك 19 الف وهى عربية زى الحجر فى بيعها بالعافية هتبيعها ب 10 الف ولا حاجة ، مع انك جايبها ب 19 ال21 ممكن يبقوا 22 ويجيبوا شاهين سليمة لكن دور كويس وماتستعجلش

خلاص بلاها بولونيز وبلاها ماذدا

بس مش شايف ان مستحيل الاقى شاهين ب 22 الف وتكون نضيفه كمان

انا كل الحكاية انى ممكن انزل اجيب لانوس زيرو تقسيط حاليا ومعايا 40% من قيميتها بس للاسف البنك اللى هيرضى يدهانى ب 40% بصورة البطاقة فوايده عالية جدا فانا مستنى على اول السنه هتيجى فلوس باذن الله واكمل ده على ده واروح اجيبها من بنك زى بنك المشرق فوايده قليله جداااا وغير كدا هيبقى معايا اعلى من 50% من تمنها ان شاء الله

فلو ملقتش حاجه كويسه اكيد هتضطر اصبر بقى وامرى لله الاربع شهور دول لغاية اول السنه الجديده