جيب جيب نفسى فى كهربائى بيفهم يكون بيشتغل فى الجيب فى اسكندريه

[ahmedraafat00]

السلام عليكم
كل سنه وحضراتكم طيبين ورمضان كريم

جماعه انا نفسى أمنية حياتى ألاقى كهربائى بيفهم فى الجيب شيروكى 93 فى اسكندريه كل ما اوديها لكهربائى يبوظ الدنيا ويطلع حماااااااااااااار
عندى النور العالى الشمال اللى شغال واليمين مش شغال والأنيل من كده وانا ماشى ومولع النور العالى بيقعد يولع ويطفى مع نفسع كأنى مشغل الرعاش والرعاش اصلا مش شغال بجد اتخنقت
تخيلوا روحت قبل كده لكهربائى عشان يصلح الموضوع ده خد 170 جنيه ومع ذلك المشكله رجعت تانى !
بس للأسف مخدش بالى غير بعد شهر لما كنت سايق بليل ومشغل النور العالى

أرجوكم عايز كهربائى بيفهم فى الجيب شيروكى لانى العربيه ى الكهرباء بتاعتها معقده واى غلطه بتكلفنى كتير اوى

[نبيل عبدالرحمن]

حضرتك عندك فى قسم بروفشنلز فى قسم ملاكى إسكندرية أسماء كهربائية كتير لكن أنا أرشح لك واحد إسمه أمين القصراوى موجود بياناته فى القسم المشار إليه ، وماتمشيش من عنده إلا بالليل وبعد مايطمنك على كل حاجة ، وهو بصراحة كهربائى عبقرى
بس نصيحه ماتخليش أى حد من الصنايعية اللى عنده يمد ايده فى الشغل إلا بإشرافه
وبعدين قول له أنا جى لك من طرف مصر موتورز وهايعمل معاك الواجب

[ahmedraafat00]

المشاركة الأصلية كتبت بواسطة نبيل عبدالرحمن حضرتك عندك فى قسم بروفشنلز فى قسم ملاكى إسكندرية أسماء كهربائية كتير لكن أنا أرشح لك واحد إسمه أمين القصراوى موجود بياناته فى القسم المشار إليه ، وماتمشيش من عنده إلا بالليل وبعد مايطمنك على كل حاجة ، وهو بصراحة كهربائى عبقرى بس نصيحه ماتخليش أى حد من الصنايعية اللى عنده يمد ايده فى الشغل إلا بإشرافه وبعدين قول له أنا جى لك من طرف مصر موتورز وهايعمل معاك الواجب

متشكرجدا يا استاذ نبيل على سرعة رد حضرتك واهتمامك
بس اهم حاجه الراجل ده يكون بيشتغل وبيفهم فى الجيب شيروكى لان العربيه دى معقده كل وا اروح لكهربائى عشان يشغلى حاجه لازم يوقفلى حاجه تانيه لدرجة انى اتعقد وبقيت مش عايز اظبط الكهرباء اللى فيها حاليا التكييف واقف بالاضافه لمشكله النور العالى اللى اتكلمت عليها ومن اللى شوفته من الكهربائيه مش عايز اعملهم لان العربيه حاليا تمام باستثناء المشكلتين دول خايف اروح لحد يبوظلى حاجه تانيه

[نبيل عبدالرحمن]

عايز رأيى
أحسن لو تروح بالعربية للتوكيل بتاعها لو موجود فى إسكندرية
وهمه أكتر ناس هايبقوا فاهمين فيها ولو بوظوا حاجة هاتبقى دى مسئوليتهم
صحيح هايبقوا غاليين شويه ، بس إنت هاتبقى متطمن