اخوكم بيفكر فى الكابريس تنصحونى بايه ؟؟؟؟ محتاج مسعدتكم

[sayed2077]

السلام عليكم ورحمة الله وبركاته

اولا طبعا وقبل كل شىء كل سنه وكلكم طيبين
وعيد سعيد على الجميع
وكل اللى ناسى بفكره انى مكبرتش على العديه انا كبير فى كل حاجه الا العديه هههههههههههههه محدش يطنش ههههههههه


دلوقت بقى اخوكم كلكم عارفين انه كان معاه 128 يعنى كنبة بكل المقايس وكانت اعطالها كتير زى ما كلنا عارفين ومغلبانى وتعبانى غير بقى مشاكل الصاج وكدا وطبعا فكرت انى اجيب جديد بس اتصل بيا اخويا الكبير استاذ محمد حمدى الله يمسيه بالخير وقلتله انى بفكر فى اللانوس جديده قسط فقالى لا اصبر شوية وظبط امورك وهات اى حاجه تمشيك دلوقت وفعلا كلامه صح فانا بصراحه اتشاورت مع الحج قالى بص شوف على العموم اى حاجه تمشيك اربع شهور وعلى اول السنه ان شاء الله يكون ربنا ييسر الامور ونشوف اللانوس الزيرو فدلوقت قدامى كابريس كلاسيك يعنى الفخامه الامريكانى وكامله كل حاجه اتوماتيك و باور وتكيف وازاز كهربا وكله زى الفل فيه بس شوية دهانات خارجيه هى بس اللى عاوزه تتظبط وطبعا انا مش هعيشها معايا ديه كلها 4 شهور وخلاص المهم انا زى ما قولتلكم كان معايا الكنبه قصدى ال 128 بصراحه بينى وبينكم بعد ما شوفت الكابريس اتهبلت فخامه فوق الوصف بمعنى الكلمه وقوة ماتور رهيبه فوق الخيال 5700 سى سى 8 سلندر

فانا طبعا معرفش اى حاجه فى الكابريس

انا اهم حاجه عندى الاعطال تكون قليله واروح اى مشوار وانا مطمن فهل الكابريس هتؤدى الغرض ولا لا فى خلال الاربعة شهور دول ؟؟؟ وبالنسبه لقطع الغيار ايه اخبارها والناس اللى بتعرف تشتغل فيها بيشتغلوا سهل فيها ولا لا فيارايت تجاوبونى وتقولولى اعمل ايه فى الكابريس الجامده جدى ديه
مع العلم ان صاحبها معاه نظام غاز كامل الاسطوانه والجهاز وكدا وبيقولى هيدهولى فوق البيعه وسعر العربيه 20 الف بداية كلام يعنى لسه فى اقل من كدا فى الكلام يعنى مثلا 1000 او 2000

بس فعلا يا جماعه زى ما بقولكم العربيه فخمه جداااااااااا
بجد ال 128 ديه لامؤاخذه يعنى كنبه بمعنى الكلمه وفعلا ندمت انى اشتريت ال 128 بعد ما شوفت الكابريس

مستنى بقى تقولولى اعمل ايه

اخوكم فى الله سيد

اه محدش ينسى العديه لو سمحتم

[محمد فيصل]

سيارة قطع غيارها صعبه جداً فى تواجدها
تعتمد فى كثير من الاحوال على التوفيق والتعديل
نصيحة اصبر حتى اول العام بدون سيارة مثل هذة افضل بكل المقاييس

[sehsss]

بلاش الكابريس.. هاتتعبك

[azooz]

انا معي كابريس صراحة سياره حلووه مرره وقطع الغيار موغاليه مرره
بس نصيحة اذا تبي جديد لا تاخذ اقل من 2007 لان 2000 إلى 2005 كله اعطال وخاصة الحراره
واذا حابب تسال اكثر انا بالخدمة

[sayed2077]

الف شكر لكم اخوانى محمد فيصل واستاذ شيز على ردودكم وبارك الله فيكم

و عزوز انا اشكرك حقيقة على ردك على بس احنا فى مصر اخر موديلات الكابريس عندنا اوائل الثمانينات بعد كدا بيبقى نادرا

وانا الكابرس اللى بتكلم عليها موديل 79

وللاسف بيبقى مالهاش سوق فى مصر او بمعنى اخر الناس مش بتحبها فى مصر لانها بتستهلك بنزين كتييير جدا كمان قطع غيارها قليلة جدا لعدم انتشار السيارة واشكرك مره اخره على ردك