بالصور:طريقه جديده لطاجن الباميه باللحمه الضانى

[YahiaAshraf]

نص كيلو باميه الحجم حسب الرغبه أو كيس باميه مجمده
6حبة طماطم متوسطه حمراء ناضجه
2حبه متوسطه بصل
1حبه فلفل رومى
5فصوص ثوم-ليمونه
نص كيلولحمه ضانى يفضل شرائح سميكه
توابل(ملح-فلفل أسود-بهار اللحم-كركم-كسبره-كمون-3فص حبهان)
سمن

-تخلط البهارات بالكميات المناسبه حسب الرغبه معا ثم تعصر الليمونه على شرائح اللحم بالتساوى ويرش نصف خليط البهارات على شرائح أو قطع اللحم وتدعك بهاجيدا ثم تترك حوالى نص ساعه
وده شكل اللحمه بعد مابهرناها وتبلناها كويس:

-تضرب 4حبات من الطماطم فى الخلاط مع قليل من الماءوتقطع الحبتين الباقيتين الى شرائح متوسطة السماكه
-يقطع البصل الى شرائح رقيقه نسبيا
-يدهن طاجن فرن متوسط الحجم بالسمن دهنا خفيفا ثم ترص نصف كمية شرائح البصل ثم نصف كمية شرائح الطماطم
-ترص وحدات الباميه (بعدتقميعها ان كانت طازجه أومن الكيس مباشرة ان كانت مجمده)فوق شرائح الطماطم
-يرش باقى خليط التوابل فوق رصة الباميه مع مراعاة التوزيع جيدا
-توضع ملعقه من السمن فى طاسه حتى تسخن جيدا ثم تشوح فيها قطع اللحم على الجانبين تشويحا خفيفا حتى تأخذ اللون البنى الخفيف ثم تنشل من السمن
-ترص شرائح اللحم فوق الباميه ثم ينثر فوقها وحولها الثوم بعدتقطيعه الى شرائح:


-ترص باقى شرائح البصل ثم الفلفل الرومى والطماطم فوق اللحم ثم يصب فوقها عصير الطماطم مع مراعاة توزيعه على كل سطح الطاجن
-اذا كانت الباميه طازجه يضاف كوب من الماء أوالمرقه الى الطاجن بعدعصير الطماطم
-يوضع الطاجن بعد تغطيته بغطائه أو ورق ألمونيوم على البوتجاز من أعلى حوالى 10دقائق حتى يغلى جيدا
-يوضع بعدها فى فرن درجة حرارته160مئويه لمدة ساعه ثم يرفع الغطاء ويترك ربع ساعه أخرى حتى يتحمر الوجه


-يقدم ساخنا مع أرز وسلطه خضراء وبالهناءوالشفاء

منقوووووووووووول

[mostafa mamdouh]

[Tota El Masry]

يا فندم كلك ذوق
أنا لسه مخلصة طاجن بامية (3ملعقة)+ أرز محمر(5ملعقة) + ليمون معصر(1/8ليمونة)+ سلطة خضراء(طبق متوسط)+ كوب مياه غازية+ ملعقة مهلبية قمر الدين
يعني تاكل كل حاجة و ما تملاش معتدتك
بالهنا و الشفا بكرة كلاكيت تاني مرة طاجن بامية إعداد أ/ يحي
سلمت يداك

[YahiaAshraf]

المشاركة الأصلية كتبت بواسطة Tota El Masry يا فندم كلك ذوق أنا لسه مخلصة طاجن بامية (3ملعقة)+ أرز محمر(5ملعقة) + ليمون معصر(1/8ليمونة)+ سلطة خضراء(طبق متوسط)+ كوب مياه غازية+ ملعقة مهلبية قمر الدين يعني تاكل كل حاجة و ما تملاش معتدتك بالهنا و الشفا بكرة كلاكيت تاني مرة طاجن بامية إعداد أ/ يحي سلمت يداك

الف هنا وشفا يا فندم
و جزاك الله كل خير
: 010104~171: