أيهما أفضل البيض الألمانى ولا البلغارى

[LADA2107]

أنها ردة نزلت التوفيقية عشان أشترى بيض لعفشة اللادا ولاقيت الأتى :

بيض ألمانى 210 .
بيض بلغارى ب 200 .
بيض تركى 165.
بيض روسى 165.
بيض أيطالى 185.
بيض يوغلافى 145.
دى أسعار المحلات ألى مكتوب عليها قطع غيار لادا .

فى محل الكيلانى البيض ألمانى فقط ب 245 جنية فقط أسمة مانى .
فى توكيل ريجاتا وفيات لاقيت البيض الأيطالى ومدح فيه جدا جدا ب 185 .
فى محلات أخرى وزباينها كتيير جدا لاقيت :-
البيض الروسى 120.
البيض البلغارى 185 .
البيض الأوربى ب 145.

المصبة أن كل واحد بيمدح فى الخامات ألى عندة وبيشكك فى الماركات التانية يعنى زى أن الألمانى مش أصلى ؟ والبلغارى مش أصلى وهكذا .

أيه رأى حضراتكم لأ ن عندى اللبيض عايز يتغير والعربية لاقيت فيها حاجة أنى من بعد ما أخدتها من عند الميكانيكى بعد اللعمرة بتحدف شمال والدريكسيون بتقل ناحية اليمين .
لولا قيت العلاية اليمن مقطوعه ؟
أيه رأيكم فى كل الكلام دة وهل فرق الأسعار يستاهل لأن الصنايعى عايز يجيب روسى أستيراد وأنا رافض المستعمل فى العفشة .

[abokoko]

لو البيض المانى فعلا ( مايلي وتقريبا العلبة زرقا )
يبقي الالمانى افضل - ومن بعده البلغارى او البولندى
وعلى فكرة فى نوع كورى كمان بس معرفش عنه حاجة وناس بتشكر فى التركى وناس تقول خليك فى الاصلي الروسي

عموما انا افضل الالمانى او البلغارى وهما بيكونوا من غير مشاحم
وده بيخلى العمر الافتراضي لهم اقل - لكن - كفاءة وخفة دركسيون افضل

[LADA2107]

المشاركة الأصلية كتبت بواسطة abokoko لو البيض المانى فعلا ( مايلي وتقريبا العلبة زرقا ) يبقي الالمانى افضل - ومن بعده البلغارى او البولندى وعلى فكرة فى نوع كورى كمان بس معرفش عنه حاجة وناس بتشكر فى التركى وناس تقول خليك فى الاصلي الروسي عموما انا افضل الالمانى او البلغارى وهما بيكونوا من غير مشاحم وده بيخلى العمر الافتراضي لهم اقل - لكن - كفاءة وخفة دركسيون افضل

تسلم أخى الكريم وجزاك الله كل خير
تقصد حضرتك أيه بجزئسة عمرة قصير يعنى مش هايكمل معايا

[abokoko]

حسب الاستعمال متوسط سنتين ممكن يبقي الضعف او النصف حسب الاستعمال والطرق اللى بتمشي عليها
لكن اللى بمشاحم -- بيعيش اطول شويه علشان الشحم المتجدد بيحافظ عليها وبيقلل الاحتكاك
وفى النهاية هتلاقى الحسبة واحد
عمر اطول لكن فى مصارف التشحيم كل كام شهر
عمر اقل لكن مفيش مصاريف تشحيم للبيض
يبقي اشترى دماغى واجيب اللى من غير تشحيم بس نوع كويس

[LADA2107]

المشاركة الأصلية كتبت بواسطة abokoko حسب الاستعمال متوسط سنتين ممكن يبقي الضعف او النصف حسب الاستعمال والطرق اللى بتمشي عليها لكن اللى بمشاحم -- بيعيش اطول شويه علشان الشحم المتجدد بيحافظ عليها وبيقلل الاحتكاك وفى النهاية هتلاقى الحسبة واحد عمر اطول لكن فى مصارف التشحيم كل كام شهر عمر اقل لكن مفيش مصاريف تشحيم للبيض يبقي اشترى دماغى واجيب اللى من غير تشحيم بس نوع كويس

سامحنى على أسئلتى يعنى حضرتك شايف الألمانى ولا البلغارى ولا الأيطالى ولا التركى أعزك الله