مرسى يحل مشكلة انقطاع الكهرباء بالاسكندرية ودمياط

[kimo10]

طبعا محدش شاف الكلام ده فى اعلام ثنية شخلع ؟؟؟؟ طبعا لا بحكم انه اعلام ثنية شخلع لا يعلن الا عن الشخلعة والعربدة لكن خبر زى ده مالهومش فيه تيجى تتكلم يقولك مين مرسى ده ؟؟؟ تيجى تنطق بأنجاز يقولك ما المقلوب ابو علاء كان عامل اتفاقية على كده اصلا
بدت بشاير الخير تهل تشغيل مجطتي كهرباءبالاسكندرية ودمياط بالغاز الطبيعي اللي كان مبارك وطنطاوي وشلتهم بيصدروه لاسرائيل
================
المتحدث بإسم وزارة الكهرباء :

كما وعد الدكتور محمد مرسي رئيس الجمهورية تم تشغيل محطة توليد كهرباء بالاسكندرية و نهاية الاسبوع الحالي تشغيل محطة توليد الكهرباء بدمياط .. المحطتان تضيف 1800 ميجا وات المتسببه في انقطاع الكهرباء وبالتالي يتم التخلص من مشكلة الإنقطاعات المتكررة للتيار

[tamer.koko]

من غير اعلام سنيه شخلع بس بالعقل مش بالتعاطف
يعني مرسي هو اللي خطط ونفذ وانشأ المحطه في ال 30 يوم اللي مسك فيهم الرئاسه
وكمان انت بتنسب قطع الغاز عن اسرائيل لمرسي ليه ممكن تشرحلي يمكن تايه عني ان الغاز اتقطع قبل ما نعرف مين هو الرئيس
وممكن تقول فين مصدر الخبر وصحته لان لو كلامك صح هتلاقي برده الاخوان مسكتوش وعمالين يزيعوها في كل مكان عشان اللي ميعرفش يعرف
انا والله بطلت ادخل ولا اتكلم اساسا في قسم الثوره بسبب اللي بينسبوا كل حاجه لمرسي سواء تخصه او لأ
والباقي ينفي اي حاجه عملها مرسي حلوه لمجرد انه مختلف معاه او مع الاخوان او من مؤيدي شفيق
واللي مش عجبه الكلام سواء مؤيد او معارض ندخل في شتايم وسب وقله ادب
ممكن اعرف ليه مش بنتقبل النقد او المعارضه
وليه مؤيدي مرسي مش بيعترفوا بأخطائه ومعارضيه بيستنولوا الغلطه ويسوقوا فيها
هصلي الفجر بقي ونكمل موضوعنا

[mhamdy75]

ثنية شخلع أشرف وأنضف

من الإعلام المصرى

[nktis]

اهم حاجه ان يبطلوا موضوع قطع التيار .,. بسم اننا محافظه نائيه .,. كل شويه يقطعوا الكهرباء بس للامانه ولوجود معسكر امن مركزي مش بيطولوا .,. كتيرهم نص ساعه ...

[نبيل عبدالرحمن]

إسكندرية كلها معرضة يومياً لإنقطاع الكهرباء وحتى فى أرقى المناطق
فيما عدا المنطقة التى أسكن فيها ، لم ينقطع فيها التيار الكهربائى ولا دقيقة واحدة
حد يقولى إشمعنى ؟
عشان المنطقة بتاعتنا بها عمارتان يقطنهما العاملين بكهرباء الإسكندرية ، فمش معقول هايقطعوا الكهرباء على نفسهم !!!!!!!!!!!!