شارك برأيك لتعديل الشوارع و الميادين !

[Dr. Bolbolan]

الاخوه الآعزاء / دعونى أقترح موضوع جديد هام جدآ و له علاقه هامه بالسيارات ! و بأقترح على الآخ / أبو نورا

( بكل تواضع ) أن يضعه فى خانة المثبت لآهميته من وجهة نظرى و لآنه سيكون سبق لمصر موتورز على جميع

منتديات السيارات خاصة فى مصر ! و شرح الموضوع كالتالى :

أولا : ماشاء الله أعضاء المنتدى يقطنون أو يسكنون فى جميع أنحاء القاهره و الجمهوريه !

ثانيآ : كل عضو من الآعضاء يوجد فى منطقته أو فى طريقه لعمله أو دراسته شوارع أو ميادين أو كبارى

تدار بطريقه خاطئه أو مسببه للآزدحام ! و ممكن أن يكون حلها سهل جدآ بازالة اشاره أو قفل يوترن

و فتحه تانى على بعد 3 متر فقط مثلآ ! المهم يكون حل بسيط جدآ لكن غايب عن عيون المسئولين

الذين لا يتحركون دائمآ الا بعد وقوع الكوارث ! ptmnlo123per144

ثالثآ : ربما و ممكن جدآ أن يكون بعض المسئولين عن المرور فى بلدنا متابعين لمصر موتورز فتضىء لهم

أفكار الآعضاء المحترمين بعض الجوانب المظلمه عندهم ! و موش مهم لو نسبوا بعض هذه الاقتراحات

الى أنفسهم ! المهم الفائده العامه و الآجر و الثواب فى الآول و فى الآخر عند الله !

رابعآ : سأبدأ بنفسى كمثال على المقترحات !


توجد منطقة ازدحام رهيبه أمام السندباد نتيجة و جود يوترن أمامه هام جدآ للقادمين من مدينة نصر و الشيراتون

و المطار و المتجهين الى مصر الجديده أو النزهه الجديده أو عين شمس و العدل بتاعه للذاهبين الى مدينة

السلام و العاشر و الشروق و الزقازيق و الاسماعيليه و بورسعيد ! تصوروا الكثافه صباحآ و ساعة المغرب !

فى الجهة المقابله لليوترن يوجد القادم من طريق الاسماعيليه و كل المدن المذكوره خاصة العاشر مع الخارجين

من قباء و النزهه الجديده و متجهين يمينآ الى مصر الجديده و عين شمس و يسارآ الى مدينة نصر و الشيراتون و

الكليه الحربيه و صلاح سالم ! كل ده فى شارع كبيره 3 حارات ضيقه يمين و شمال و بدون عسكرى واحد أو

أى تواجد شرطى ! دا بالاضافه الى أتوبيسات الرحلات المتوقفه أمام السندباد و يا داهيه دقى لو كان فيه

ماتش للآهلى مثلا مع الاسماعيليه فى استاد الكليه الحربيه الذى يقع على بعد بضعة أمتار !!

و النتيجه ان اللى جاى من اليمين عليز يروح يسار و العكس و النتيجه الحتميه كثرة الزحام و التوقفات و

المشاحنات و اللعنات و الاصطدامات و سب الدين ! ptmnlo123per195 و الحل بسيط جدآ فى هذه المنطقه وهو :

عمل نفق صغير للقادمين من طريق الاسماعيليه و ينتهى بشعبتين يمين و يسار و اليوترن يبقى من فوقه

و بكده نبقى خلصنا من كل المشاكل ! و بأقول نفق صغير أصغر من بتاع الريس موش زى نفق الآزهر !

و ياريت حد من المسئولين يقرأ الكلام ده ! ح تريحوا ربع شعب القاهره يا مسئولين !!


Dr. Bolbolan ptmnlo123per1127

[walidmhafeez]

انا معاك في الحتة دي لان انا ساكن ورا السندباد وبتعذب كل يوم عشان اعرف ادخل النزهة
ولا المصيبة الكبري لما يبقي في تشريفة
يا سلام , الواحد بياخد من منزل كوبري المطار لحد اليوتيرن ده ساعتين

[Dr. Bolbolan]

سبحان الله ! واضح ان الفكره موش لاقيه قبول و الناس مبسوطه من الشوارع و كله تمام !

و مافيش أحلى و لا أجمل من شوارع و مرور القاهره و الجمهوريه عامة ! ptmnlo123per1106

أو ان الناس موش مقتنعه ان رأيها ممكن يكون سبب فى التغيير أو ان الكلام ح يكون فى الهوا و زى قلته !

عمومآ أنا عملت اللى على و كل ما ح ألاقى فكره لتعديل شارع أو مساهمه فى تيسير حركة السير

ح أقولها و معلهش استحملونى !

تانى فكره : 100 متر قبل ميدان ألف مسكن ( مجازآ ) يوجد يوترن أيضأ و محوط برصيف و داخل بعبقريه

فى منتصف الجهه المقابله مما يسبب اختناقات رهيبه للمتجه الى طريق الاسماعيليه و للى فى اليوترن

نفسه و فى الطريق المقابل ! بالاضافه الى وجود محطة أتوبيس على رأس اليوترن و عشرات الميكروباسات

المتوقفع لتحميل الركاب و هى منطقه مفصليه لا غنى عنها ! لذلك برده ممكن عمل كوبرى صغير يعبر

هذه المنطقه ! و أنا كل حاجه بأقول صغير لآنى موش عارف ليه بيعملوا الكوبرى طوله حوالى كيلو بلا داعى

اللهم داعى السرقه . و شـــكرآآآآآآآآآآآ


Dr. Bolbolan ptmnlo123per1127

[DK.Cupo]

كان نفسي اشارك بس انا..........
من ام الدنيا والمحروسه اللى اقوم الصبح الاقيه والعه هي طنطا هههههه