مشكلة فى استهلاك البنزين فى الريو الجديدة 2012

[amrtoti]

يا جماعة انا معايا ريو جديدة وحاسس بمشكلة فى استهلاك البنزين متوسط الاستهلاك كان دايما 7.1 الى 7.5 وبقالة يومين المتوسط ده رافع الى 9.9 لتر لكل 100 كم مش عارف ليه الكلام ده مع ان كل الى حصل انى رحت حطيت بنزين من ساعتها ده الى حاصل حد عنده فكرة عن الموضوع ده ؟ وهل المشكلة دى معتادة ولا عندى بس وايه حلها وفعلا انا حاسس انها بتاكل بنزين لانى لو مثلا رحت مشوار 20 كم الاقى الكمبيوتر نزل 100 كم من المسافى لحد ما امون تانى


ياريت الافادة لو حد عنده معلومات عن الموضوع ده

[Oussama]

احتمال بسبب التليين ... و الله اعلم

[محمد فيصل]

معدل استهلاك البنزين لا يتم حسابه بدقة خلال ال5000 كم الاولى إذا كانت السيارة لا تزال جديدة او تحت التلين
اما إذا كانت تجاوزت تلك المسافة المقطوعة
فأفضل طريقة لمعرفة استهلاك البنزين هى تفويل التنك ثم قطع مسافة محددة على طريق مفتوح ثم اكمال التنك مرة اخرى وحساب الاستهلاك
اما حساب اى استهلاك داخل زحام المدن الخطير جداً والحاصل لنا جميعاً فهو طريقة خاطئة للغاية ومحبطة ايضاً لصاحب اى سيارة

[amrtoti]

شكرا يا جماعة على المتاابعة بس انا الى قالقنى ان العداد معدل استهلاك الوقود ارتفع بشكل مفاجئ من 7.2 الى 9.9 يا ترى ايه السبب ؟
هو ده الى قالقنى خايف لقدر الله اكون عملت حاجة غلط فى الاوبشنز

[ahmoody1971]

السلام عليكم اولا الف مبروك على العربيه
ثانيا العربيات الجديدة بتقيس كفاء حرق البنزين و تعدل الضغط فاذا كان البنزين وحشاو اوكتينه واطى بتزود الاستهلاك علشان تحافظ على عزم الموتور والله اعلم