(ترجملى شكرا)- قاموس 128-مفردة غير واضحة-اللينات

[الايطالى الصغير]

جملة قراتها فى اعلان


• ضبط تاكيهات وشاش السلندر التى تعمل بنظام اللينات مثال وشاش فيات (سيارة 128 وسيارة 132 )


يعنى ايه الكلمة دى ( نظام اللينات )
؟؟؟


ترجمة مطلوبة بالبلدى الفصيح

وشكرا

[Hisham.Elgazzar]

يباشا أخبار موضوع
حكاية التاكيهات اه ؟
هى دى كل الأنواع
واللينات هى الأطباق اللى قلنا عليها

المشاركة الأصلية كتبت بواسطة الايطالى الصغير



عموما انا فهمت كده منك انى اروح لخراط كرنك او مواتير


وبالمرة

ندى الخراط كام ؟

يعنى لو غير طبق مثلا او اكثر

ازاى اقدر مصنعيته

علشان انت عارف الجشع اللى فى قلة منهم مش كلهم

؟؟؟

جزاك الله كل خير على تعبك ومجهودك فى الرد على اسئلتى


جزاك الله كل خير
بالنسبة لمكان ظبط التاكيهات ممكن عند محل متخصص أو عند الخراط
بس عموما تكلفة الطبق الواحد ماتزيدش عن 10 جنيه
يعنى انا عملت 3 أطباق ب 30 جنيه
بس خلى بالك من الوقت والدور لأن فى بعض الأماكن بتبقى طوابير

المشاركة الأصلية كتبت بواسطة Hisham.Elgazzar هنرجع تانى للموضوع ببعض الصور الجديدة والشرح بتاعها زى ماتكلمنا قبل كده ، فيه بعض أنواع العربيات من الكورى واليابانى التاكيهات مش بتتظبط ولا أطباق ولا رجلاش (مفكوبنسة وفيللر ) اللى هيا بتبقى بلوف هيدروليك ودى صورة قريبة ليها شايفين هنا مفيش رجلاش مجرد البلف منه للماسعد لسوستة الصباب ومن فوق الجزء المدور ده عمود الكامة وهو بيلف بيفتح ويقفل والميزة فى البلف انه عمره طويل بس ركز معايا لو صوته على لازم يتكشف عليه (اللى هوا صوت التنقير فى الموتور من فوق لأنه لوباظ هتبقى مشكلة كبيرة لا قدر الله ) تمام كده البلف اللى على الشمال ده فى خروم بيدخل منها الزيت لأنه جواه بستم صغير (أيوه بستم ) وسوسته قويه وخلى بالك البستم بيبوظ والسوستة بتضعف علشان كده لازم تتابع الموضوع ولما تسمع أى صوت مشتبه فيه لازم تفتح وتبص على الدنيا جوا فيها اه بص معايا كده أهو وش موتور شبه اللى فى عربيتك عمود الكامة فوق بالمثلثة بتاعته Cam Lobe والبلف اللى هو Lash Adjuster الركبة اللى بتقابل عمود الكامة Rocker وده الكستبان العادى اللى بيتغيرله طبق واللى على اليمين هيدروليك وده شكل الظبط بالفيللر بس خلى بالك كل عربية بتختلف عن التانية فى المقاس (بيبقى مكتوب فى الكاتالوج بتاعها ) اللى بتحطه بالفيللر سواء لصباب العادم أو صباب دخول البنزين الشكل ده بيظبط على 0.1 بأتمنى أن الموضوع يكون عجبكم وتحت أمركم فى أى إستفسار انا حاولت بعون الله وفضله انى اوضح الموضوع الموضوع الأصلى من الأول http://www.masrmotors.com/vb/showthread.php?t=87180 __________________ لاإله إلا انت سبحانك إنى كنت من الظالمين التعديل الأخير تم بواسطة Hisham.Elgazzar ; 29-05-2012 الساعة 03:20 PM

Hisham.Elgazzar

مشاهدة ملفه الشخصي

إرسال رسالة خاصة إلى Hisham.Elgazzar

البحث عن المشاركات التي كتبها Hisham.Elgazzar

[mr_astra]

اللينات هى الاطباق
الفكرة كلها ان عامود الكامة بيلف عشان يضغط على الصباب ويخلية ينزل لتحت اما انة هايسحب بنزين او انة هايطرد عادم
وحضرتك عارف ان الصباب من فوق مدبب فعشان كدة حطين فوق منة غطاء معدنى ( كستبان ) وشة لتحت ناحية الصباب المدبب


فى الحالة دى عاوزين وسيط متغير السمك بين حدبة الكامة والكستبان !!!!!!!!!!!!! جت الاجابة انة اللينات او الاطباق

ولما تروح تظبط تاكيهات هتلاقى الخراط بيقيس الخلوص كام ولو عاوز يقفل الخلوص شوية اما انة بيشيل الطبق بالكامل ويجيب طبق اتخن او انة بيشيل الطبق ويحط تحت منة لينة صاج رفيعة جدا او بالسمك االمطلوب

المشاركة الأصلية كتبت بواسطة mr_astra اللينات هى الاطباق الفكرة كلها ان عامود الكامة بيلف عشان يضغط على الصباب ويخلية ينزل لتحت اما انة هايسحب بنزين او انة هايطرد عادم وحضرتك عارف ان الصباب من فوق مدبب فعشان كدة حطين فوق منة غطاء معدنى ( كستبان ) وشة لتحت ناحية الصباب المدبب فى الحالة دى عاوزين وسيط متغير السمك بين حدبة الكامة والكستبان !!!!!!!!!!!!! جت الاجابة انة اللينات او الاطباق ولما تروح تظبط تاكيهات هتلاقى الخراط بيقيس الخلوص كام ولو عاوز يقفل الخلوص شوية اما انة بيشيل الطبق بالكامل ويجيب طبق اتخن او انة بيشيل الطبق ويحط تحت منة لينة صاج رفيعة جدا او بالسمك االمطلوب

: Wkiss5: