|
#1
21-07-2012, 06:00 PM
|
||||
|
||||
طريقة عمل البصاره
المقادير:
1/2 كيلو فول مدشوش (الأبيض ده ) حزمة خضرة ( شبت وبقدونس وكسبرة خضره ) حوالي رأس ثوم 3بصلة كبيرة ملح - فلفل - نعناع - شطه - كسبرة ناشفة الطريقة : ننقع الفول حوالي 3 ساعات في مقدار من الماءوبعد ذلك نضعة علي البوتجاز ونضع علية الخضرة وبصلة وحوالي نصف رأس من الثوم ونتركة علي البوتجاز لما يغلي وبعدين نوطي النار خالص وكل فترة نبص علية ممكن يحتاج مية ازودة شوية وأقلب علشان ما يلزقش في الحله. لغاية لما يستوي وبعدين أطفي عليه وأسيبة يهدي شوية وفي خلال الفترة دي أحضر البصلتين التانيين وأفرمهم كويس وفي شوية زيت أحمرهم ولما يتحمروا أطلعهم في طبق وأضع باقي الثوم علي الزيت ومعهم شوية كسبرة ناشفة وحمرهم هما كمان وممكن أحط معاهم كمان كسبرة خضرة لو عاوزة ولما يتحمروا بردة أتركهم علي جنب. وبعدين أحط الفول لما يبرد شوية في الخلاط وأطحنة نصف طحنة كدة وأرجعة تاني في الحلة وعلي البوتجاز تاني وأضيف له الملح والفلفل والشطة والنعناع وأحط معهم نصف البصلة والثوم اللي أنا حمرتهم وأسيبة لما يغلي لغاية التقل اللي انا عاوزة وبعدين أصبة في أطباق وأزينة بباقي البصل والتوم اللي أنا كنت محمراهم ودي الصور  ودة باذنجان مخلل كنت عامله جنبة  الف هنا وشفا 
|
|
#2
21-07-2012, 09:12 PM
|
||||
|
||||
رد: طريقة عمل البصاره
 
__________________
|
|
#3
22-07-2012, 08:38 PM
|
||||
|
||||
|
رد: طريقة عمل البصاره
يا شعبياتك يا أ/ يحي
تحفة والدتي رحمة الله عليها و على جميع أمواتنا كانت بتعشقها تسلم يا فندم من كل سوء 
|
 |
|
|
