يا جماعة أنا بقيت من ملاك البى واى دىF3 A/T FO

[WALEED MOH.]

الحمد لله ربنا اكرمنى وبعت عربيتى أللى عمرى مكنت ممكن افكلر أنى هبعها فى أى وقت وكانت كيا سيفيا مو 1999 الحمد لله. موضوعى بقى أنى بقيت من ملاك البى واى دى F3 A/T FO . أنا أشترها امبارح 14/8/2012 من سمير ريان وفرزت العربيه حنتوفه حنتوفه وده والحمد لله والفضل لأعضاء المنتدى أللى أستفدت من كتييييييييييييييييير. بس أنا من شايف أن العربيه فيها حاجات اعتقد أنها بسيطه على فكره أنا لسه مرخصتش العربيه بالله عليكوا أللى عنده فكره عن تكلفة الترخيص يلحأنى علشان أنا أن شاء الله رايح أرخص العربيه بكره 3 سنين أللى يعرف التكلفه يقؤلى. طبعآ مميزات العربيه كتيييييير جنب سعرها انا أشتريت ب 83000 من سمير ريان. أنا رايح أستلم العربيه أخدت عربيه واحد صاحبى تويوتا كورولا 2007 أوتوماتيك علشان لما أنزل من التويوتا وأحط رجلى فى البى واى دى أحس بالفرق بصراحه مفيش برضه فرق كبير ألا أن البى واى دى فيها الأتى. 1- كراسى الصالون ناشفه محجره. 2-الفتيس انا كنت راكب أوتوماتيك قبل كده كنت بدى الغيار على الدى بتمشى لوحدها أما فى البى واى دى لازم تدوس بنزين ولو شلت رجلك من على البنزيين تحس أن العربيه بتقل نسبه السرعه بتاعتها بطريقه سريه مش عارف ده علشان العربيه تقيله ولا أيه بالظبط المهم أن الفتيس بتاعها مش زى الكورى مثلا محستشى أن ناعم بس أداؤه مش بطال. 3- فووووووووووووووووووووانيس الشبوره الأماميه ينفع كده برضه مش شغاليين وكمان مفهومش دويان للمبات فى المستقبل مثلآ. 4- فتحة السقف عندى أحساس بل متأكد أنها أسواء فتحة سقف أتعملت و اتقفلت فى الحياه سيئه جدآ جدآ جدآ و أكيد هتدخل ماية فى الغسيل. وتنقابل بليل بقى علشان نكمل.

[ORGANIC_MAGIC]

ربنا يرزقك خيرها ويكفيك شرها -- والف الف مبرووك

[moustafa.peace]

الحمدالله وربنا يكرمك ويكفيك شر طريقك وعقبال ما تجيب مرسيدس ان شاء الله

[hanyshokry2000]

مبروك يا عم وليد ربنا يكفيك شرها
بص يا كبير لو هترخص سنه واحده اعمل حسابك فى بتاع 800 جنيه
لو اكتر من سنه هتضيف فرق الضريبه لكل سنه وبصراحه انا مش عارف كام بالظبط
بالنسبه لفتحة السقف متخافش مش هتنزل عليك ميه وبالنسبه لان العربيه بطيئه على ال D أظن ان ده طبيعى لانه موجود عندى برضو - انا عامل صيانة ال 15000 من كام يوم وبفضل الله مشتكتش من حاجه فى العربيه غير طبعا ان الشنطه لازم ترزعها علشان تتقفل ودى هتتزبط فى صيانة الالف - مبروك العربيه الجديده ولو عاوز اى استفسار انا تحت امرك
ملحوظه : خللى بالك وانت بتغسل العربيه فى البنزينه لان ضغط الميه من المسدس ممكن يشيل دهان الاكصدامات ( دهان الاكصدامات ردىء جدا )

[YahiaAshraf]

الف الف مبروك يا باشا و ربنا يحفظهالك يارب