عزل أرضيه الانوس

[fesal.almasry]

انا عملت عزل لارضيه الانوس بالكامل بعازل صوت وحراره
وحقنت فوم في العتب
والمرحله الي جايه هعزل السقف وهعزل الابواب ان شاء الله
العربيه كان لما بمشي بيها بحس بصهد ناحيه رجليه ولما باجي احط ايدي في الحته بتاعت الفتيس الي جمب رجل السواقبلاقيها صهد وبتلسع ايدي والعمود بتاع الفتيس سخنين جدا
بعد معملت العزل من تحت مبقاش في سخونه وبصراحه بتفضل الارضيه ساقعه فتره طويله حتي بعد مقفل التكييف لكن من فوق بتبقا سخنه طبعا لاني لسه معزلتش السقف ولا الابواب

يارب تستفيدوا وتتشجعوا وتروحوا تعملو الموضوع دا عشان نحسن من اداء العربيهونتبسط بيها
الموضوع كلفني 175ج والي كان الغالي ازايز الفوم 750 ملي ب 30ج رشيت علبتين في عتب الباب
هحتحتاج مفك بلدي مشرشر 12 عشان فك الفرش جيب نوع محترم
اوعي تيجي جمب مسامير حزام الامان وانتا بتفك الفرش
خلي بالك من الاسلاك
انا فكيت مكان عصايه الفتيس وحطيت عزل تحتيها وخرمتها وركبتها فوقيها تاني
ختحتاج بيبه 12 عشان فك الكنبه ودهر الكنبه الخلفيين
خلي بالك من فيشه حزام الامان وانتا بتفك وبعد متخلص تركبها وتجربها
مترشش في القوايم من فوق ابدا رش من تحت بس
خلي بالك وانتا بتفك فبر العتب والكلبسات بتاعته
جيب غرا محترم بعد متحطه علي العازل تسيبه لمده نص دقيقه او دقيقه وبعدين تبتدي تلزق عشان يلزق اسرع ودي اتعلمتها بعد نص العربيه
حاول تخلي حد من اصحابك يساعدك لاني عملتها لوحدي وتعبت بصراحه

قريبا هعمل بقيت الحاجه واقولكم تجربتي يريت تدعولي بأتمام زواجي قريبا

ودي شويه صور

[fesal.almasry]

للاسف في بقيت صور وقعت مني ومش لاقيها للنتيجه النهائيه
بس الفكره اني لزقت حته حته ولزقت عازل الحراره علي عازل الصوت فبقوا الاتنين حاجه واحده يفضل انك متعملش كدا لانها هتبقا متعبه جدا
بالنسبه لعزل السقف هتبقا لاطريقه انك تفك مكان نور الصالون وتفك اللمبه هتلاقي زي مربع مبين الصاح هتجيب خرطوم طويل وتركبه علي ازازه الفوم يكون طوله متر او اكتروتبتدي تدخل الخرطوم ناحيه القوايم الاربعه وتحقن الفوم وتستني لغايت لما ينشف وبعدين تقفل اللمبه

[sherifabden]

شكرا على نقل التجربة وباذن الله عملية عزل السقف تتعمل ... الف مبرووك ..

[biomedo]

شغل ممتاز
بسم الله ما شاء الله

في سؤالين؟

1- الفوم انت رشيته في بالضبط
ازاي في العتب
مش العتب دي الصاجه اللي تحت البابين و لا مقصود بيها حاجه تانيه

2- هوا انت لوقت العزلين في بعض و لزقتهم الاتنين في ارضيه العربيه
هوا مش المفروض في فتحات تصريف مياه في قعر العربيه
اكيد بعدت عنهم

[محمدصلاح القاضى]

بسم الله ما شاء الله
الشغل جميل جداااا وممتاز

بس اللى انا مستغربه اووووووى
ان عربيه جديده زى دى مفيش فيها عزل كويس جدااااا

انا بقى النهارده كنت بغسل وبلمع العتب الفبر بتاع الابواب ورفعت الموكيت ولقيت اللى مكونتش متوقعه
طبقه من العازل الحرارى بسمك 5 سم ونوعه فاخر جداااا جداااااا والحمد لله مفيش فيه اى قطع او حتى تاكل وومع العلم ان عربيتى موديل 79 ونوعها فيات 132 سبحان العاطى الوهاب