امبارح . وانا عالمحور وفي ساعة عصاري .. أل اية ياخواتي بيقلي خبطيني !!

[سهر الجنزوري]

الرجالة .. جتلهم شطوة في دماغهم بعيد عنكم بعد ما مرسي مسك .. بقا الشكل للبيع .. والخناقة مع واحدة ست بقت جدعنة ..

الله يرحمك يا رجولة . زمان كان حتي لو كانت الواحدة غلطانة .. تلاقي الراجل راجل شهم وجدع وميعرضهاش لموقف وحش .. ما علينا ..

أية بقا ا لي حصل .. هقلكم .

خلصت شغلي من هنا .. وطلعت عالمحور .. وكالعادة الطريق بيجي في اخر ربعو كدا وانا رايحة علي ميدان لبنان .. واقف ويا مين يجبلك جناحين

لكن مش دية القضية بقا ..

المهم جيبة جريدة الدستور وكنت اول مرة اجيبها .. وامبارح بقا كتبين منشيط جامد اوي .. هما بصراحة ضد الاخوان قلباً وقالباً .. لكن مش دية القضية ....

القضية بقا اني في واحد جي بعربية هيونداي كدا نوبيرا بيني .. او دايو نوبيرا المهم

جي عايش الدور اوي وراح طلع جمبي بالعافية . وانا مكبرة دماغي . فكراة جي يعاكس ولا حاجة . اصل هما كدا .. دلوقتي بقت شغلتهم ينزلو الشوارع يلفو بالعربيات .. رجالة . ..بالبطاقة .

جة وراح شاتم شاااااااتم شااااااااتم ... وانا مش فاهمة حاجة . لحد ما طلعت ونزلت ميدان لبنان . ودة عمال يزنق وعايز يخبطني وعملي توتر رهيب .. وانا خوفا طبعا علي عربيتي . كبرت دماغي لحد ما نزلت الميدان ورحت فاللفة واول ما بقا وشي في وش عم كنتاكي . رحت هوووووووووووووووووووووووو ب واقفة . وهوة هووووووووووووووووب وقف . ونزل وانا كمان نزلت


اول كلمة يا خونا جت علي بالي هيا .. خير في اية .

فاكرين فلم وكمان بتقلي سلام عليكم

ودة بيشتم وحاجة اخر قلة ادب . لحد ما جة امين الشرطة وكام بنأدم كدا فعلا رجالة بحق وحقيقي .. وقالو زي . خير ؟؟!


راح رد وبكل صرع
المدام خبطتني وطلعت تجري .

المهم انا الحمد لله ( خمسسة وخميسة ) عربيتي مفيهاش خدش واحد حتي !! وهوة عربيتيو طالعة من بق كلبة ( هع هع هع ) ومع اخذ الرخص من كل الطرفين .. والمعاينة الخارجية للسيارتين ... ومع المعاينة الداخلية .. لقينا الراجل بيقول .. خلاص روحي الله ينتقم منك . هات يا بية الرخصة انا متنازل عن حقي ...
.

راح الظابط بصلو وبصلي . وادالو الرخصة . ومشي . وانا سكت .. .

بعد ما مشي . قلت انا المفروض مكنتش سبتو كنت عملتلو محضر سب وقذف ..


وهي دية اكبر حادث ممكن تعملو مع مغفلين الطريق

المهم انا معايا دلوقتي رقم العربية .. بتاعتو . ومعايا كمان اسمو ثلاثي

اعملو محضر ؟؟ ولا اكبر دماغي ؟؟؟

حكيت لناس قالولي دية حركة بتتعمل عشان يسرقو العربية منك يقلك اقفي خبطي ومش عارفة اية . عشان يسرق العربية .. بس انا مستبعدة الفكرة لاننا كنا وقفين في مكان زحمة !!

وناس قالت الدستور يا سهر هيا المشكلة .. شكلو كن اخواني هع هع

[Hisham.Elgazzar]

ربنا يحميكى ويسترها معاكى ومعانا
حصل قبل كدا قدامى خناقة مابين راجل وست على كوبرى اكتوبر
وانتهت ان الواد نزل من حته والست من حته والسبب انا قفلت على الواد وكنت هركبه الرصيف وحظنا ان الكوبرى 3 مفارق مشيت هيا وانا كملت طريقى والواد غار فى داهية
حسبى الله ونعم الوكيل
العمليه مش ناقصة والله البلد دى بقت على حافة الهاوية بسبب عند الناس مع بعضيها

[@واحد من الناس@]

بصى حصل خير وكان المفروض حضرتك متسيبهوش يمشى وتصرى تعملى محضر طالما مش غلطانه فى حاجة بس معلش حصل خير بس بالنسبة إنه إخوانى ولا غيره أنا أرى لاداهى لذكر هذا الكلام فى حالة الإصطفاف الوطنى والرئيس المبهر اللذى قدموه الموضوع إنهم مصريين وخلاص أيا كانت توجههم مصريين يعنى بيحبوا البلد ظيهم ظى أى حد بعسد عن الخلافات السياسية وموضوع برضوا رجالة بالبطاقة كان فيه قدر من التعميم اللذى أرى فيه إهانة للرجل المصرى
على العموم حصل خير وربنا يحفظك فى طريقك وبيعد عنك شر ال


على فكره أنا مصرى راجل إخوان
بحب مصر حتى النخاع وعندى غيره على بنات بلدى

[3bdo]

والله انا شايف لو وقتك يسمح تعمليلوا محضر وتطلعى عينو عشان يحرم يعمل كده تانى

[Elsebily]

طب وايه علاقة الاخوان بس بالموضوع هو اي غلط في الناس وخلاص . انا معنديش ميول اخوانيه بس بصراحه حرام كل حاجه تحصل تقولو الاخوان بدون اي دليل ..... شكلك بتتفرجي علي توفيق عكاشه كتير