العودة   مصر موتورز مجتمع السيارات > السيارات الأوروبية > لادا LADA

لادا LADA لادا الروسية LADA احدى شركات اوتوفاز AvtoVAZ الروسية بدات فى السبعينيات بتجميع سيارات فيات 124 واستمرت فى تقديمها بشكل اقتصادى لعشرات السنين تمشيا مع الفكر الشيوعى الروسى الا انها الان تسعى للمنافسة والتجديد بعد شراكتها مع مجموعة رينو - نيسان


إضافة رد
 
أدوات الموضوع
  #1  
قديم 24-07-2012, 07:57 AM
thunder2006 thunder2006 غير متواجد حالياً
التخصص العملى: مهندس كهرباء
 
تاريخ التسجيل: Dec 2011
الموقع: الاسكندرية
المشاركات: 89
thunder2006 will become famous soon enoughthunder2006 will become famous soon enough
افتراضي فكرة محتاجه ذكى :) فهل هو موجود ؟؟

السلام عليكم ورحمة الله
بعد ما اخد شوط كبير فى عمرت العربيات والمواتير وخاصى اللاده والنيفا
قررت انى اعمل عمره لموتور بنفسى ... والحمد لله اشتريت موتور نيفا محتاج عمره بسعر كويس جدا وقمت بعمرته بنفسى الحمد لله
وعملت كونتاك خارجى وكله تمام والموتور بيدور ومفيش مشكله وصوته ممتاذ جدا انعم من مواتير اللاده بصراحه ومش عارف السبب انى انا اللى عامل اللعمره ولا نصيبى كده
بس فى مشكله بسيطه وقفت معاى وطبعا الكهربائية اللى بيقابلونى ما شاء الله جهابزه عصرهم
انا مركب دينامو كتاوت داخلى ومعلوم ان السلك الاحمر بيوصل بموجب البطارية والجسم ارضى من الموتور .. بس هل اعمل اللمبه بتاعت الدينامو خارجيه ولا لازم تكون واصلة فى التابلوه ؟؟
لان فى كهربائية بتقول لازم تكون واصلة فى التابلوه .. وناس تانيه بتقول لازم كتاوت لامبه وانا بصراحه مش مقتنع .. امال ايه لازمت الكتاوت الداخلى لما انا محتاج اوصله بالتبلوه ؟؟
كل ما فى الموضوع ( والله اعلم ) انى اركب اللمبه مع حرف L واوصل طرفها الاخر بالموجب علشان اتاكد انه بيشحن ولا مش بيشحن وخلاص
ولا فى حد عنده اعتراض او اقتراح تانى ؟؟
بمعنى اخر كل توصيلاتى هاتكون :-
1- الاحمر = موجب البطارية
2- الارضى = بدن السيارة
3- لمبة الدينامو = لمبه خارجيه من المكان المكتوب عليه حرف L تمام

ولو حد عنده اقتراح او علم بشئ انا مش اخد بالى منه ياريت يفيدنا ولكم جزيل الشكر
رد مع اقتباس
  #2  
قديم 24-07-2012, 10:41 AM
broadband broadband غير متواجد حالياً
 
تاريخ التسجيل: Oct 2010
المشاركات: 129
broadband has a spectacular aura aboutbroadband has a spectacular aura aboutbroadband has a spectacular aura about
افتراضي Re: فكرة محتاجه ذكى :) فهل هو موجود ؟؟

اولا مبرووووك عليك الموتور
ثانيا هل فيه شرح او صور لعملية العمرة لان انا متأكد ان انت عملتها احسن من احسن ميكانيكى لانها عربيتك و مستخسرتش عمليات النضافة و الذى منه
فارجو عرض الموضوع بالتفصيل الممل اذا امكن

شكرااااا
رد مع اقتباس
  #3  
قديم 24-07-2012, 04:04 PM
الصورة الرمزية mhamdy75
mhamdy75 mhamdy75 غير متواجد حالياً
 
تاريخ التسجيل: Jun 2009
المشاركات: 6,399
mhamdy75 has a reputation beyond reputemhamdy75 has a reputation beyond reputemhamdy75 has a reputation beyond reputemhamdy75 has a reputation beyond reputemhamdy75 has a reputation beyond reputemhamdy75 has a reputation beyond reputemhamdy75 has a reputation beyond reputemhamdy75 has a reputation beyond reputemhamdy75 has a reputation beyond reputemhamdy75 has a reputation beyond reputemhamdy75 has a reputation beyond repute
افتراضي رد: فكرة محتاجه ذكى :) فهل هو موجود ؟؟

الله ينور عليك


__________________

مهندس / محمد حمدى

https://www.facebook.com/timoncito
انا عضو فى جروب اسبرانزا للجميع

https://www.facebook.com/groups/Speranza4all/


رد مع اقتباس
  #4  
قديم 24-07-2012, 04:12 PM
الصورة الرمزية محمدصلاح القاضى
محمدصلاح القاضى محمدصلاح القاضى غير متواجد حالياً
من انا؟: محمد صلاح محمد القاضى
التخصص العملى: بصلح عربيتى حاليا
هواياتي: كل مايتعلق بالسيارات والكمبيوتر واجهزه الصوت
 
تاريخ التسجيل: Jul 2010
الموقع: طنـ بلد الاونطه ـــطا
المشاركات: 1,707
محمدصلاح القاضى has a reputation beyond reputeمحمدصلاح القاضى has a reputation beyond reputeمحمدصلاح القاضى has a reputation beyond reputeمحمدصلاح القاضى has a reputation beyond reputeمحمدصلاح القاضى has a reputation beyond reputeمحمدصلاح القاضى has a reputation beyond reputeمحمدصلاح القاضى has a reputation beyond reputeمحمدصلاح القاضى has a reputation beyond reputeمحمدصلاح القاضى has a reputation beyond reputeمحمدصلاح القاضى has a reputation beyond reputeمحمدصلاح القاضى has a reputation beyond repute
افتراضي رد: فكرة محتاجه ذكى :) فهل هو موجود ؟؟

هى دى الدماغ المصريه
بص يا باشا احنا فى العادى بنسيب العربيه تلين براحتها
وبعدين لو الموتور كان بيلين برا العربيه بنسقطه فى الحوض بعد التليين
وبعدين نظبط الكهربا كلها مره واحده
__________________

دا لينك اولتراس فيات 132

دا لينك صفحتى على الفيس بوك


رد مع اقتباس
  #5  
قديم 24-07-2012, 05:46 PM
thunder2006 thunder2006 غير متواجد حالياً
التخصص العملى: مهندس كهرباء
 
تاريخ التسجيل: Dec 2011
الموقع: الاسكندرية
المشاركات: 89
thunder2006 will become famous soon enoughthunder2006 will become famous soon enough
افتراضي رد: Re: فكرة محتاجه ذكى :) فهل هو موجود ؟؟


المشاركة الأصلية كتبت بواسطة broadband مشاهدة المشاركة

اولا مبرووووك عليك الموتور
ثانيا هل فيه شرح او صور لعملية العمرة لان انا متأكد ان انت عملتها احسن من احسن ميكانيكى لانها عربيتك و مستخسرتش عمليات النضافة و الذى منه
فارجو عرض الموضوع بالتفصيل الممل اذا امكن

شكرااااا
الله يبارك فيك وعقبالك ان شاء الله
هو مفيش شرح بصراحه لانى مكنتش متوقع انها تنفع اصلا .. بس هو موضوع متعب شويتين بالنسبه لشخص معملش الموضوع ده قبل كده .. بس اهم شئ فى الموضوع :-
1- الخراط يكون ممتاذ مش نضيف فقط .. ومتبصش على خراط رخيص لانه هايتعبك معاه .. وعلى فكره الموضوع كله اتكلف على 1200 جنيه كل حاجه
2- تشوفلك صبى او اخ صغير او تشوفلك مكان بجوار الخراط علشان متفضلش رايح جاى بين التعلم والتركيب .. لانى فضلت واقف على يد الخراط فى كل حاجه بيعملها علشان اشوف لو مفيش منه لازمه الغيه بعد كده .. بس المعدات بتاعت الخراط هاتحتاجها غصب عنك بالاضافة لخبرتة لان كل شغل الميكانيكى عبارة عن فك وتركيب لكن الخراط عليه الشغل كله.
3- اهم شئ انك وانت بتفكك الاجزاء يكون معاك عدد من العلب الفارغه ودى ممكن تجيبها من اى بتاع دوكو مثلا علشان كل طقم مسامير تفكه تعرف مكانه هو والورد بتاعته فين وتكتب مكانهم فين علشان متنساش اى حاجه.
4- تشوف اى جركن زيت فاضى مثلا( انا جبت جركن 16 لتر شحاته من واحد بتاع زيت ) علشان تملائه بنزين لانك هاتغسل كل جزء كويس جدا وتنشفه كويس جدا ( اللى راح للخراط واللى مراحش ) لضمان نظافة كل شئ.
5- تفضى نفسك مثلا اسبوع علشان تقف على دماغ الخراط من اول ما يفتح بدل ما تستنى وتاخد دور لان الخراط اللى كنت معاه ربنا كرمه بشغل كتير بعد ما روحتله بيوم .. بس الحمد لله راجل فوق الممتاذ وجدع جدا ومش بيبخل باى معلومة وسعره مناسب جدا بالنسبه لشغله.
6- لازم تنضف كويس جدا مكان اى شئ كان راكب قبل كده ( زى الجوانات القديمة مثلا ) ولما تيجى تركب الجوانات الجديده متعملش زى الميكانيكى وتحط السيلكون من خارج المكنه للتقفيل على الجوانات . ولكن حطه على الجوان من تحت ومن فوق بنسبه معقوله بحيث ميخرجش من الجناب لما تقفل وبكده تضمن ان المكنه اتقفلت زى الشركه ( لان الميكانيكية فى مصر شبه مبيض المحاره لازم يليس المكنه علشان يعرفك انه شغال ويسيب بصمته
7- متنساش تخلى الخراط يتأكد ان طبات المياه داخل الموتور راكبه كويس جدا علشان المكنه متجبش مياه على الزيت بعد ما تقفل وتدور( غلطه شفتها من اكتر من ميكانيكى )وتنظف كل الفتحات فى الموتوربالبنزين كويس جدا وتنشفها.
8- فى شئ مهم جدا نسيته فى الاول .. تشوف واحد بتاع قطع غيار استعمال وجديد وتتصاحب عليهم علشان تعرف تاخد انضف حاجه وبسعر رخيص علشان قطع الغيار اللى هاتحتاجها.
وبصراحه الحمد لله ربنا وفقنى فى خراط وقطع غيار وناس بنت حلال جدا وكله كان بيساعد وبيدعولى الموضوع ينجح وخاصة انهم عرفين انى مليش فى الموضوع.
وعلى العموم اللى محتاج اى مساعده انا فى الخدمه ونتكلم على الخاص بس ابتدى التجربه وصدقنى مش هاتخسر بقدر ما هاتكسب
رد مع اقتباس
إضافة رد

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML متاحة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 06:40 PM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017