إستفسار عاجل لرجالة الفيرنا الزيرو

[mohali]

بعد ما دفعت مقدم السيارة عند موزع معتمد لهيونداى بلإسكندرية رمسيس لو تعرفوه الفى الإبراهيمية قلت له أنا عاوز العربية زيرو مش ماشية خالص قالى مستحيل على الأقل ماشية 40 أو 50 كيلو لأن المصنع فى أبو رواش بيعمل تست لها داخل المصنع وبيجرب كل حاجة فيها على الطبيعة وكل العربيات كده وفى تريلا هتجيب العربيات من أبو رواش إلى المخازن فى مرغم وبعد كده ناس بتسوقها للمعرض فى الإبراهيمية ودى مسافة لا تقل مثلا عن 20 كيلو إيه رأيكم يا جماعة فى الكلام ده خاصة إن ده مش معرض صغير ده موزع كبير معتمد ومشهور وخصم 250 جنيه +سنسور بارك +دواسات +كارت خصم 25% على المصنعيات فى التوكيل +تركيب وحدة رفع ب 200 جنيه بس +ميدالية

[احمد على 1999]

رايى
انا لسة فى شهر 10 اللى فات جايب من عندهم i10 اتوماتيك لمراتى و رحت بنفسى باليل مع موظف لان السواقين كانوا روحم فرحت بعربيتى معاه لمرغم و جبنا العربية للمعرض فى الابراهيمية هو ساق الجديدة و انا وراه فى عربيتى مليش دعوه بحاجة يعنى لو لا قدر الله كان حصلها حاجة فمش مسئوليتى و هو استجاب بس لمطلبى عشان كنت مستعجل و عايز اوريها لمراتى عشان اللون
و الصراحة معرض محترم جدا و ملتزم و ناس يحسسوك انك عميلهم الوحيد
و ميمنعش انك تبص بصه سريعة على العربية من برا و من تحت لو عرفت و على فكرة انا مبصتش من تحت .... كسلت
+ ان بلا مبالغة مفيش معرض فى مصر عربيته جياله راكبه تيرلا لغاية باب المعرض و لو فيه حيبقوا قليلين جدا
و انا ساكن فى اسيد جنب جرين بلازا و على طول التيرلا بتقف بره عشان معرض المصرية او ساعات بتقف بعيد او ساعات يمكن جايين من الميناء سايقين العربيات
و ياما و انا مسافر على الطريق الصحراوى او حتى طريق برج العرب تلاقى عربيات زيرو كافة الانواع سواقين سايقنهم يا اما من الميناء يا اما من المخزن للمعرض

[mohali]

أشكرك أنت ما تعرفش طمنتنى قد إيه أنا كنت قلقان من الكلام ده لأنى أول مرة أشترى زيرو أنا كده ممكن أروح معاه مرغم علشان أختار بين الفضى والفيرانى على الطبيعة وأشكرك على الرد

[taklaloveu]

بص حضرتك انا شاري الفيرنا من غبور فرع المنصوره وكانت عامله 24 كيلو .. وانا رأآ لحد 50 كيلو مافيش مشكله .. دا طبيعى عشان تحريك العربيه من المخزن للمعرض وهكذا .. ومبروك مقدما ..

[eng/walaaeldeen]

السلام عليكم
لما تبقى عده 50 كيلو معقوله انا اسمع ان بعض الموزعين والمعارض بتشيل فيشة حساس السرعة ويمشوا بيها ويبعوها على انها زيرو
والله المستعان