ما هو تقييم لادا بين السيارات من وجهة نظرك......

[zing0]

السلام عليكم
أنا طبعاً زيكم, من المكافحين مع سيارة الشعب المدرعه - لادا - و رغم إنى سألت نفسى السؤال ده مليووووون مره قبل الشراء, و لازلت بسأله, برضه مش لاقى إجابه, قلت أشوف رأيكم فيه إيه؟؟؟؟؟

طبعاً كلنا بنعانى من بهدلة المواصلات و بالتالى لابد من قرار شراء سيارة خاصه إللى معاه أسرة, و مع الإمكانيات الماديه المستورة و الحمد لله مش هتلاقى غير عربيه زى اللادا (أو إخواتها 128 - 132- .....). بس مشاكل اللادا تقريباً لا تنتهى, يعنى يمكن من أكتر الأقسام اللى مليانه شكاوى فى المنتدى هو قسم اللادا, و الواحد كل ما يحل مشكله يطلعله غيرها. هل كل العربيات كده ؟؟؟؟؟؟؟؟؟ أنا قصدى كل اللى فى نفس الفئة السعريه دى بتبهدل أصحابها كده ؟ - أنا إمبارح بسأل نفسى سؤال: هو الناس اللى عندها عربيتين و تلاته دول بيتعاملوا مع المشاكل دى إزاى؟

فى ناس بتقول - طنش و سيبك أدام ماشيه - بس إنا مبعرفش أطنش و ده معذبنى و مبهدلنى و مخلينى و كل اللى حواليا بيقولولى العربيات مش حاجه حلوه.

السؤال للمناقشه : هل كل العربيات فيها مشاكل كده ؟؟؟؟؟؟؟

[sebawaih]

سيارة سيئه جدا للأسف ولا أنصح بها اطلاقا
هيا للأمانه صاج ناشف وعاليه عن الارض وعفشه جيدة وواسعه
لكنها غير اعتماديه اطلالالالالالالاقاااااااا ااا
ممكن تعطل فى اى حته واى وقت
واعطالها كتييييير جدا ما بين ابلاتين لكوندنسر لبوجيهات لاسبراتير وسخونيه وعدم ثبات وثقل غير طبيعى فى الطاره و و و و كل شوية هيحصل فيها مشكلة
انا كانت معايا لمدة سنه 2105 مو95 اتصاحبت على صنايعيه الدنيا والاخرة وفى الاخر خلصت منها وشغال مواصلات لحد ما ربنا يكرم بأكسنت او لانوس ولا حتى ماروتى مش هعترض

لا انصح بها اطلاقا
ممكن ماروتى او سويفت او برايد او اى حاجه ما عدا العربيه الغبيه دى

[عبدة البروف]

المشاركة الأصلية كتبت بواسطة sebawaih سيارة سيئه جدا للأسف ولا أنصح بها اطلاقا هيا للأمانه صاج ناشف وعاليه عن الارض وعفشه جيدة وواسعه لكنها غير اعتماديه اطلالالالالالالاقاااااااا ااا ممكن تعطل فى اى حته واى وقت واعطالها كتييييير جدا ما بين ابلاتين لكوندنسر لبوجيهات لاسبراتير وسخونيه وعدم ثبات وثقل غير طبيعى فى الطاره و و و و كل شوية هيحصل فيها مشكلة انا كانت معايا لمدة سنه 2105 مو95 اتصاحبت على صنايعيه الدنيا والاخرة وفى الاخر خلصت منها وشغال مواصلات لحد ما ربنا يكرم بأكسنت او لانوس ولا حتى ماروتى مش هعترض لا انصح بها اطلاقا ممكن ماروتى او سويفت او برايد او اى حاجه ما عدا العربيه الغبيه دى

خير ياعم انت راكب عربيه ولا كارو انا معايا نفس الموديل والحمد لله والشكر لله زى الفل

[AbOnOrA]

مش معنى ان القسم مليان مشاكل ان كل المشاكل ديه هتحصل لشخص واحد ومرة واحدة
وطبيعى طبعاً ان اى عربيه بعد فترة بتحتاج لصيانات وقطع غيار
وده بيتوقف على طبيعة استخدامك وعلى عنايتك بالعربية
فممكن واحد يبقى معاه مرسيدس ومبهدلها ومش بيصينها صح فتفتح بقها وتعمل مشاكل ورا بعض لحد ما تسود عيشه صاحبها
وممكن عربيه لادا ينطبق عليها نفس الكلام وممكن العكس
فاستخدامك وصيانتك للعربيه هى العامل الاهم

غير كده فيه عربيات الاعتماديه فيها عالية طبعاً او مبتحتجش صيانات كتير واشهرهم الكرولا او اليابانى عموماً

[sherifabden]

بص يا باشا .. اللادا صاج ناشف (ودا مخليها واخدة 1 من 5 في اختبار التصادم) وعالية عن الارض (مخليها غير ثابتة على السرعات العالية) وقطع غيارها ببلاش واي صنايعي يقدر يشتغلك فيها ... غير كده هيا زباللللللة شكلها معفن وعفشتها .. كله كوم وعفشتها دي كوم تاني .. متعرفش اذا كانت عفشة ناعمة ولا ناشفة ولا فيه عفشة اصلا ولا ايه ... دا غير انها ضيقة جدا من جوه لدرجة ان رجلك متعرفش تخطي عتبة العربية .. دا غير طبعا ان صوت المحرك مزعج جدا وخشن ودركسيونها حجر عايزله جرار علشان يتحرك وعزلها زفت ... يعني انا رايي انك تفكر في حاجة تانية غير الملعونة اللي اسمها لادا دي ..