مياه زرقاء للرداتير

[abokoko]

اليوم صباحا
سحبت بخرطوم مياه من الرداتير (والعربيه لسه بارده مشتغلتش )
وبعدين نفخت فى القربه وطردت المياه منها
وفضيت زجاجة خل وكملت بمياه من الفلتر لحد العلامة
عملت مشوار بالعربيه حوالى 40 كيلو
ركنت العربيه حوالى 3 ساعات علشان تبرد ( يفضل مدة اكبر من 3 ساعات )
فكيت خرطوم المياه الخارج من الموتور وسبت المياه تنزل على الارض
وبعدين نفخت فى القربه علشان المياه تطلع منها بالكامل
وبعدين بفخت فى الرداتير علشان افضى المياه من خرطوم الكوعه
وبعدين فتحت طبه الرداتير علشان تصفى المياه

جبت جركن 20 لتر مياه من الفلتر ( فلتر مياه البيت )
ركبت طبه الرداتير وفضيت مياه منه لحد ما بدت تخرج من خرطوم الكوعه
ونفخت بشده علشان تخرج بالكامل وكررت العمليه تانى
وبعدين فكيت الطبه وفضيت مياه ونفخت علشان تنزل بالكامل من الرداتير

سبت الرداتير من غير طبه وخرطوم الكوع حر مش راكب واستنيت شويه علشان تصفية المياه

ركبت الطبه ونفخت فى الرداتير لخروج كل المياه من خرطوم المياه ناحية الرداتير

فتحت علبه المياه الزرقاء ( 5 لتر )اللى نسيت اسمها وكنت شاريها من سبينس ب18 جنيه فى العرض

فضيت المياه بشويش فى الرداتير لحد زور الرداتير
ضغت بشويش كزه مرة على الماسوره الكاوتش الخارجة من الرداتير وداخلة الموتور علشان اطرد الهواء وفضيت باقى العلبه فى القربه واضطريت ازود من مياه الفلتر علشان العلبه لم تكفى

قلت بسم الله الرحمن الرحيم
وشغلت العربيه وضغطت كزه مره على الخرطوم لخروج الهواء اثناء التزويد

تم بحمد الله

[ابو هيما]

مش فاهم حاجة , يعنى هى أيه النتيجة فى الأخر .. نتيجة إيجابية ولأ سلبية

[abokoko]

انا بغير مياه الرداتير كل فتره
بس قبل ما بغيرها بضيف زجاجة خل علشان تعمل دوره غسيل لمسار الرداتير داخل الرداتير وداخل الموتور

[aymanlaw]

المشاركة الأصلية كتبت بواسطة ابو هيما مش فاهم حاجة , يعنى هى أيه النتيجة فى الأخر .. نتيجة إيجابية ولأ سلبية

بأذن الله النتيجة إجابية وهى إذالت الأملاح او الرواسب فى دورة الريداتير وايضاً فى الموتور ,والتى إن لم تزال بهذه الطريقة تؤدى إلى قصر عمر الريداتير وزيادة سخونة وعدم عمل دورة التبريد الخاصة بلموتور بكفائة مما يؤثر على ارتفاع حرارة الموتور ,والله اعلم:CHUBBY~36 :

[aymanlaw]

المشاركة الأصلية كتبت بواسطة abokoko اليوم صباحا سحبت بخرطوم مياه من الرداتير (والعربيه لسه بارده مشتغلتش ) وبعدين نفخت فى القربه وطردت المياه منها وفضيت زجاجة خل وكملت بمياه من الفلتر لحد العلامة عملت مشوار بالعربيه حوالى 40 كيلو ركنت العربيه حوالى 3 ساعات علشان تبرد ( يفضل مدة اكبر من 3 ساعات ) فكيت خرطوم المياه الخارج من الموتور وسبت المياه تنزل على الارض وبعدين نفخت فى القربه علشان المياه تطلع منها بالكامل وبعدين بفخت فى الرداتير علشان افضى المياه من خرطوم الكوعه وبعدين فتحت طبه الرداتير علشان تصفى المياه جبت جركن 20 لتر مياه من الفلتر ( فلتر مياه البيت ) ركبت طبه الرداتير وفضيت مياه منه لحد ما بدت تخرج من خرطوم الكوعه ونفخت بشده علشان تخرج بالكامل وكررت العمليه تانى وبعدين فكيت الطبه وفضيت مياه ونفخت علشان تنزل بالكامل من الرداتير سبت الرداتير من غير طبه وخرطوم الكوع حر مش راكب واستنيت شويه علشان تصفية المياه ركبت الطبه ونفخت فى الرداتير لخروج كل المياه من خرطوم المياه ناحية الرداتير فتحت علبه المياه الزرقاء ( 5 لتر )اللى نسيت اسمها وكنت شاريها من سبينس ب18 جنيه فى العرض فضيت المياه بشويش فى الرداتير لحد زور الرداتير ضغت بشويش كزه مرة على الماسوره الكاوتش الخارجة من الرداتير وداخلة الموتور علشان اطرد الهواء وفضيت باقى العلبه فى القربه واضطريت ازود من مياه الفلتر علشان العلبه لم تكفى قلت بسم الله الرحمن الرحيم وشغلت العربيه وضغطت كزه مره على الخرطوم لخروج الهواء اثناء التزويد تم بحمد الله

: Bravo::Brav o::B ravo::Bravo ::Br avo: