قــــــول لأ بعلو صوتك ,,,,,,, مرسى مش هايعدل البلد لوحده

[mhamdy75]

الحمد لله على ما وصلنا إليه من أوضاع

كانت فى حكم المستحيل بل ولازالت عقولنا لا تصدقها

من حيث ضخامة وسرعة أحداث الثورة المباركة

الحمد لله على نعمة العقل التى نتميز بها عن سائر المخلوقات

----------------------

الكل يحب مصر لانختلف على ذلك

ولكن الإختلاف فى طريقة حبنا لوطننا

فنحن منذ عهد سيدنا اّدم إنقسمنا لفرقتين

قابيل وهابيل

فريق مستعد لقتلك فى أى لحظة لأتفه سبب

بل ويستحل مالك وعرضك (وبرضو بيحب مصر )وأرضك

وقد نجح هذا الفريق

فى تنصب أعلى وأقوى المناصب فى العهد السابق

والكل يعلم أنه مازال يحكم

لذلك وجب علينا من منطلق حبنا لمصر

أن نقول لكل فاسد لأ

لكل ظالم لأ

لكل من سولت نفسه لسرقتنا وسرقت أولادنا لأ


قــــــول لأ بعلو صوتك ,,,,,,, مــرسى مش هايعدل البلد لوحده

[mhamdy75]

موقف فى البنزينة



المكان شلبى - المنيا

ذهبت أمس أمون العربية

الطابور15 عربية ممتاز

خمس عربيات مونوا فى ساعة إلا ربع بنزين 92

مش ممتاز فى إيه ؟؟؟؟؟

انزل يا عم بص فى إيه هوووووووووووووووبا

البهوات إللى بيأمنو المحطة بيدخلوا

العربيات اللى تبعهم تمون بضهرها

من عند أول الطابور

حديث سريع دار فى دماغى : فينك يامرسى هو ده الأمن

هما دول ال 100 يوم هو ده العدل يعنى حاميها حراميها

وتذكرت قول الله تعالى : أعوذ بالله من الشيطان الرجيم: ((إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنفُسِهِمْ))[الرعد:11]

روح يا عم إنت على حق وقول لأ

ووقفت قدام عربيتهم ومش هاتدخل يعنى مش هاتدخل

طبعا الكل إتلم وده الحصة بتاعتنا ...

عايز تملى البراميل والجراكن بتاعت حصتك أقف فى الطابور

وطبعا كل الناس اللى فى الطابور جم وقفوا معايا

والنتيجة إن العشر عربيات مشيوا فى أقل من تلت ساعة

-------------

طالما إنت على حق


قــــــول لأ بعلو صوتك ,,,,,,, مــرسى مش هايعدل البلد لوحده

[AbOnOrA]

انا عن نفسى طول عمرى بقول لاء بس نفسى اشوف سيادة الرئيس هو كمان بيقول لاء
ولما نقول لاء مع بعضينا يمكن حد يسمعنا

بس انا شايفه من ساعة ما ممسك الكرسى مقضيها حركات زيها بالظبط زى حركات اخواتة لما كانو بيخشو مجلس الشعب

حاجة تقرف بصراحة لما يكون ده اداء رئيس جمهورية ما بعد الثورة

[eng/walaaeldeen]

السلام عليكم
المحاسيب في البنزين عندنا في المنيا عمرها ما هتخلص الا لو كل واحد عمل زيك وعلى فكره انت حظك حلو انك لاقيت الى يقف معاك انا في مره عملت زيك بس الفرق ان كل واحد كان قاعد داخل السياره ولا كأن الموضوع يعنيه الموضوع ده لاحظته في ال92 بس
لكن لما بمون سيارة الحج 80 لو حد دخل وحد اتكم الكل بيقف بجواره
فلا بد للشعب كله يقف مع بعضه وقفت رجل واحد
والله المستعان

[TiTo Sky]

الاتحاد قوة والتفرق ضعفلازم الكل يتحد علشان ترجع البلد زي ماكانت واحسنموضوعك جميل ويستحق المناقشةتقبل مروري اخي الكريم