أوبل فكترا 2008 بسمع فيها صوت غريب

[dr_ragyonline]

انا عندي أوبل فكترا جايبها من شهر 4 عامله 3700 ك من ساعت ماجبتها وانا بسمع صوت بسيط اوي ال صراحه لما اكون ماشي واجي افرمل قبل ما العربيه تجي تقف ذي تكه كدا بس بدات الاحظ ان الصوت زاد اوي وبعديه العربية تقطع طقيعتين كدا وبعد كدا تمشي و العربيه بقى سحبها مش حلو ذي الاول بس برده لسه كويس بس مش ذي الاول وللعلم انا سواقتي هاديه ومليش في التخميس والامركاني خالص


اظن ده عيب صناعه مش سوء استخدام فا ياريت حد يفهمني ايه الوضع علشان اما اروح اتخانق معاهم في التوكيل ابقى فاهم ومحدش يضحك عليا بكلمتين

[فادى]

التكة عند الفرملة دى ممكن تكون كذا حاجة :
- المقصات.
- علبة الدركسيون(استبعدها لأن العربية لسه جديدة, و صعب انو علبة الدركسيون تبقى فيها مشكلة), أو البارات.
- ممكن تكون صاجة ادام مش مربوطة كويس(مرجح جدا, و بتحصل كتير).
- الفرامل, هناك انسداد فى خراطيم الفرامل.
- بما انك ذكرت مشكلة السحب, فممكن يكون السبب انو العجل مفرمل, أو فيه مشكلة فى رمان بلى العجل, جرب تزق العربية على طريق مستوى و شوفها بتتزق بسهولة أم لا.
- ممكن تكون المشكلة من قواعد المحرك, احدى القواعد أو الشدادات مكسورة, هتحس بالموضوع ده لو فيه "رجة" عند الضغط على دواسة الوقود فجأة.
انا بستبعد المقصات و علبة الدركسيون,
بس انت قولى احساسك ايه فى السواقة, هل العربية "بتعوم" معاك أم لا, لو كده يبقى غالبا المشكلة فى المقصات.
فى النهاية حاول فى التوكيل انك تبص معاهم على المشكلة, و لازم يوريك القطعة التالفة و يوريك وجه التلف, و بعدين حضرتك كده لسه فى الضمان, يعنى التغيير هيبقى على حسابهم, و بذلك مش هيغيروا اى قطعة الا اذا كانت تالفة فعلا.

[dr_ragyonline]

شكرا يا باشا

بس أروح للتوكيل دلوقتي ولا استنى معاد الصيانه الي عند ال5000 وعلى فكره اعربيه اتخبطت مره بس حاجه بسيطه وتم التصليح هل ده يأئر على ان الموضوع عيب صناعه او سوء استخدام وهل ممكن يعرفو انها اتخبطت من غير ما اقولهم " السياره اتسخنت واتردت واترش باب " بس مش باين حاجه حاليا

[hazem_khidr]

- بما انك ذكرت مشكلة السحب, فممكن يكون السبب انو العجل مفرمل, أو فيه مشكلة فى رمان بلى العجل, جرب تزق العربية على طريق مستوى و شوفها بتتزق بسهولة أم لا.

كلام الباشمهندس فادي صح رغم اني بميل بقوه للنقطه دي بالذات
و لو العربيه اتوماتيك من الطبيعي انك تسمعل صوت كل ما تشيل رجلك من الفرامل.

او:

- ممكن تكون صاجة ادام مش مربوطة كويس(مرجح جدا, و بتحصل كتير).

طالما العربيه كانت مخبوطه ممكن يكون فعلا سوء تقفيل من الصنايعي او فبره مفكوكه

هل ممكن يعرفو انها اتخبطت من غير ما اقولهم " السياره اتسخنت واتردت واترش باب " بس مش باين حاجه حاليا

الخبطه طالما في الصاج و مأثرتش في العفشه محدش حياخد باله
و مش لازم تقول ان العربيه اتخبطط علشان التلاكيك بتاع التوكيلات
و ابقي طمنا عملت ايه

[mercedes]

السلام عليكم و رحمة الله و بركاته

انا كنت عاوز أعرف كل حاجة عن العربية الأوبل 1600 موديل 2003, مالها و ما عليها و ايه عيوبها من حيث الثبات و أداء المحرك و أسعار قطع الغيار و الحرارة و كفاءة التكييف و أداء العربية عموما جوه البلد و عالطريق السريع لأنى كنت قريت موضوع فى نفس المنتدى ده بس كان عن الرينو الميجان و أعجبت كتير بالأسلوب اللى اتعرض بيه الموضوع بتاع الرينو لأنى فعلا طلعت بمعلومات جميلة جدا و كنت أتمنى أن يتم عرض كل الحقائق عن الأوبل ال 1600 مو 2003 بنفس الطريقة.

شكرا جزيلا و جزاكم الله كل خير

MERCEDES S430