#1
|
||||
|
||||
تقرير عن تصليح تكييف الاوبترا فى التوكيل المركز الرئيسى بالهرم
السلام عليكم
من كام يوم روحت التوكيل عشان التكييف مابيبردش خالص والزرار اللى بيقفل دايرة الهوا معلق كل ما ادوس عليه يطلع لبره المهم وصلت الساعه 12 الضهر فى ميعادى وعلى ما المهندس استلم منى العربيه وعملنا أمر الشغل بقت 12:15 قولتله على تبريد التكييف والزرار , قاللى هانكشف ونشوف فى ايه بس الزرار ملوش حل غير اننا نغير البورده بالكامل مش الزرار لوحده وهاتبقى فى حدود 800 جنيه !!! قولتله طب خلينا فى موضوع التكييف الأول دخلت الاستراحه وعلى 1:30 كلمنى المهندس وقاللى المشكله فى الخرطوم اللى داخل للسربنتينه الداخليه وهانغيره وهانشحن فريون وهانغير الفلتر قولتله توكل على الله على الساعه 4 تقريبا العربيه خرجت وعلى ما دفعت ومشيت بقت 4:30 , كتير اوى 4 ساعات ونص ودى أول حاجه سلبيه نيجى للفاتوره , وهاقولكم الاسعار شامله الضريبه على طول عشان اللخبطه 55 كشف على التكييف وشحن الفريون 79,5 فريون 15 زيت فريون 295 خرطوم دخول السربنتينه الخارجيه 110 مصنعية تغيير الخرطوم !!! 115 فلتر تكييف 22 مصنعية تغير الفلتر 37,5 أويل سيل (2) الأجمالى 729 جنيه !!!! انا شايف ان كتير واللى مغليها المصنعيه خصوصا ال 110 بتوع تغيير الخرطوم , لكن الفريون ماشى , وفلتر التكييف ماشى لانى مغيرتوش خالص دا اللى جاى مع العربيه , والخرطوم معرفش غالى ولا رخيص بس ماعلينا والزرار عملوهولى بورقه معفنه كدا حل مؤقت يعنى الخلاصه التكييف بقى تمام بس المصنعيه غاليه واللى ضايقنى اكتر الوقت الكتير عشان كدا بإذن الله هابقى اروح فرع التجمع الخامس , اى نعم بعيد عليا بس مش زحمه والعربيه بتتعمل ادام عينى ودى صور قطع الغيار الخرطوم القديم اللى اتغير الخرطوم الجديد اللى اتركب فلتر التكييف طالع اسود طبعا زرار دايرة الهوا انتهى منقول |
#2
|
||||
|
||||
رد: تقرير عن تصليح تكييف الاوبترا فى التوكيل المركز الرئيسى بالهرم
__________________
الاجابة عن جميع استفساراتكم حول السيارات وانواعها يرجى التواصل على الفيس بوك https://www.facebook.com/profile.php...46&ref=tn_tnmn |
#3
|
||||
|
||||
رد: تقرير عن تصليح تكييف الاوبترا فى التوكيل المركز الرئيسى بالهرم
|
#4
|
||||
|
||||
رد: تقرير عن تصليح تكييف الاوبترا فى التوكيل المركز الرئيسى بالهرم
__________________
الاجابة عن جميع استفساراتكم حول السيارات وانواعها يرجى التواصل على الفيس بوك https://www.facebook.com/profile.php...46&ref=tn_tnmn |
#5
|
||||
|
||||
رد: تقرير عن تصليح تكييف الاوبترا فى التوكيل المركز الرئيسى بالهرم
تسلم ياباشا : loveu:
__________________
ايميلي: abdohtaby@ymail.com صفحة فولكس فاجن مصر على الفيس بوك http://www.facebook.com/pages/Volksw...26911527355706 صفحه مجتمع السيارات المصري برعايه مصر موتورزعلى الفيس بوك شاركوا معانا facebook.com/mogtm3.egypt.cars |
أدوات الموضوع | |
|
|