والله كده الواحد يزعل

[حواش]

السلام عليكم انا مش عارف ليه في هذا القسم بالذات مفيش اهتمام ولا حد بيرد علي الموضوع انا كان عندي 128 وكنت انا والاعضاء والمشرفين في تعاون مستمر لحد الواحد محفظ العربيه وجزاهم الله كل خير لما جبت شاهين ودخلت القسم ده محدش بيعبرني وانا دائما بثق في مصر موتورز وليا سؤال عايز اجيب رشاش للشاهين وانا من الصعيد ومش لاقي هنا فعايز اعرف بكام ومنين من القاهره وهل جديد ولا استراد علشان العربيه بتاكل بنزين وبتشرق وتبطل بفتح العمه بلاقي بنزين تحت الرشاش بنفخ فيه ينشف البنزين تشتغل بتعمل كده كل فتره فياريت تفيدوني جزاكم الله كل خير:CONGRA~23 8:

[AbOnOrA]

ان شاء الله حد من الاعضاء يرد على حضرتك

[Hisham.Elgazzar]

المشاركة الأصلية كتبت بواسطة حواش السلام عليكم انا مش عارف ليه في هذا القسم بالذات مفيش اهتمام ولا حد بيرد علي الموضوع انا كان عندي 128 وكنت انا والاعضاء والمشرفين في تعاون مستمر لحد الواحد محفظ العربيه وجزاهم الله كل خير لما جبت شاهين ودخلت القسم ده محدش بيعبرني وانا دائما بثق في مصر موتورز وليا سؤال عايز اجيب رشاش للشاهين وانا من الصعيد ومش لاقي هنا فعايز اعرف بكام ومنين من القاهره وهل جديد ولا استراد علشان العربيه بتاكل بنزين وبتشرق وتبطل بفتح العمه بلاقي بنزين تحت الرشاش بنفخ فيه ينشف البنزين تشتغل بتعمل كده كل فتره فياريت تفيدوني جزاكم الله كل خير:CONGRA~23 8:

معلش يا أستاذ حواش انا معنديش فكرة عن سعرة لكن ممكن يعدى ال150 جنيه ومش موجود غير عند بتوع الكربراتير ، او تشترى كربراتير كامل بتاع تيمبرا او سيينا بيعمل حوالى 450 جنيه ، حضرتك تشرفنا فى القاهرة وانا بإذن الله هنزل مع حضرتك ندور عليه
او حضرتك تستنى لآخر الأسبوع انزل اسأل وأتأكد وارد على حضرتك بإذن الله

[sayed2077]

انا والله نفسى اساعد بس للاسف معنديش خبرة نهائيا فى الشاهين غير معلومات بسيطه وعامه
وللاسف مقدرش افتى علشان مقولكش حاجه غلط
فاللى بعرفه والله بقول عليه وانا بعتذر لحضرتك مره اخرى
وعموما حضرتك الافضل ليك تيجى القاهرة وتشوف مركز متخصص فى الانجكشن زى ما قولت لحضرتك قبل كده وان شاء الله كله هيبقى تمام ومتقلقش ان شاء الله

[mr_astra]

وانا والله شوفت سؤال حضرتك كتير بس للاسف معنديش اجابة ممكن اقولها

لكن لو تشرفنا وتقبل دعوة اخونا هشام الكريمة انا هاكون معاكو على الاقل هشام بيه يعزمنا على عصير قصب