|
#1
22-06-2012, 01:27 AM
|
||||
|
||||
مساعدة من السادة الأعضاء ما هو حل فتح علب الشاسية فى الفيات
السلام عليكم يا جماعة وبارك الله فى هذا المنتدى الجميل والأكثر من رائع عايزين حل نهائى لمشكلة فتح علب الشاسية وهل فى ناس جربت الموضوع ده ويريت بالتفصيل الممل عن كل شئ يخص هذا الموضوع لكى تعم الفائدة على الجميع فى ناس بتقول تركيب شدادات للسيارة وناس تانية بارات وناس بتقول شراء سلاحين ولحمهم بين العتب وناس بتقول صب رصاص على علب الشاسية يريت وصف لكل شيء وطريقة عملها أزاى مع تحديد الأسعار والتكلفة الإجمالية برجاء المساعدة لكى تعم الفائدة على الجميع وشكرا لحضرتكم.
أخوكم محمد  
|
|
#2
22-06-2012, 01:56 AM
|
||||
|
||||
|
رد: مساعدة من السادة الأعضاء ما هو حل فتح علب الشاسية فى الفيات
بص يا
 اولا موضوع فتح علب الشاسيه او شروخاتهم ده شىء عادى جدا خصوصا فى ال 128 و 127 و ريتمووشىء لا يعيب فى السيارة اطلاقا لان 99% من السيارات ان ماكنش كلها العلب قبل كدا اتشرخت وده لان الصاج اصلا المستخدم فى صنع السيارات ديه بيبقى ضعيف جدا وممكن حتى لو عفشتك سليمه 100% وخدت مطب محترم الشاسيه يتشرخ منك على طول وده نقدر نقول انه عيب تصميم لان تصميم السيارة فى وقت صنعها كان لسه جديد ولسه متجربش قبل كدا ولا عرفوا ايه عيوبه مع الزمن او كدا لان الكلام ده بياخد وقت طبعا المهم حكاية ان الشاسيه ميفتحش من العلب ديه صعبه لانه كل شوية هيتشرخ بس مش معنى كل شوية انى كل شهر ابقى عند سمكرى لا مثالا نقول كل سنه مره بس الكلام ده فى حالة ان العفشه عندك تمام التمام لو مساعد بايظ هيدغدغ كل ده العلاج بقى بيبقى ازاى بيبقى كالتالى ان حضرتك بتروح لسمكرى بيجيب زرجينه ويحطها ما بين العلبتين ويفتح الزرجينه لغاية ما تلاقى ان العربيه رجعت لمقاستها المظبوطه تمام ويقيس بالمازوره المقاس بين البطاحتين اول ما يبقى المقاس مظبوط خلاص يروح جايب بقى رصاص او نحاس على حسب الشرخ ونوعه و يدى بنط لحام على الشروخ ديه واول ما يخلص بنط اللحام يروح قافل الزرجينه تانى هتلاقى العربيه ثبتت على مقاسها الحقيقى والشاسيه بقى مظبوط تمام ومادام الشغل بيتعمل نضيف يبقى فى الاغلب الشاسيه مش هيفتح منك تانى الا لو بتمشى بسرعه فى المطبات والشوارع المكسرة حتى لو عفشتك سليمه او لو عفشتك بايظه حتى لو ماشى على اسفلت الشاسيه هيفتح منك نيجى بقى لحكاية البارات او الشدادات اللى بتبقى بين البطاحتين الشدادات ديه فعلا مبتخليش العلب تفتح او تقفل ولكن بيكون لها عواقب كارثيه على السيارة بمعنى الكلمه بمعنى خلاص العلب مش هتفتح منك تانى بس هتلاقى شروخات ظهرت فى كل مكان فى حوض العربيه من جميع المناطق غير المناطق المتعارف عليها فى ال 128 عموما يعنى مثالا ال 128 عادى جدا ان يحصل فيها شروخات فى العلب او فى القلل او فى الشاسيه ومدام لحمت كل ده و مظبط عفشتك يبقى خلاص مفيش حاجه هتحصل الا طبعا لو بتمشى على مطبات بسرعه او كدا او عفشتك بايظه او خدت مطب محترم بيشرخ كل ده غير كدا الشدادات ديه بتنقص من سعر العربيه جامد يعنى لما تبيع العربيه بشروخاتها ده مينقص من سعرها غير لما تبيع عربيه متركب فيها شدادات بينقص من سعرها جامد جدااا والافضل زى ما بقول لحضرتك تروح عند سمكرى محترم يحط الزرجينه فى العربيه ويبنط الشروخات ومادام عفشتك تمام يبقى خلاص متقلقش من حاجه وامشى براحه بس لو كلت مطب يبقى خلاص حتى لو عربيه 128 موديل 2008 ههههه وربنا يعينك
__________________
|
|
#3
22-06-2012, 02:08 AM
|
||||
|
||||
|
رد: مساعدة من السادة الأعضاء ما هو حل فتح علب الشاسية فى الفيات
مش عارف اقول ايه لحضرتك بجد افدتنى كتير بس انا قولت اسال الأول علشان ناويت بأذن الله اشترى ريتمو وادينى بدور على واحدة سليمة والف شكر مرة آخرى لحضرتك بجد افدتنى.
أخوكم محمد من الإسكندرية عروس المتوسط
|
 |
|
|
