|
#1
16-06-2012, 04:23 AM
|
|||
|
|||
السلام عليكم ممكن أعرف إجراءات تغيير ماتور fiat128 فى المرور
أخوكم إبراهيم أبوزيد ( GMAGM )
ضيف جديد بالمنتدى بس جديد برده فى العربيات كان عندى كتكوته صغيره موديل 71 كحلى 1100 cc كانت أول حظى فى العربيات بس حسبى الله ونعم الوكيل المهم ربنا تاب عليا منها ومن مشاكلها الكتييييييييييييييييييييي ييييييييييييييييييييييييي ييييييييييييييييييييير ورزقنى بعفريته صغيره برده fiat128 بس بيضاء والحمد لله بيضاء مثل نيتى وربنا عالم بيها  يعنى ماليش فى اللوع ومبعرفش أخون إللى بيكلمنى يعنى زى مابيقولو طيب ( زبون ) المهم طلعت فبريكه فى كل حاجه الحمد لله فيما عدا الماتور زعلان زعلان زعلان  بعد أسبوع من شرائها فوجأت بحراره بعيد عنكم فى الطالع بدون نازل خالص المهم أروح للميكانيكيه ( المناشير ) عفوا يقولى الماكنه أفشه ومحتاجه عمره أقوله كامله ولا نص عمره يقولو مافيش حاجه إسمها نص ولا ربع إلا فى الكباب  ومحدش عايز يعرفنى حدود التكاليف إلا لما نفتح ونشوف المعده فيها أيه المهم واحد منهم قاللى شوف الريداتير ودوره المايه حليت الريداتير وإتسلك وغيرت الزيت وغيرت فلتر وغيرت ساعه حراره وتمام المهم طبعا مابمشيش بالعربيه إلا والمروحه شغاله يدوى بالمفتاح تانى يوم الحراره زى ماهيه فى الطالع والماكنه كل شويه تبطل المهم فجأه الماكنه فيها صوت زى صوت العربيات النقل ( الديزل ) واحد قاللى ريح التاكيهات الميكانيكيه قالو يبقى السبيكه والفلنشه وتتخرط وعامود كرنك وصبابات المهم قلت لا حول ولا قوه إلا بالله طيب فجأه ونا بدور العربيه مش عايزه تاخد نقله خالص وكل لما أدوس دبرياش الماكنه كلها بتترج فى الدواسه ومافيش أى غيار المهم روحت للراجل بتاع الفيتيس قاللى دسك وإسطوانه وبليه وغيرتهم المهم قاللى خاللى الميكانيكى يجيى يشوف عامود الكرنك ده بيروح وبييجى معايه قبل ما آقفل الماتور المهم الميكانيكى عمل مشغول وقاللى ماهيه عمره كامله يعنى عمره كامله المهم العربيه خدت النقلات بس الحراره لسه فى الطالع لدرجه إنى راكنها من شهر بس بدورها كل يوم وبروح الشغل على رجلى إللى ليها قصه طويله مع العمليات والعلاج الطبيعى المهم واحد إبن حلال قاللى هات ماكينه إستيراد وريح نفسك من الميكانيكيه والخراطين وقطع الغيار لذا نداء من أخوكم الفقير إللى الله هل أروح بورسعيد وماكينه جديده ولا أعمل عمره ولو ماكينه جديده إجرئاتها فى المرور أيه والماكينه بكام وهتحتاج أيه تانى بعد ماتيجى معلش طولت عليكم 
|
|
#2
16-06-2012, 06:01 AM
|
|||
|
|||
رد: السلام عليكم ممكن أعرف إجراءات تغيير ماتور fiat128 فى المرور
قدر الله وماشاء فعل
والحمد لله على كل شىء مبروك على العربية وربنا يجعل وشها حلوعليك شوف موتور العربية اهم من العربية واهم شىء فى العربية يبقى ازاى العربية فبريكة ثانى حاجة الميكانيكية مناشير على حد كلامك يبقى تتكوى بنارهم وتعمل الصح احسن ولا تتكوى بنارهم وتفضل العربية خربانه وتعطل كل شوية عمر الموتور واعمل عمرة كاملة على ايديك وان شاء الله تنتهى كل المشاكل انما تروح بورسعيد تجيب بطيخة انت وحظك وتبقى ضيعت الفرصة مرتين لا اعمل عمرة احسن الحلول مع المغول والله اعلم
|
|
#3
16-06-2012, 05:17 PM
|
|||
|
|||
|
رد: السلام عليكم ممكن أعرف إجراءات تغيير ماتور fiat128 فى المرور
شكرا لك يا أخى الإيطالى الصغير على هذه المداخله
بس يا أخى أثابكم الله بسأل مدام العمره هتكلف 1500 جنيه ومن الوادح إن الماتور إتعمله أكثر من عمره وخصوصا إن إتضح متغيرها كاربيراتير وراكب كاربيراتير 127 ومحدش بصراحه عايز يشتغل فى الماكنه ده مش عارف ليه غير سبب واحد إن مصروفها كتير فى العمره علشان كده بقول أشوف ميكانيكى بيعرف ربنا ونجيب ماكينه إستيراد وبيتهيقللى الناس إللى بره عندهم ضمير فى الإستخدام والصيانه وقطع الغيار ومفيش صينى مضروب ولا أيه يا جماعه الموضوع مهم وأنا بجد محتاج إفاده لأن العربيه القديمه قطمت وصطى وخلصت على فلوسى وبايع صيغه المدام وبجد عامل عمليات فى رجلى وما بقدرش أمشى عليها خالص يعنى العربيه من غيرها ما ب قدرش أروح الشغل أرجو الإفاده من الناس الكبيره فى علمها يزيدونى بحر تعلمهم أفادكم الله
|
|
#4
16-06-2012, 08:18 PM
|
|||
|
|||
|
رد: السلام عليكم ممكن أعرف إجراءات تغيير ماتور fiat128 فى المرور
السلام عليكم ورحمت الله وبركاته أخويا الشيخ طارق ابو زيد
ممكن تفيدنى لو تكرمت من بحر علمكم ومعرفتكم علشان أنا محتار و مش عارف أعمل أيه أتوكل على الله وأعمل عمره كامله مع العلم إنى لاقيت طبب الميه إللى فى صدر الماتور من تحت فوق كلمه fiat مخبطه من أثر أعمال صيانه الأسطى بليه ومليانه سيليكون أو ما شابه ذلك والميكانيكى أكدلى إتعملها عمرات قبل كده وخايف بصراحه من مصاريف العمره تروح هباءا وفيه أخ نصحنى وقاللى إعمل عمره بدل ماتجيب ماكينه إستيراد و تطلب عمره برده ومعلش لو ممكن تتكرم وتعرفنى لو جبت ماكينه إستيراد كامله إجراءات تغيير الماكينه فى المرور أيه والماتور هيحتاج أيه معلش لو تكرمت أرجو الإفاده نظرا لثقه أعضاء المنتدى الغاليه فى سيادتكم أعزكم الله إن الله فى عون العبد مادام العبد فى عون أخيه
|
|
#5
17-06-2012, 10:03 AM
|
|||
|
|||
رد: السلام عليكم ممكن أعرف إجراءات تغيير ماتور fiat128 فى المرور
 لا تحير نفسك استخير الله فى الامر ثم توكل على الله اما بشراء استيراد او بعمل العمره ولكن لى ملحوظة حتى لو اخدت معاك خبير فى الماتور الاستيراد فهو فى النهاية مستعمل استيراد يعنى لازم بعد فترة هتعمل عمره وهيبقى مجرد مسكن مؤقت وترجع تانى مكان ما بديت والقرار قرارك وانا حبيت انصحك لوجه الله وخد بالك فى العمره هتشترى القطع والصمامات وغيرها جديدة على ايديك ومن انضف الخامات وهتطلع الموتور تفاحة بإذن الله عزوجل وربنا يوفقك الى ما هو خير لك
|
 |
|
|
