خبطته ومتضايق ومش عارف اعمل ايه ..

[eaglenest]

السلام عليكم ورحمة الله .. كل سنة وانتم طيبين .. بمناسبة العيد بقا الدنيا زحمة موووت عند المطاعم والكافتيريات وحاجة خانقة مش عارف ايه ده المهم ماشي في طريق مستقيم وعاوز ادخل شمال شارع عمودي والاقي اتنين ركنين على الجنبين مع ان الشارع بيعدي عربية بالعافية وواحدة راكنة المهم العربيتين راكنين على اول الشارع وجزء منهم ممكن يكون برة الشارع شوية حاجة قرف واطلع واحاول ادخل مش عارف واللي ورايا كلاكسات وقرف مفيش صبر واول ما بدأت ادي بنزين وداخل الشارع سمعت صوت تك تك اكصدام الخلفي للعربية على الشمال كرولا رجعت ودخلت تاني الشارع وظبطت ونزلت بصيت لقيت الاكصدامة خارج برة سنة يعني على شكل قوس كده بصيت على ششكل العربية عموما لقيت فيه كذا خبطة فمش عارف دي مني وله من ايه واستنيت وبصيت شمال ويمين يمكن اشوف صاحبها ملقتش حد رحت ماشي وقولت في نفسي ايه يعني هوه راكن غلط وياما اتخبطت وانا راكن ومقولتش حاجة

[sherifabden]

حسبي الله ونعم الوكيل
عموما هيا جت سليمة وربنا يعدل الاحوال باذن الله
وتقبل تحياتي

[mhamdy75]

عادى جداً

يا باشا

خليها علينا المرة دى

وكبر مخك

[Abdullah.has]

المشاركة الأصلية كتبت بواسطة eaglenest السلام عليكم ورحمة الله .. كل سنة وانتم طيبين .. بمناسبة العيد بقا الدنيا زحمة موووت عند المطاعم والكافتيريات وحاجة خانقة مش عارف ايه ده المهم ماشي في طريق مستقيم وعاوز ادخل شمال شارع عمودي والاقي اتنين ركنين على الجنبين مع ان الشارع بيعدي عربية بالعافية وواحدة راكنة المهم العربيتين راكنين على اول الشارع وجزء منهم ممكن يكون برة الشارع شوية حاجة قرف واطلع واحاول ادخل مش عارف واللي ورايا كلاكسات وقرف مفيش صبر واول ما بدأت ادي بنزين وداخل الشارع سمعت صوت تك تك اكصدام الخلفي للعربية على الشمال كرولا رجعت ودخلت تاني الشارع وظبطت ونزلت بصيت لقيت الاكصدامة خارج برة سنة يعني على شكل قوس كده بصيت على ششكل العربية عموما لقيت فيه كذا خبطة فمش عارف دي مني وله من ايه واستنيت وبصيت شمال ويمين يمكن اشوف صاحبها ملقتش حد رحت ماشي وقولت في نفسي ايه يعني هوه راكن غلط وياما اتخبطت وانا راكن ومقولتش حاجة

أنا معايا ورقة وقلم في العربية لما حاجة زي كده لا قدر الله بتحصل وما ألاقيش صاحبها باكتب له رسالة اعتذار ورقم موبايلي وأطلب منه يتصل بيا عشان أتحمل تكاليف الإصلاحات مع إنها عادة بتكون حاجات بسيطة لكن برضه ده حقه وهيجي يوم القيامة يطلبه
وأنا لما بنزل ألاقي عربيتي مخبوطة بتضايق من اللي عملها

وطبعا الناس اللي بتركن في أي حتة بالشكل ده تتحمل مسؤولية تعرض سياراتها للخبطات وأيضا ذنب تضييق الطريق على الناس

وربنا يسترها معانا جميعا

[eaglenest]

انا فكرت اسيبله ورقة بس خفت بصراحة يستهبل ويلبسني بقيت اللي في العربية خصوصا اني مش عارف فعلا عربيتي عملتله ايه بالظبط