ابيع الادا 2107 ولا اوضبها

[LADA2107]

الحمد لله الذى أنعم علينا ومن علينا بفضلة ورزقنا رزقا طيبا حلالا.
وأكرمنى بسيارتى اللادا العزيزة على قلبى والتى أستمتع بها برغم ما يقابلنى فيها من مور ومشاكل والحمد لله رب العالمين.
وأتمنى من سادتى وزملائى بهذا المنتدى المحترم الحديث معى بصوت عالى بشأن رأى البعض عن بيعى لسيارتى اللادا 2107 وشراء أفضل ولكننى لا أريد ذلك والكل يعايرنى بأنها قديمة وهاتتكلف ومحتاجة مصاريف قد كدة .
فهل أكمل شغلى فيها سمكرة وودوكو وفرش وأوضبها ولا أبيعها فعلا : shyy::s hyy::sh yy:

[AbOnOrA]

اولاً انصحك عموماً باختيار عنوان لموضوعاتك يناسب محتواها وما فيها من افكار او استفسارات ده بيسهل حاجات كتير اوى

ثانياً كقاعدة عامة العربيه سلعة شخصية الى حد كبير انت اللى راكبها وانت اللى مستفيد بمميزاتها وانت اللى هتتاثر بعيوبها فمتاخدش كلام حد فى موضع غير الاستشارة والقرار النهائى ليك انت لوحد وبناء على احتيجاتك انت لوحدك او مشاكلك انت لوحدك مع العربيه

ثالثاً كقاعدة عامة برضو متدفعش فلوس زيادة فى عربيه الا لما تكون متاكد ان فيها حاجة زيادة انت محتاجها هتعوضك الفلوس اللى انت دفعتها لكن طالما العربيه مناسبه لاحتياجاتك وميزانيتك منصحكش تغيرها

اخيراً اذا كانت العربيه محتاجة شغل وبدأت تفتح بقها احسب المصاريف اللى محتاجها قد ايه وقولنا عليها ونفكر مع بعض ايه الافضل اذا كنت تصلحها ولا تحط الفلوس فى عربيه تانية

مع تحياتى

[kimo10]

مع الاسف انا بحب الادا ولكن مشكلة البرومة فى الادا مزمنه وخصوصا عند الهويات الخلفية ومزراب مياه السقف والقوائم العلوية الامامية وبعد تقريبا سنه ونصف تظهر البرومة فى نفس الاماكن لوتبيعها وتعلى بالموديل شويا افضل من قرف الصنيعية

[mira lada]

اللى تعرفة احسن من اللى ما تعرفوش.....اصرف عليها و ظبطها احسن.

[mr_astra]

محدش بقى يشد عربية النهردة
ما بقاش فى صنيعية