طلب تسعير ضروووري جدااا جدااا

[ahmed el gendy]

فيه واحد زميلي بيبيع عربيه شيفروليه لانوس 2012 كامله العربيه ماشيه 3 الاف كيلو يعني ما مشيتش خااالص العربيه طبعا فبريكه دواخل وخوارج بس فيها كزا حكه خفيفه ف الاكصدامات و باب يعني حكات خفيفه تروح بالتلميع ان شاء الله وفيها جهاز انزار متركب ف التوكيل العربيه دي تعمل كام لان فيه تجار بيقولوا 56 الف واعلي حاجه سمعناها 58 مع ان هو شريها من شهر 1 ب 72 فعشان عربيه كسر زيرو تخسر 14 الف ف 8 شهور يبقي اللي معاه موديل 99 منها يبيعها بجوز جنيهات يا ريت يا رجاله سعرها الحقيقي عشان هو مش خبره ف العربيات ولجأ لي ف بيعها وانا مش عاوز اخسره بصراحه

[handtools123]

متبعش للتجار أيخسفلك سعرها الأرض حتى لو كانت لسا جديده أعملها أعلان على النت وقلل من تمنها 3000 جنيه
وخلى 2000 جنيه مهاوده مع اللى أيشترى عشان أكيد أيفاصل

[adamlion]

اعمل لها اعلان على موقع كونتاكت كارز وان شاء الله هتباع
وبلاش التجار ورايى الشخصى السعر المناسب لها 64000 الف جنيه
تحيات ادم

[YahiaAshraf]

بص يا باشا العربيه سعرها من 65 الى 66 الف جنيه مصرى
تحياتى

[ahmed el gendy]

المشاركة الأصلية كتبت بواسطة yahiaashraf بص يا باشا العربيه سعرها من 65 الى 66 الف جنيه مصرى تحياتى

المشاركة الأصلية كتبت بواسطة adamlion اعمل لها اعلان على موقع كونتاكت كارز وان شاء الله هتباع وبلاش التجار ورايى الشخصى السعر المناسب لها 64000 الف جنيه تحيات ادم

الف شكر يا رجاله وانا فعلا استغربت قوووي من الكلام اللي التجار بيقولوه ده ربنا ياخدهم