باركولي اشتريت مرسيدس e230 97 بس محتاج مساعدتكم في شوية حاجات

[bolbol_675]

السلام عليكم يا منتدانا الرائع
الحمد لله ربنا اكرمني وجبت سياره عيون موديل 97-98 وارد المانيا اليجانس
بس عندي كام استفسار بخصوص السياره:
1 - محتاج كتالوج السياره ياريت لو حد يقدر يجيبلي رابط لتحميله
2- السياره فيها رجه خفيفه وتزيد الرجه لو الجير على D وضاغط فرامل عايز حل ليها
3- ضغط الار بي ام اقل من 10 دايما وخصوصا لما اشغل المكيف
4- فتحة السقف لا تفتح برغم ان في صوت للموتور بتاعها.
وشكرا جزيلا لسعة صدركم

[bolbol_675]

معقوله 14 مشاهده ولا رد واحد

[bolbol_675]

[ahmed_eng2001]

الف مبروك
ان شاء الله حد من الى بيفهموا فى المرسيدس يرد عليك

[AbOnOrA]

الف الف مبروك يا باشا ربنا يهبك خيرها ويكفيك شرها

عربيه جميلة واختيار موفق ان شاء الله

انا بس عايز اسأل انت ليه مكشفتش على العربيه وانت بتشترى ؟؟؟

ولا الحاجات ديه لسه حاصله جديد ؟؟

1- محتاج كتالوج السياره ياريت لو حد يقدر يجيبلي رابط لتحميله

هدورلك عليه وان شاء الله اجيبهولك

2- السياره فيها رجه خفيفه وتزيد الرجه لو الجير على D وضاغط فرامل عايز حل ليها

رجة خفيفه قد ايه ده موضوع نسبى علشان كده لازم تروح تكشف ميكانيكا كاملة على العربيه وعند متخصص مرسيدس من اى حد تانى

3- ضغط الار بي ام اقل من 10 دايما وخصوصا لما اشغل المكيف

انا مش عارف ظبطة الموديل ده على كام بس ده فى العموم طبيعى

4- فتحة السقف لا تفتح برغم ان في صوت للموتور بتاعها.

ممكن يكون الميكانيزم بتاعها فيه حاجة بالرغم من الموتور سليم فمتحاولش معاها كتير علشان الموتور ميتحرقش خالص ممكن تجرب ترش على اللوك بتاعها W40 او تخلى متخصص يفكها ويشوف ايه العطلان فيها بالظبط

ومرة تانى لازم تكشف على العربيه ميكانيكا وكهرباء وسمكرة كمان قبل ما تشترى ولو اشتريت خلاص يبقى برضو لازم تكشف علشان تعرف العربيه حالتها ايه ومحتاجة ايه يتعمل دلوقتى وايه يتعمل الفترة الجاية كمان علشان متفتحش منك وربنا يكفيك شر فتحة الالمانى