|
#1
21-07-2012, 01:11 PM
|
|||
|
|||
صوت الماتور مضايقنى
انا معايا 131 موديل 83 لما بدور العربية الماتور بيتهز جامد اوى وبيخبط فى كابوت العربية وهو داير بحس انة خلاص بيفصل وبيرجع يشتغل تانى وبيفضل كدة لحد ما يفصل ويوقف خالص انا لسة مغير البطارية وكمان فى ترشيح زيت على الماتور مع انى لسة مغير الجوان واخيرا فى صوت الشكمان عالى
......................... .... انا عاوز الماتور يهدى شوية ويكون ناعم وصوت الشكمان كمان هل ده ممكن والعيوب دية من اية مستنى اهل الخبرة للرد عليا 
|
|
#2
21-07-2012, 03:24 PM
|
||||
|
||||
رد: صوت الماتور مضايقنى
انا هكتب للعربيه روشته علاج لازم تنصرف ضرورى من اقرب محل قطع غيار
اولا غيار زيت موبيل دلفاك MX3 مع علبة زيت شنبر نوع (ابرو) ثانيا فلتر زيت كبير عشان الجو حر جدااا ثالثا طقم بوجيهات جديد وياريت يابانى رابعا ابلاتين وكوندنسر ماركه يعنى حاجه محترمه خامسا لو سلوك البوجيهات مش كويسه غيرها سادسا هتغير فلتر هوا لعمه الكربراتير هتجيب بكات جديده للكربراتير نفس المقاس القديم وهيتفك الكربراتير ويتغسل ويتنضف تمام جدااا ويركب تانى وبعد دا كله هينظبط كهربا وبنزين وهوا للعربيه وبأذن واحد أحد هتلاقى الموتور تحط كوباية الشاى عليه ما تتحركش خالص بس دا بشرط واحد ان قواعد الموتور مع الحركه الشديده للموتور ما تكونش باظت ومحتاجه تتغير نيجى لصوت الشكمان العالى يا اما جوان الفرن بايظ محتاج يتغير او فى علبه شكمان بايظه ومحتاجه تتغير او وصله مبوشه او فيها خرم محتاج يتلقط بالنار التكلفه للموضوع دا كله 500 جنيه  بس هتركب العربيه مش هتحس باى حاجه تماما وهتلاقى صوت العربيه ناعم جدااا وسحب بسم الله ماشاء الله
__________________
دا لينك اولتراس فيات 132 دا لينك صفحتى على الفيس بوك  
|
|
#3
21-07-2012, 04:09 PM
|
|||
|
|||
|
رد: صوت الماتور مضايقنى
كل سنة وانت طيب يا باشا .. انا مش اهل الخبرة أوى بس ممكن تكون فى قاعدة موتور بايظة ومحتاجة تتغير وممكن تبقى محتاجة ظبط كاربيراتير ومحتاجة تعلى شوية
|
|
#4
22-07-2012, 12:53 AM
|
|||
|
|||
|
رد: صوت الماتور مضايقنى
بجد تسلم ايديكوا على الردود الجميلة دى
|
|
#5
22-07-2012, 02:11 AM
|
|||
|
|||
|
رد: صوت الماتور مضايقنى
ازاى اعرف مقاس البكات الكربرتير وعاوز اعرف مكانها فين بالضبط
|
 |
|
|
