العودة   مصر موتورز مجتمع السيارات > منتديات السيارات العامة > مقارنات

مقارنات لمساعدة الأعضاء فى المفاضلة بين الأنواع المختلفة من السيارات


إضافة رد
 
أدوات الموضوع
  #1  
قديم 22-08-2012, 08:42 PM
الصورة الرمزية titos
titos titos غير متواجد حالياً
التخصص العملى: Build Refrigeration Storge Systems at Assarprofessional
هواياتي: any thing about (cars-computer-tech )
 
تاريخ التسجيل: May 2010
الموقع: damnhour
المشاركات: 78
titos is a jewel in the roughtitos is a jewel in the roughtitos is a jewel in the roughtitos is a jewel in the rough
افتراضي bmw 318 i e46 vs bmw 520i vs mercedes benz c180 w203 vs octavia a5

كل سنه و انتوا طيبيين انا كنت بعت اللى الرساله دى لاستاذ وائل ابو نورا و اشستاذ يحيى و استاذ وائل تفضل مشكور و بعتلى رقمه بس لقيته بيعيد ههههه و قافل الموبيل
فقولت اعمل الموضوع ده هنا حسب اختيار استاذ وائل التانى و برضه ناخد اراء اعضاء المنتدى المحترميين

السلام عليكم
كل سنه و حضرتك طيب يا استاذ ابو نورا
كنت محتاج راى حضرتك انا عندى مرسيدس 123 اللى هى المعدله و عربيه ممتازه بس بفكر اغيرها و اجدد فا طبعا العربيات الكورى مبتنزليش من زور و بحسها بلاستيك و زباله فا فكرت فى حجات فى حدود من 100 ل 130 و اول حاجه عجبتنى جدا bmw e46 318i بس كل ما اقول لحد يقولى ابعد عن البى ام و غنيله لييه يا اخوانا بقولك صيانه مكلفه جدا و عربيه تقيله فى البيع و بتتبهدل بسرعه جدا و ممكن لما تشتريها تلاقى نفسك عايز تغير حجات فيها ب30000 ولا 40000 جنييه و كل حاجه فيها صعبه و معقده و اعطالها كتيير اقولهم يا جماعه ازاى دى بى ام برضه ولا حد عايز يفهم انا جبت السيرفس مانوال بتاعها و لقيت العربيه فيها تكنولوجيا رهيبه زى مثلا نظام فانوس بتاع الكامات و كده فا عايز رايك فيها ولو تعرف ايه الفرق بين الهاى لاين و البيز لاين و معدل استهلاكها فى البنزين ايه جوه البلد و فى الطوالى

العربيه التانيه اللى كل اللى رفض البى ام رشحهالى المرسيدس c180 w203 و طبعا المرسيدس لا غبار عليه و انا راكبه من اكتر من 15 سنه بس طبعا هى اغلى من البى ام شويه و انا معرفش نظامها ايه فى قطع الغيار و الصيانه و كده بس انا بحب شكل البى ام اكتر
بس ال 2 كا مواتيير ممتازيين جدا و كفايه كومبريسور المرسيدس و ال 2 دفع خلفى و ده ممتاز طبعا

راى تالت قالى خليك فى حاجه شعبيه شويه و حاجتها متوفره و هى octavia a5 بس برضه فيها مشاكل فى الفتيس الستب ترونيك و موتورها 102 حصان بطه جنب مواتيير الوحشين اللى فاتوا دول و جر امامى وخشنه شويه فى العفشه و الات الجر بحسها لسه فيها حته شرقى زى زمان بس ده ميمنعش انها بياعه و متداوله وماسكه سعر فى اعاده البيع

كمان فكرت فى bmw 520i 2000 cc 1999-2002 بس قالولى دى اصعب من 318 و كبيره و قطع غيارها نار و اتقل فى البيع ووجع دماغها كتيير

كمان حبيت اضيف ان ليا واحد جارى معاه bmw e90 راح يعمل سيرفس عادى فى التوكيل طلبوا منه فى حجات هبله 15000 و الراجل اتسور بيقولى عايزين فى سير التقسيمه 1600 جنييه ههههههه قولتله يا عم صلح بره التوكيل خاف

والله الواحد محتار فا يا رييت راى حضرتك و لو فى حاجه ترشحالى غير اللى انا قولت عليهم دول وشكرا
__________________

When i burn shifts to get my top speed,on this second,i dont care about any thing,iam a free as a bird
رد مع اقتباس
  #2  
قديم 22-08-2012, 10:46 PM
الصورة الرمزية AbOnOrA
AbOnOrA AbOnOrA غير متواجد حالياً
Aِِbo(Nora&Islam&Judy)
Wael Magdy Salah
من انا؟: ابو نورا واسلام
التخصص العملى: IT Consultant
هواياتي: Computers, Automotives
 
تاريخ التسجيل: May 2008
الموقع: ام الدنيا مصر
المشاركات: 17,076
AbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond repute
افتراضي رد: bmw 318 i e46 vs bmw 520i vs mercedes benz c180 w203 vs octavia a5

كل سنة وانت طيب وبخير يارب

بص انا همشى معاك بالترتيب واحدة واحدة


فكرت فى حجات فى حدود من 100 ل 130 و اول حاجه عجبتنى جدا bmw e46 318i
باعتبار انك نازل من عربيتك حيث الوسع فى الصالون والشنطة وكل حاجة الفورتى سكس بالنسبالك هتبقى ديقة جداً
ده غير ان فى رائى ديه مش احسن حاجة تشتريها بالمبلغ ده طالما هتطلع فوق المية

ولو فى الرينج ده ومستحب الفئه التالتة يبقى افضل تجيب ال e90 وتستفيد من التكنولوجيا الاحدث فى كل حاجة والتصميم طبعاً

والافضل على الاطلاق بناء على كلامك هو اللى انت قولته


كمان فكرت فى bmw 520i 2000 cc 1999-2002 بس قالولى دى اصعب من 318 و كبيره و قطع غيارها نار و اتقل فى البيع ووجع دماغها كتيير
ال 523 او 525 (E39)
من اكتر العربيات اعتمادية فى البى ام اكتر من e46 سكس وال e90
عفشه اقوى من الاتنين
قطع غيار ارخص من ال e90 واكثر انتشاراً جديد واستيراد واصلى وتقليد
اوسع من الفئه التالتة سواء فى الصالون او الشنطة واقرب حاجة للمرسيدس
كماليات اعلى من ال 318 ومن ال 320 كمان
وهتستمع باداء بى ام الحقيقى بتصميم العربية وادائها وموتور 6 سلندر من عائلة محركات حائزة على جائزة افضل محرك فى العالم
والعربية نفسها قيمتها مجلة كار اند درايفير فى قائمة افضل عشر سيارات ومجلة وتقارير المستهلك اديتها اعلى تقييم على الاطلاق لموديل 530
The E39 has been widely praised in all aspects, and it perennially earned a place on Car and Driver's 10Best list.[10] The E39 BMW 5-series was considered the benchmark of its class[11] and Consumer Reports gave the 2001 530i its highest car rating ever

فديه عربيه اسطورة ومن احسن اجيال الفئه الخامسة ومن احسن العربيات اللى عملتها بى ام عموماً

موضوع قطع الغيار زى ما قولت مش متوفرة ومنتشرة للموديل ده جداً ومتنساش ان فيه موديليل دلوقتى بعدها
وبالنسبة للمشاكل والاعطال والصيانات انا بقول للناس دايما لازم تظبط ميكانيكى متخصص فى عربيتك قبل ما تجيب العربيه نفسها كمان
لو مظبط مع المكانيكي وعارف تجيب قطع غيارك منين الدنيا هتبقى سهله واوفر بكتير وهتبقى اديك فى العربيه وعارف فيها ايه ومجدول صياناتها

وده ينطبق على كل العربيات وبالاخص الاوروبى طبعاً لان قطع غياره مش رخيصة

لكن بالمقارنة بعربيتك الحالية طبعاً قطع الغيار هتبقى نار لان اللى معاك قطع غيارها منتشرة جداً ولا ال 128 فاى عربيه حديثة هتجيبها قطع غيارها هتبقى اغلى

بالنسبة للمرسيدس انت مش غريب عنها عربيه عملية وعالية اكتر من البى ام بس من حيث التصميم والابداع دائما بى ام سابقاها بخطوة على الاقل
فديه راجعة لاولوياتك فى المقارنة بين الاتنين البى ام ممتعة اكتر بس هتخنقك فى وطيها وقربها للارض مع المطبات وشوارعنا الجميلة لكن كثبات اسطورة بمعنى الكلمة
المرسيدس طبعاً قطع غيارها اغلى من اللى معاك بس مش ارخص من البى ام ولا حاجة طالما بنقارن باسعار بره التوكيل للاتنين

الاوكتافيا الخيار الاقتصادى العملى للى عايز وسيلة مواصلات محترمة بعيداً عن الكورى غير كده ميزتها انها واسعة صالون والشنطة بحر مقارنة بالبى امات كلها وكماليات ظريفة وانتشار حلو خلها ماسكة سعر فى الاوروبى زى الكورولا فى اليابانى والهيونداى فى الكورى

الخلاصة
المرسيدس c180 بالنسبالك التطور الطبيعى لركوبتك الحالية
السكودا انتقال امن من عربيتك لعربيه احدث ليس الا
البى ام e39 تجربة مختلفة وركوبة مميزة وممتعة بجد

ومتنساش فى المستعمل عموماً الحالة اهم شرط
وبفكرك تانى لازم تظبط الميكانيكى الاول علشان تكشف على العربيه قبل ما تشترى وتتابع الصيانات بعد ما تشترى

واى سؤال تانى انا معاك فى التوبيك وتحت امرك
__________________



اخر موضوعاتى
قريباً تقرير وتجربة اداء دايهاتسو تريوس * تويوتا راش

رد مع اقتباس
  #3  
قديم 22-08-2012, 11:15 PM
الصورة الرمزية titos
titos titos غير متواجد حالياً
التخصص العملى: Build Refrigeration Storge Systems at Assarprofessional
هواياتي: any thing about (cars-computer-tech )
 
تاريخ التسجيل: May 2010
الموقع: damnhour
المشاركات: 78
titos is a jewel in the roughtitos is a jewel in the roughtitos is a jewel in the roughtitos is a jewel in the rough
افتراضي رد: bmw 318 i e46 vs bmw 520i vs mercedes benz c180 w203 vs octavia a5

حبيب قلبى يا ابو نورا
انا طبعا مش بقارن بقطع غيار ال 123 طب مانا عندى البولو حجتها اغلى منها و عربيه صغيره و بحبها جدا و لسه صارف عليها بتاع 15000 جنوط و كاوتش و عفشه و فرش و اكصدامات و ليله
افهم من كلامك انك مستبعد ال e46 و مرشح ال e39 والله كانت قدامى كذا واحده نظبفه جدا طب
هى صحيح الضريبه 5000 فى السنه و انها غول بنزين يعنى بتعمل كام فى الصفيحه جوه و بره البلد مثلا دى 2300 مش اى كلام و بالنسبه لموضوع الميكانيكى فى اسكندريه كذا حد مشهور فى البى ام و الناس بتشكر فيهم جدا

اما ال c180 فعندى الطقم اللى بيتشتغل فيها كله من زمان معايا بس ليه مش عارف حاسس ان البى ام اشد منها و كان من زمان نفسى اركبها جدا بس المرسيدس بياعه بمنطق السوق المصرى

الاوكتافيا بقى لو جبتها حكون مضطر انا سوقتها قبل كده ال 123 بتجمع احسن منها بمراحل و مش جرايه خالص حتى الوالد عندى معجبتوش هى مش اكتر من انها موديل عالى و حبه اوبشن مش اكتر على ان فبها حجات اغلى من البى ام فى قطع الغيار و احمد هريسه ميكانيكى الفولكس عندى قالى لو عايزها هاتها مانيوال عشان وجع دماغ الفتيس وتكلفه تصليحه العاليه

لو فى حاجه غير احسن غير اللى انا مختاره ممكن ندخلها فى المقارنه و نشوف كمان فى كلام عمال بتقال عن رفع الدعم عن البنزين و لو حصل المواتيير الكبيره حتنضرب فى الارض و حيخلوا الضريبه بتاعتها عاليه و ربنا يستر بس يعنى ازاى عربيه المفروض انها عائليه تكون 1600 او 1800 و اتوماتيك و تكييف دى تبقى بطه بلدى هههههههههه
__________________

When i burn shifts to get my top speed,on this second,i dont care about any thing,iam a free as a bird
رد مع اقتباس
  #4  
قديم 22-08-2012, 11:26 PM
الصورة الرمزية titos
titos titos غير متواجد حالياً
التخصص العملى: Build Refrigeration Storge Systems at Assarprofessional
هواياتي: any thing about (cars-computer-tech )
 
تاريخ التسجيل: May 2010
الموقع: damnhour
المشاركات: 78
titos is a jewel in the roughtitos is a jewel in the roughtitos is a jewel in the roughtitos is a jewel in the rough
افتراضي رد: bmw 318 i e46 vs bmw 520i vs mercedes benz c180 w203 vs octavia a5

كمان عايز اسال هو لو e39 520 بموتور 2000 حيكون ضعيف على الشاسيه ده ولا تمام و الفتيس الاسيتيب ترونيك بتاعها فيه مشاكل ولا شغال
__________________

When i burn shifts to get my top speed,on this second,i dont care about any thing,iam a free as a bird
رد مع اقتباس
  #5  
قديم 23-08-2012, 01:55 AM
tham1010 tham1010 غير متواجد حالياً
من انا؟: شاب
هواياتي: الكمبيوتر والعربيات
 
تاريخ التسجيل: Jun 2010
الموقع: الدلتا
المشاركات: 1,814
tham1010 has a reputation beyond reputetham1010 has a reputation beyond reputetham1010 has a reputation beyond reputetham1010 has a reputation beyond reputetham1010 has a reputation beyond reputetham1010 has a reputation beyond reputetham1010 has a reputation beyond reputetham1010 has a reputation beyond reputetham1010 has a reputation beyond reputetham1010 has a reputation beyond reputetham1010 has a reputation beyond repute
افتراضي رد: bmw 318 i e46 vs bmw 520i vs mercedes benz c180 w203 vs octavia a5

الحقيقة المرسيدس أحسن واكثر شعبية والاحسن مرسيدس c180 لانها ارخص انواع المرسيدس اللى أى حاد نفسة فى مرسيدس بيفكر فيها وتكون على قد ايدة...وخلى بالك ان العربيات دى المانى يعنى مفروض تكون معمرة وأكيد الصيانة برة التوكيل وشراء قطع غيار مقلدة فى بعض الحاجات الغير اساسية مش هيضر ولكن هيوفر....
رد مع اقتباس
إضافة رد

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 07:18 PM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017